1Gweye Mndewa Imulungu, uhulike vinikupula,
2Sikuufise kihanga chako siku ya magazo gangu,
3Kwavija siku zangu zolawanya kamba yosi,
4Moyo wangu utowigwa kamba mijani na kunyala,
5Mbuli ya kuiyalala kwa magazo,
6Nilinga kamba bundi yokala kuluwala,
7Nokala meso kamba kinega,
8Iwanhu onihila onilonga imisi yose,
9Noiyalala ng'hani na tozi diwa kamba ndiya yangu,
10mbuli ya ng'hasiliki yako na kugevuzika kwako,
11Siku zangu kamba sisila da ichungulo,
12Lakini gweye Mndewa Imulungu kokala na kutawala milele,
13Gweye mwenyego kokwima na kojonela bazi buga da Sayuni,
14kwavija wasang'hanaji wako oganogela mabwe gake,
15Abaho iwanhu wa isi zose odidumba twaga da Mndewa Imulungu,
16Mndewa Imulungu vonda yadizenge Sayuni,
17vonda yalole ukupula kwa iwanhu wakiwa,
18Ulelo onda wize okwandikilwa gago,
19Kwavija kalola kulawa hanhu hake hong'ala,
20ili yahulike kililo cha ayo yafungigwe,
21Wanhu wadilonge twaga da Mndewa Imulungu ako Sayuni,
22wanhu wa isi ziyagwe na wandewa wahaiting'hana hamoja,
23Imulungu kazihungula nguvu zangu mnzila,
24Avo nilonga, “Go Mndewa Imulungu,
25Aho haichanduso kusimika mhanda za isi,
26Avo vosegela lakini gweye kosigala,
27Lakini gweye kwa vivija,
28Wana wa iwasang'hanaji zako osigala,