1“God Mogobuna le aha dela hagalee dugu
2“Nia daangada e negenege nadau haga geinga
3Digaula e daa nia ‘donkey’ o digau nadau maadua ai,
4Digaula e duuli gi daha nia donu digau hagaloale,
5“Malaa, digau hagaloale la guu hai gadoo be nia ‘donkey’ lodo geinga,
6Digaula e gai nia hadagee ala hagalee ni ginaadou,
7I di boo, gei digaula e kii hagalee e gahu,
8Digaula e tuu i di uwa dela e doo iha i tomo nia gonduu.
9“Digau huaidu e hai hege nia dama nadau maadua ai,
10Gei digau hagaloale e heehee hua nadau goloo e gahu ginaadou ai.
11Digaula e tau nadau olib e hai nia lolo, gei nia ‘grape’ e hai nia waini,
12I lodo nia waahale iai digau gu lauwa mo digau ala gaa mmade
13“Digau i golo hagalee hiihai gi di maalama.
14Digau daaligi dangada e ala aga hagaluada loo,
15Digau hai be di manu e talitali di bouli gi dau mai,
16Digau gaiaa le e oho di hale i di boo, di mee ga maalama mai
17Digaula e mmaadagu i di maalama o di aa,
18“Digau huaidu e taahee gi daha i di labagee,
19E hai gadoo be ‘snow’ ma ga hagalee i di welengina o di laa,
20Gei nadau dinana gu de langahia e ginaadou hogi digaula.
21Di hai deenei e gila aga, idimaa i nadau hai hagahuaidu nia ahina
22God e daaligi digau aamua gi ono mahi.
23Holongo God ga dumaalia ang gi digaula gi mouli,
24Digau huaidu e haadanga lamalia hua i tama madagoaa bodobodo.
25Ma iai tangada i golo e haga dilikai bolo di mee deenei la hagalee e donu?