1Gweye Imulungu unikombole,
2Nodidimila mnhope,
3Nidonha kukulilila,
4Iwanhu onihila bila kilamuso wengi kubanza mvili zangu,
5Gweye Imulungu, gweye kojuwa ubozi wangu,
6Wose okutamanila gweye Mkulu Mndewa Imulungu,
7Kwavija nisitamili kubezeligwa mbuli yako,
8Niwa mgeni kwa ndugu zangu,
9Kwavija unogelwa wangu kwa ng'anda yako osoma mgati mmwangu kamba moto,
10Nahalila na kufunga,
11Vinivalile viwalo va gunia kwa kuiyalala,
12Waja okala mmulango onigeweza,
13Lakini niye nokupula gweye Mndewa Imulungu.
14Unitaze sikuunileke nididimile mnhope,
15Sikuundeke nzoligwe na sika kulu,
16Gweye Mndewa Imulungu unidike,
17Sikuufise kihanga chako kwa msang'hanaji wako,
18Wize behi na unikombole,
19Gweye kotanga vindigigwa,
20Awo onibezeli wanibena nguvu na niye nifa umoyo,
21Wanikila sumu mna ndiya yangu,
22Imeza itandigwe kuulongozi wa hewo iwe mtego,
23Meso gao gageligwe ziza sikuwalole,
24Uwakutulile ng'hasiliki yako,
25Kae yao iwe vihame,
26Kwavija owadununza awo uwadununze,
27Walihe gehile kwa gehile gao,
28Wasegeswe mkitabu cha wagima,
29Lakini niye nogaya na nina usungu,
30Noditogola twaga da Imulungu kwa lwila,
31Mbuli ayo yomnogeza Mndewa Imulungu kubanza ng'ombe mbigalo,
32Wakiwa ogona gago na kudeng'helela,
33Mndewa Imulungu kowategeleza ngaengae,
34Ulanga na isi vimtogole,
35Kwavija Imulungu kodikombola buga da Sayuni,
36Wana wa iwasang'hanaji wa Imulungu odihazi,