1“Au guu buhi di mouli,
2Hudee hagahuaidu ina au, meenei God.
3Ma e donu Goe e tenetene gi dau hagaduadua au?
4Goe e gidee nia mee be di madau gidee?
5Do mouli le e bodobodo gadoo be nia mouli o gimaadou daangada dangada?
6Ma e aha dela Goe e hagailongo ogu huaidu huogodoo,
7Goe e iloo hua bolo au ogu huaidu ai,
8“Aalaa go oo lima ala ne hai au,
9Goe gi langahia bolo Goe ne hai au mai i nia gelegele,
10Goe ne haga maaloo dogu damana bolo gii mee di hagadili au.
11Goe guu wanga nia iwi mono goneiga gi dogu huaidina,
12Goe ne gaamai gi di au di mouli mo di manawa aloho,
13Dolomeenei gei au gu iloo bolo i di madagoaa hagatau deelaa,
14Gei Goe nogo hagadinadina mai au be au e hai dagu mee huaidu,
15Maa au gaa hai di huaidu, gei au ga gidee dogu haingadaa mai i doo baahi.
16Maa au ga haadanga lamalia hagadahi,
17Nia madagoaa huogodoo
18“Meenei God, Goe ne aha dela ne dumaalia mai gi di au gi haanau mai?
19Dogu hagahuudonu mai i tinae o dogu dinana
20Dogu mouli la digi hoohoo bolo ga hagaodi?
21Au gu hoohoo ga hagatanga gaa hana hagalee e hanimoi labelaa,
22tenua bouli dongoehe, manawa gee, gei e hinihini,