1Nnyongo ávele na ulamba kuvapunda anyama vammalele va munnyitu vanavaumbile Yahwe Nnungu. Bahi nnyongo nkunnyaulila ayula mmahe kuchidoni, “Ati muhiu kuva Nnungu áhawile kuva munalye vihepo vya nnandi wohewo wa m'bustani?”
2Mmahe nkunnyang'ula ayula nnyongo kuchidoni, “Nanga, tùnahulula chihi kulya vihepo vya milandi ivêle m'bustani,
3henga Nnungu áhawile kuva, tunalye vihepo vya nnandi uvêle ching'ati bustani, na wala tunaukwahe, na tukàtenda uchocho tùmbekuhwa.”
4Nnyongo nkunnyaulila mmahe kuchidoni, “Mmh! Nanga pamumbekuhwa!
5Nnungu áhawile uchocho kwa kuva ànimala kuva mukàlya vihepo vya nnandi anewo ding'ano dyenu dichidihunukuliwe, na mwenu mùmbekuva muchi mwene Nnungu kwa kumala lambone na lahakalenge.”
6Bahi mmahe pawene kuva vihepo anevyo vìnafala namene kwa chakulya, na vìnautila mmeho na vìnafala kwa kupata lúnda, nang'e nkuhepa chihepo cha nnandi anewo, nkulya, nkumwing'a na nng'andomwe anavele nawe pamo, nanang'e nkulya.
7Upala vammalele nkuhunukuliwa ding'ano, nkulimala kuva vàvele chihi lukundu mwandu, bahi nkutota mahamba la nnandi wa tini la kulikuhikija.
8Bahi chinalyulo, mpapa pauchipunga, ayula nnume na n'jawe nkupilikana dihinji dya Yahwe Nnungu waonga m'bustani, vanang'o nkulipiha mmilandi ya m'bustani kuchinga Yahwe Nnungu anavone.
9Henga Yahwe Nnungu nkunchema ayula nnume na kummuja kuchidoni, “Ùvele kwachi?”
10Nang'e nkunnyang'ula kuchidoni, “Nangu ngúpilikene dihinji dyako m'bustani, nangu nkuyopa, nkulipiha, kwa kuva ngúvele lukundu mwandu.”
11Yahwe Nnungu nkummuja kuchidoni, “Nnani akuhaulidîle kuva úvele lukundu mwandu? Dachi, ùlile chihepo cha nnandi chinikulimbijije unalye?”
12Ayula nnume nkuyang'ula kuchidoni, “Ayu mmahe úngupèlè aikale pamo na nangu njo angupêle chihepo cha nnandi anewo, nangu nkulya.”
13Anepo Yahwe Nnungu nkummuja ayula mmahe kuchidoni, “Chinu ntwani achino chiuchitendile?” Mmahe nkuyang'ula kuchidoni, “Nnyongo áningulambila, nangu nkulya.”
14Bahi Yahwe Nnungu nkunnyaulila nnyongo kuchidoni,
15Nìmbevika umongo kati yakuwe na ayu mmahe,
16Anepo nkunnyaulila ayula mmahe kuchidoni,
17Anepo Yahwe Nnungu nkunnyaulila ayula nnume kuchidoni,
18Ulongo ùmbemeja miva na lukwekwe kwajili yako,
19Na ùmbelipatila chakulya kwa kukola madengo lakamajanga namene,
20Bahi ayula nnume nkunchema n'jawe lina “Eva,3:20 Lidi lya lina Eva lìpilikanika muchi lilove lya Chieblaniya livêle na mana ya “avêle na umi.”” kwa kuva, àmbekuva mama wa vanu vammalele.
21Yahwe Nnungu nkunkatapajija Adamu na n'jawe mambende, nkuvawaja.
22Bahi Yahwe Nnungu nkuchidoni, “Vino vanu vàvele muchi mutuvelelee hwetu, kwa kulamala lambone na lahakalenge. Vino vàlembelewa vadivilwe kulya chihepo cha nnandi wa umi ukee na ntululilo, kwa kuva, vakàlya vàmbekuva na umi ukee na ntululilo.
23Bahi Yahwe Nnungu nkuvavingangila anevo vanu panda bustani ya Adeni, uchinga vakalime muulongo muvanatwaliwijwe.
24Nnungu pavavingangidile vanu panda bustani, nkuvivika viumbe vya kulihunde vivêle na dimapa, m'bali wa mashaliki wa Bustani ya Adeni pamo na upanga wa moto uchidinguka-dinguka nnyenje, kwa kuichunga indila ichihwena kunnandi wa umi ukee na ntululilo.