1Mweye wanhu zangu, hulikeni mafundizo gangu,
2Nogubula mulomo wangu kwa mzungu,
3gaja gatuhulike na kugatanga,
4Hatugafisa kwa wanao,
5Kalava amuli kwa Yakobo,
6ili iwanhu wa ulelo ukwiza wagajuwe,
7Aho okwika tamanilo jao kwa Imulungu,
8Na sikuwaigale na iwahenga zao,
9Kamba iwanhu wa Efulaimu hamoja wagoga upinde,
10Hawadigogile lagano da Imulungu,
11Waisemwa gaja gayawatendele,
12Katenda unzonza mgameso ga iwahenga zao,
13Kaigola bahali na kawalongoza mbaka wabita,
14Kawalongoza kwa wingu imisi,
15Katula mibwe kuluwala,
16katenda mbwibwi kulawa mdibwe,
17Lakini wagendelela kumtendela nzambi,
18Wamgeza Imulungu giladi,
19Wamdeta Imulungu, walonga,
20Ona, katowa dibwe na mazi galawa,
21Mndewa Imulungu viyawahulike kagevuzika ng'hani,
22kwavija hawamtamanile Imulungu,
23Avo, kalagiza ulanga uli uchanha,
24kawalagazila mana kamba ndiya,
25Wanhu waja ndiya ya wasenga wa kuulanga,
26Kagala beho da umwambu wa kudilawila zuwa kulawa kuulanga,
27Kawalagazila nyama kamba timbwisi,
28Kawatenda wagwe mng'hambi yao,
29Wanhu waja na kusigasa,
30Wang'hali hawana mambukiza kuja acho kiwasulukile,
31Imulungu kawagevuzikila,
32Hamoja ago gose galawila,
33Avo kazitenda siku zao zilawanye kamba mhumuzi,
34Viyawakomile wamzahila,
35Wakumbuka kamba Imulungu kalala dibwe jao,
36Lakini wamvizila kwa milomo yao,
37mizoyo yao haimgogile heyo,
38Hata ivo heyo kakala na bazi,
39Kakumbuka kamba hewo wakala wanhu tu,
40Miyanza mingi wamulema kuluwala,
41Wamgeza Imulungu kabili na kabili,
42Waisemwa nguvu zake,
43siku ayo viyatendile vilaguso vake ako Misili,
44Kagalusa vizanda vao viwa damu,
45Kawagalila mikonzi iwagaze,
46Kailava ndiya yao inangigwe na mbalangulu,
47Kabananga mizabibu yao kwa mvula ya mabwe,
48Kawatowa ng'ombe wao kwa mvula ya mabwe,
49Kawakutulila ng'hasiliki yake,
50Kaitendela nzila ng'hasiliki yake,
51Kawakoboza iwana chaudele wose wa Misili,
52Lakini kawalava iwanhu zake kamba fugo,
53Kawalongoza goya na hawadumbile,
54Kawagala mbaka kuna imbaka ya isi yake ing'alile,
55Kawawinga iwanhu wa isi ziyagwe kuulongozi wao,
56Lakini hewo wamgeza Imulungu,
57Wahinduka kuyagwe na hawatamaniligwe kamba iwahenga zao,
58Wamgevuza Imulungu kwa kuzenga hanhu ha kutambikila imilungu kuvigongo,
59Imulungu viyawahulike kagevuzika ng'hani,
60Kadileka dihema ding'alile dikalile ako Shilo,
61Katogola disanduku da lagano disoligwe,
62Kawaleka iwanhu zake wakomigwe kwa sime,
63Moto uwasakaza iwabwanga wao,
64Iwalava nhosa wao wakomigwa kwa sime,
65Abaho Mndewa kalamuka kamba munhu yawasile utulo,
66Kawatowa na kawahuma iwanhu omwihila,
67Abaho kadilema hema da Yusufu,
68lakini kadisagula kabila da Yuda,
69Kazenga hanhu hake hong'ala kamba ulanga,
70Kamsagula Daudi msang'hanaji wake,
71kulawa kususila ng'hondolo kamgala yawe msusilaji wa iwanhu wa Yakobo,
72Na Daudi kawasusila kwa moyo unogile,