1Sikuuigaze mbuli ya iwanhu otenda gehile,
2Kwavija onyala himahima kamba mijani,
3Mtamanile Mndewa Imulungu, na utende ganogile,
4Zahila deng'ho jako kwa Mndewa Imulungu,
5Mgwelele Mndewa Imulungu nzila zako,
6Koilava kunze haki yako kamba mulenge,
7Ukale tuluu kuulongozi wa Mndewa Imulungu,
8Sikuugevuzike na uleke ludoko,
9Kwavija iwanhu otenda gehile okanhigwa,
10Kwavija kisigala kipindi kidodo iwanhu wehile olawanya,
11Lakini iwanhu wahole oihazi isi,
12Imunhu yehile kogelegeza mbuli ya imunhu mwene haki,
13lakini Mndewa komseka,
14Iwanhu wehile osomola sime na upinde wao,
15Lakini misime yao ingile mmizoyo yao wenyego,
16Kidodo kiyelinacho mwene haki kinoga,
17Kwavija nguvu za iwanhu wehile zobenigwa,
18Mndewa Imulungu koukaliza ugima wa iwanhu wanogile,
19zahavika siku zihile hawagwa kinyala,
20Lakini iwanhu wehile opotela,
21Iwanhu wehile okopa lakini hawabweza,
22Kwavija awo otambikilwa na Mndewa Imulungu oihazi isi,
23Kamba Mndewa Imulungu yahanogezwa na nzila ya munhu,
24Hamoja kogwa, hasigala hasi siku zose,
25Nikala mbwanga, na sambi namvele,
26Siku zose heyo kokopesha kwa moyo unogile,
27Leka gehile utende ganogile,
28Kwavija Mndewa Imulungu konogezwa na haki,
29Iwanhu wanogile oihazi isi,
30Mulomo wa imunhu yanogile olonga mbuli za ubala,
31Malagizo ga Imulungu wake ga mmoyo wake,
32Wanhu wehile waifisa kuwavamila wene haki,
33Mndewa Imulungu hamgela imunhu yanogile mmakono ga iwanhu wehile,
34Mtamanile Mndewa Imulungu na ugoge nzila zake,
35Nimona imunhu yehile msede,
36Lakini kalawanya hakoneke kabili,
37Muloleni imunhu yelibule kitala na imunhu yanogile,
38Lakini iwanhu wose otenda nzambi obanangwa,
39Ukombola wa iwanhu wanogile olawa kwa Mndewa Imulungu,
40Mndewa Imulungu kowataza na kowakombola,