1“Gidaadou huogodoo ne haanau mai paagege tadau mahi ai.
2Gidaadou e tomo limalima hua mo di mae be nia akai,
3“Meenei God, e hai behee? Goe gaa hila mai gi di au,
4Ma deai di mee madammaa e mee di hanimoi
5Di waalooloo o dono mouli la gu modongoohia hua i mua,
6Goe mmada gi daha mo mee, diagia a mee modogoia,
7“Ma iai di hagadagadagagee i golo ang gi di tono laagau
8Ono aga ga madumadua gei tuaidina o maa gaa made i lodo di gelegele,
9gei di maa ga hagatiu gi nia wai, gei di maa ga matili aga be di laagau hoou.
10Gei tangada gaa made, la dela hua gu hagaodi i golo.
11E hai gadoo be nia monowai ala gu hagalee mmidi,
12Nia daangada dangada gaa mmade la hagalee mmouli aga.
13“Au e hiihai bolo Goe gi hagammuni ina au i lodo tenua o digau mmade.
14Tangada ma gaa made, le e mee di mouli aga labelaa?
15Gei Goe ga gahigahi mai laa, gei au ga helekai adu,
16Gei Goe ga dadaumada ogu heehee huogodoo,
17Gei Goe gaa wwede huogodoo ogu ihala gaa dugu gi daha,
18“Di madagoaa i golo, gei nia gonduu la ga doloo gi lala,
19Nia wai gaa hai nia hadugalaa gi monnono gi lala,
20O mogobuna e maaloo i tangada, e hagau a mee gii hana hua hagadahi,
21Nia dama a maa e kae di nadau hagalaamua, gei mee e de iloo ia.
22Di mmae o dono huaidina la dela hua dana mee e longono ai,