1Aanei nia hagadili o Esau e hagaingoo labelaa bolo Edom.
2Esau ne lodo gi nia ahina Canaan go Adah, tama ahina ni Elon tangada Hittite, mo Oholibamah, tama ahina ni Anah tama daane ni Zibeon tangada Hivite,36.2 Genesis 26.34
3mo Basemath, tama ahina Ishmael ge tuaahina ahina ni Nebaioth.36.3 Genesis 28.9
4Adah ne haanau Eliphaz, gei Basemath ne haanau Reuel,
5gei Oholibamah ne haanau Jeush, Jalam mo Korah. Nia dama daane huogodoo aanei la ne hagadili go Esau i Canaan.
6Esau gaa lahi ono lodo, ana dama daane mono dama ahina, nia daangada dono hale huogodoo, mo ana manu mo ana mee huogodoo ala ne hai mee ginai i dono noho i Canaan, gaa hana gi daha mo dono duaahina go Jacob gi tuai henua.
7Mee ne hana idimaa tenua nogo noho ai ginaua mo Jacob gu deemee di benebene humalia ginaua. Meemaa guu logo nau manu gu deemee di nau noho i di gowaa e dahi.
8Esau gaa noho i lodo tenua gonduu go Edom.
9Aanei la nia hagadili o Esau, go tamana madua o digau Edom:
10Di lodo Esau go Oholibamah, tama ahina ni Anah tama daane ni Zibeon, gu haanau ana dama daane dogodolu go Jeush, Jalam, mo Korah.
11Aanei la nia madawaawa ne hagadili mai Esau:
12Korah, Gatam, mo Amalek. Aanei la nia hagadili huogodoo mai Adah, di lodo a Esau.
13Tama daane Esau go Reuel la tamana madua o nia madawaawa aanei:
14Aanei la nia madawaawa nia hagadili mai Esau mai dono lodo go Oholibamah, tama ahina ni Anah:
15Nia madawaawa huogodoo aanei la ne hidi mai i Esau.
16Lotan la go tamana madua o nia madahaanau llauehe o Hori mo Heman. (Lotan dono duaahina ahina go Timna).
17Shobal la tamana madua ni nia madahaanau o Alvan, Manahath, Ebal, Shepho mo Onam.
18Zibeon e lua ana dama daane, go Aiah mo Anah. (Anah la tangada ne gida ana monowai welengina lodo geinga dono madagoaa nogo madamada humalia i nia manu ‘donkey’ o dono damana.)
19Ezer la tamana ni nia madahaanau llauehe o Bilhan, Zaavan mo Akan.
20Dishan la tamana madua o nia madahaanau llauehe o Uz mo Aran.