1E maluagina go digau ala e mouli madammaa,
2E maluagina go digau ala e daudali ana helekai,
3Digaula hagalee hai nia mee hala, e heehee hua i di ala Dimaadua.
4Meenei Dimaadua, Goe ne gaamai gi gimaadou au haganoho,
5Au e hagadagadagagee bolo au ga manawa dahi ga dadaahi au helekai!
6Maa au gaa mmada gii donu gi au haganoho huogodoo,
7Au ga hagaamu Goe i di manawa madammaa
8Au ga haga gila aga au haganoho, hudee hudu ina au gi daha!
9Tama daane e mee di benebene dono mouli gi madammaa behee?
10Au e hagamahi e hai hegau adu gi di Goe mai i lodo dogu manawa hagatau.
11Au e dadaahi au haganoho i lodo dogu manawa
12Au e hagaamu Goe, meenei Dimaadua. Aago ina mai gi di au oo ala.
13Au ga tataanga au haganoho huogodoo ala ne goweia.
14Au e tenetene di daudali au haganoho
15Au e hagabaubau au haganoho, gei e hagadinadina au agoago.
16Au e tenetene gi au haganoho, au hagalee e de langahia eau au helekai.
17Goe hila mai gi di au, go dau dangada hai hegau,
18Hugee ogu golomada,
19Au e noho hua i henuailala i tama madagoaa haga bodobodo.
20Dogu manawa e mmae i dogu hidihidi,
21Goe e wou gi digau ala e hagamuamua.
22Hagamehede ina au gi daha mo nia haganneennee
23Digau aamua e dagabuli belee haganoho di nadau hai baahi mai,
24Au aago e hai au gi tenetene, aalaa go ogu hagamaamaa.
25Au gu magedaa guu moe i lodo nia gelegele.
26Au ne haagi adu agu mee huogodoo ala ne hai, gei Goe gu helekai mai.
27Hagamaamaa ina au gi iloo eau au haganoho,
28Au e noho ge manawa gee.
29Hudee heia au gii hana i di ala hai gee,
30Au gu hilihili bolo au ga hagalongo adu.
31Meenei Dimaadua, au gu daudali au mee ala ne aago,
32Au ga haga limalima ga daudali au helekai,
33Meenei Dimaadua, aago ina mai gi di au tadinga o au haganoho,
34Hagamodongoohia ina mai gi di au au haganoho,
35Dagia hua au i hongo nia ala o au haganoho,
36Gaamai gi di au di hiihai dela e hagagila aga au haganoho,
37Heia au gi de hiihai gi nia balu mee.
38Heia mai gi di au au mee ala gu hagababa
39Haga dagaloaha ina au gi daha mo nia haganneennee ala e madagu iei au.
40Au e hiihai e daudali au helekai.
41Meenei Dimaadua, hagamodongoohia ina mai gi di au dau hai dela e aloho i di au,
42Gei au gaa mee di helekai gi digau ala e haganneennee au,
43Heia au gii mee di helekai donu i nia madagoaa huogodoo,
44Au ga hagagila aga au haganoho i nia madagoaa huogodoo,
45Au ga heehee moholo mai gi di au, idimaa au e hagamahi e daudali au agoago.
46Au ga hagadele au helekai gi nia king, au hagalee langaadia.
47Dogu madagoaa ma ga hagagila aga au helekai,
48Au e hagalaamua ge e haga dahidaamee au haganoho.
49Gi langahia e goe dau hagababa dela ne hai mai gi di au,
50Dogu noho i lodo ogu hagammaemmae, au gu manawa lamalia hua,
51Digau hagamuamua le e hagabalumee au,
52Meenei Dimaadua, au e langahia eau au haganoho ala i mua loo.
53Au e hagawelewele huoloo ma gaa mmada
54Au helekai la aalaa agu mee e dadaahili
55Meenei Dimaadua, ma gaa boo gei au e langahia Goe,
56Au e gida dogu tenetene mai i dogu daudali au haganoho.
57Meenei Dimaadua, ma deelaa hua Kooe dela e hiihai ginai au.
58Au e madau adu gi di Goe mai i lodo dogu manawa hagatau
59Au gu daamada gu hagabaubau dagu hai dela e mouli iei au,
60Au hagalee hagaduai, au ga hagalimalima ga daudali au helekai.
61Digau huaidu guu dugu di nadau hele belee hele au,
62I di madahidi waelua di boo,
63Au di hoo ni digau huogodoo ala e hai hegau adu gi di Goe,
64Meenei Dimaadua, henuailala e honu i do aloho dee modu,
65Meenei Dimaadua, Goe gu hagagila aga dau hagababa,
66Gaamai gi di au di iloo nia mee mo di kabemee,
67I mua dau hagaduadua au, gei au nogo hai agu mee hala,
68Goe e humalia, gei e hai au mee humalia! Aago ina au gi au helekai.
69Digau hagamuamua guu hai nadau helekai tilikai i di au,
70Digaula nadau iloo ai,
71Ogu dadaaligi le e humalia mai gi di au,
72Au haganoho ala ne gaamai gi di au la koia e hagalabagau ko au
73Goe dela ne hai au, gei Goe dela e benebene au haga humalia.
74Digau ala e hagalaamua Goe la ga manawa lamalia ma ga mmada mai gi di au,
75Meenei Dimaadua, au e iloo bolo Goe e hagi aga au mee gi di ala dela e donu,
76Heia do aloho waalooloo gi haga manawa lamalia ina au,
77Goe gi manawa dumaalia mai gi di au, gei au ga mouli,
78Heia digau ala e hagamuamua la gi langaadia,
79Heia digau ala e hagalaamua Goe la gi lloomoi gi di au,
80Heia au gii dohu di daudali au haganoho gi de langaadia au i dogu magedaa.
81Meenei Dimaadua, au gu dogono huoloo dagu talitali Goe belee hagamouli au,
82Ogu golomada guu pili di haga daumada au mee ala ne hagababa,
83Au gu balumee gadoo be di peege gili manu bobo ne hudu gi daha,
84Au belee hai loo gii tali waalooloo behee?
85Digau hagamuamua ala hagalee hagagila aga au haganoho
86Au haganoho huogodoo le e donu.
87Digaula gu hoohoo hua bolo ga daaligi au gii made,
88Idimaa go do aloho dee modu, Goe hila mai gi di au,
89Meenei Dimaadua, au helekai la ga waalooloo hua beelaa, dono hagaodi ai.
90Do manawa dahi le e waalooloo hua beelaa ang gi nia madawaawaa huogodoo.
91Nia mee huogodoo e noho hua beelaa gi dangi nei idimaa go au helekai,
92Maa nei bolo au haganoho la hagalee go nia mee ala e hagatenetene au,
93Au ga hagalee de langahia eau au aago,
94Haga dagaloaha ina au, idimaa au di mee ni aau!
95Digau huaidu e talitali au belee daaligi gii made,
96Au gu iloo eau bolo nia mee huogodoo la ono hagaodi gi muli i golo,
97E koia e damanaiee go dogu aloho i au haganoho!
98Au haganoho le e madalia au i nia madagoaa huogodoo,
99Au gu kabemee i hongo ogu gau agoago huogodoo,
100Au e iloo nia mee i hongo digau ala mmaadua,
101Au gu haga mogowaa au gi daha mo nia hagadilinga hangaahai huaidu huogodoo,
102Au hagalee huli gi daha mo au haganoho,
103E koia e maangala go au helekai!
104Au gu kabemee mai i di gili au haganoho, deelaa di mee e hidi iei au
105Au helekai la go di malama dela e dagi au,
106Au ga hagagila aga dagu hagababa
107Meenei Dimaadua, ogu hagammaemmae la gu logowaahee!
108Meenei Dimaadua, Goe hila mai gi dagu dalodalo danggee,
109Au gu dee hagahuodia eau dogu mouli,
110Digau huaidu guu hai nadau hele belee hele au,
111Au haganoho la go dogu haga maluagina ga hana hua dee odi,
112Au gu hagamaanadu i lodo dogu manawa bolo au ga hagalongo gi au haganoho
113Au e hagadugina i digau ala hagalee manawa dahi adu gi di Goe,
114Goe go dogu duuli mo dogu hagaloohi, au e hagadagadagagee gi au hagababa.
115Goodou go digau huaidu, goodou hula gi daha mo au.
116Hagamaaloo ina aga au, gii hai be dau hagababa dela ne hai, gei au ga mouli.
117Daahia au, gei au ga mouli humalia,
118Goe e hagabalumee digau huogodoo ala hagalee e daudali au haganoho.
119Goe guu dugu digau huaidu huogodoo bolo digau hua balumee,
120Au gu madagu i di Goe, au gu madagu huoloo i dau gabunga.
121Au guu hai nia mee ala e donu ge humalia.
122Heia dau hagababa mai gi di au bolo Goe ga hagamaamaa dau dangada hai hegau.
123Ogu golomada guu pili di haga daumada Goe
124Heia mai gi di au gii hai be do aloho dee modu,
125Au go dau dangada hai hegau,
126Deenei la do madagoaa, meenei Dimaadua, belee daaligi digaula,
127Au e haga dahidamee au haganoho laa hongo nia goolo,
128Deelaa dagu mee e daudali au aago huogodoo,
129Au agoago le e humalia huoloo.
130Di haga modongoohia o au agoago le e hidi mai ai di maalama,
131Au e hanga dogu ngudu gi daha mo di dogidogi hagapodo
132Huli mai gi di au mo di manawa dumaalia mai gi di au,
133Goe gumidia au gi dee doo, gii hai be dau hagababa dela ne hai.
134Haga dagaloaha ina au gi daha mo digau ala e hagahuaidu au,
135O hadumada la gi haga maalama ina au, go dau dangada hai hegau,
136Au e dangi huoloo ogu lodo,
137Meenei Dimaadua, Goe e donu, gei au haganoho le e donu.
138Nia haganoho ala ne gaamai Kooe
139Dogu hagawelewele guu gaa i ogu lodo gadoo be di ahi,
140Au hagababa ala ne hai mai gi di au le e donu huoloo!
141Dogu huaidina la hagalee dahidamee, di balumee hua,
142Oo donu le e donu gaa hana hua beelaa,
143Au guu honu i nia haingadaa mo dee baba,
144Au aago mai gi di au le e donu i nia madagoaa huogodoo.
145Au e gahigahi Goe mai i lodo dogu manawa hagatau, meenei Dimaadua.
146Au e gahigahi Goe, haga dagaloaha ina au,
147I mua di laa ma gaa hobo, gei au e gahigahi Goe i di hagamaamaa.
148I di waalooloo di boo, gei au e moe hagaala hia e hagamamaanadu au aago.
149Meenei Dimaadua, hagalongo mai gi di au, idimaa do aloho le e waalooloo,
150Ogu hagadaumee huaidu la gu lloomoi gu hoohoo mai,
151Gei goe e hoohoo mai gi dogu baahi, meenei Dimaadua,
152Mai loo i mua gei au gu iloo eau au aago.
153Mmada mai gi dogu hagammaemmae, haga dagaloaha ina au,
154Hagamaamaa ina au i ogu donu, mo di haga dagaloaha ina au.
155Digau huaidu la hagalee mouli, i digaula ala hagalee daudali au haganoho.
156Gei do aloho le e aamua huoloo, meenei Dimaadua,
157Ogu hagadaumee mo digau ala e dadaaligi au le e dogologowaahee,
158Dogu madagoaa ma gaa mmada gi digau hagi aga dangada aalaa,
159Meenei Dimaadua, mmada mai gi di au dela e aloho i au aago.
160Di hagamau o au haganoho la go di tonu,
161Digau aamua e hai baahi mai gi di au dono hadinga ai,
162Au e tenetene huoloo gi au hagababa,
163Au e hudi dogu wou ge e hagadugina eau i nia helekai tilikai huogodoo,
164Au e danggee adu gi di goe haga hidu i lodo di laangi e dahi,
165Digau ala e haga dahidamee au haganoho le e noho i di aumaalia,
166Meenei Dimaadua, au e talitali dau haga dagaloaha,
167Au e hagagila aga au agoago,
168Au e hagalongo ang gi au haganoho mo au helekai aago,
169Meenei Dimaadua, dagu dangidangi madau di hagamaamaa
170Hagalongo mai gi dagu dalodalo,
171Au ga hagahagaamu Goe i nia madagoaa huogodoo,
172Au ga daahili i au haganoho, idimaa au haganoho le e donu.
173Goe e hagatogomaalia i nia madagoaa huogodoo belee hagamaamaa au,
174Meenei Dimaadua, au e hidihidi huoloo i dau hagamaamaa o di haga dagaloaha!
175Gaamai gi di au di mouli, gii mee au di hagaamu Goe.
176Au e heehee halaangaa gadoo be tama siibi ne ngala.