1Go Mndewa Imulungu,
2Gweye kojuwa kukala kwangu na kwinuka kwangu,
3Gweye kojuwa kutembela kwangu na kuhumula kwangu,
4Ning'hali sinalonga mbuli bule,
5Kila mwambu wangu kwa baho, kuchugu na kuulongozi,
6Maalifa gako kobanza nzewele zangu,
7Nikimbilile kwahi niinege na loho yako?
8Kamba nahakwela uchanha kuulanga,
9Nahaguluka mbaka uhelelo wa mwambu wa kudilawila zuwa,
10vivija kuko gweye kwa uko konilongoza,
11Kamba nahapulile ziza dinigubike,
12kumwako kuduhu ziza,
13Kwavija gweye iyo ulumbile mgati yangu,
14Nokushukulu kwavija kunilumba kwa unzonza mkulu na kudumbiza.
15Lukuli lwangu lwabule kifiso kumwako,
16Meso gako gawona lukuli lwangu lung'hali halunakwisha,
17Go Imulungu, magesa gako ganoga ng'hani kumwangu,
18Kamba nahagapetile mengi kubanza msanga.
19Go Imulungu, maza uhawakomile awo otenda gehile!
20Okulonga vihile akuno ogelegeza gehile,
21Go Mndewa Imulungu, sikuniwehile awo okwihila gweye?
22Wanhu okwihila gweye na niye nowehila,
23Go Imulungu, unilolese, ujuwe moyo wangu,
24Ulole kamba mgati yangu kuna nzila ikugevuza,