1Gweye Imulungu habali kutulema milele?
2Kumbuka iwanhu waugulile tangu umwaka,
3Hinduka uchole kuvihame vino milele,
4Iwanhu okwihila wabuma kwa mhumo aho ihanhu hako hong'ala hauiting'hane na siye,
5Watenda kamba iwanhu osang'hanila mishoka,
6Wabena mbao zihambigwe goya,
7Wahasoma moto hanhu hong'ala mbaka hasi,
8Walonga mmizoyo yao, “Towahonda kabisa!”
9Hatugweleligwe kilaguso cha unzonza,
10Gweye Imulungu mdetaji kokubezeli mbaka lini?
11Habali kougomesa mkono wako wa ukudila wa nguvu?
12Lakini gweye Imulungu kwa Mndewa wangu tangu umwaka,
13Gweye ayo uigolile bahali kwa nguvu zako,
14Gweye ayo utulile pala da Lewiasani,
15Gweye ayo ufungule mbwibwi na vizanda,
16Imisi yako na vivija ikilo yako,
17Gweye ayo wikile imbaka ya isi yose,
18Kumbuka mdetaji viyakubezeli gweye Mndewa Imulungu,
19Sikuugale ugima wa njiwa wako kwa iming'onyo ya kumuhulo,
20Dikumbuke lagano jako,
21Sikuutogole iwanhu oneligwe wabwele kuchugu kwa kinyala,
22Inuka gweye Imulungu uigombele,
23Sikuuisemwe kuguta kwa iwanhu okulema gweye,