1Meenei Dimaadua, hagalongo mai gi dagu dalodalo!
2Goe hudee hagi aga ina au, go dau dangada hai hegau,
3Ogu hagadaumee guu kumi au gu hagamagedaa.
4Ogu lodo gu bagege, gei au gu de nnoomaalia huoloo.
5Au e langahia nia laangi ala ne too gi daha.
6Au e daahi aga ogu lima gi nua e dalodalo adu gi di Goe.
7Meenei Dimaadua, helekai mai gi di au dolomeenei!
8Hagalangahia ina mai gi di au i nia luada huogodoo
9Meenei Dimaadua, au e hanadu gi di Goe belee abaaba Kooe.
10Goe go dogu God, aago ina au gi di hai dela e haga gila aga do manawa.
11Haga dagaloaha ina au, meenei Dimaadua, e hagalaamua do ingoo.
12Idimaa go do aloho damanaiee i di au, daaligidia ogu hagadaumee gii mmade,