1“Di mouli o tangada le e hai gadoo be di moomee
2E hai gadoo be di hege dela e hiihai huoloo
3Nia malama e hagadau mai e odi gi muli
4Dogu madagoaa ma gaa moe gi lala belee kii, gei nia aawaa e duainau huoloo.
5Dogu huaidina guu honu ila, guu honu i nia magibala.
6Ogu laangi e odi gi daha deai di hagadagadagagee ai,
7“Meenei God, gi langahia bolo dogu mouli
8Goe e daumada au dolomeenei, maalia gei Goe ga de gidee e Goe au.
9Deeai, au hagalee e noho deemuu!
10“Goe e aha dela e loloohi au?
11Au gaa moe gi lala belee hagamolooloo,
12Gei Goe e hai au gi madagu i au midi.
13dela ga hidi mai iei au bolo au e mademade au
14Deai dagu mee e gana ginai au ai. Au gu duadua di mouli.
15“Ma e aha dela Goe e hagalabagau nia daangada dangada?
16Goe e hagadina digaula i nia luada huogodoo,
17E hai behee, Goe e deemee di huli gi daha mo au
18E hai behee, Goe e lodo huaidu gi ogu huaidu,
19E hai behee, Goe e deemee di dumaalia mai gi di au i ogu huaidu?