1Balaamu kamulongela Balaki, “Nizengele mhango saba hano abaho unigalile ng'ombe mbigalo saba na ng'hondolo mbigalo saba.”
2Balaki katenda kamba Balaamu viyamulongele. Avo walava nhosa mna kila upango, ng'ombe mbigalo imoja na ng'hondolo mbigalo imoja.
3Abaho Balaamu kamulongela Balaki, “Kala hano behi na inhosa yako ya kusoma moto, niye nokwela uchanha sengine Mndewa Imulungu kolonga na niye. Kinhu chochose chonda yandagusile nokwiza kukulongela.” Avo Balaamu kakwela yaiyeka kuna inhembeti ya ulugongo.
4Imulungu kamulawila Balaamu, abaho Balaamu kamulongela, “Nitanda mhango saba na nilava nhosa uchanha ya kila upango ng'ombe mbigalo imoja na ng'hondolo mbigalo imoja.”
5Mndewa Imulungu kamgwaa usenga Balaamu na kamulongela, “Bwela kwa Balaki na mgwee usenga awo.”
6Avo Balaamu kabwela na kamvika Balaki kema bahaja behi na nhosa yake, hamoja na vilongozi wose wa Moabu.
7Balaamu kamgwaa Balaki uusenga kwa kulagula kalonga,
8Lakini, vino nomduwilaze munhu haduwiligwe na Imulungu?
9Kulawa kuna inhembeti ya imibwe nowona,
10Nani yodaha kuwapeta wanhu wa Yakobo.
11Abaho Balaki kamulongela Balaamu, “Kunhenda choni? Nikugala hano uwaduwile wanhu onihila lakini gweye kuwatambikila.”
12Balaamu kamwidika Balaki, “Niye nolondigwa kulonga mbuli zija ziyanigwelele Mndewa Imulungu.”
13Abaho Balaki kamulongela Balaamu, “Tuchole hanhu hayagwe aho kodaha kuwona lakini hudaha kuwona wose. Abaho uniduwilizile wanhu awo kulawa kuko.”
14Avo Balaki kamgala Balaamu kumgunda wa Sofimu kuna inhembeti ya ulugongo lwa Pisiga. Kuko vivija kazenga mhango saba, na kalava nhosa uchanha ya kila upango, ng'ombe mbigalo imoja na ng'hondolo mbigalo imoja.
15Balaamu kamulongela Balaki, “Kala hano behi na nhosa yako ya kusoma moto, niye nochola kuja umwambu kulonga na Mndewa Imulungu.”
16Mndewa Imulungu kamulawilila Balaamu kamgwaa usenga yonda yalonge na kamulongela yabwele kwa Balaki.
17Avo Balaamu kabwela, na kamvika Balaki kema behi na nhosa yake ya kusoma moto, hamoja na vilongozi wose wa Moabu. Balaki kamuuza Balaamu, “Mndewa Imulungu kakulongela choni?”
18Avo, Balaamu kamgwaa Balaki uusenga kwa kulagula,
19Imulungu siyo munhu yavize,
20Lola nigweleligwa malagizo ga kuwatambikila,
21Mndewa Imulungu honile dihile kwa wana wa Yakobo,
22Imulungu kawalava mwiisi ya Misili,
23Kuduhu uhawi kwa wanhu wa Yakobo,
24Lola Waizilaeli wenuka kamba simba mtwanzi,
25Abaho Balaki kamulongela Balaamu, “Kamba huwaduwila vivija sikuuwatambikile!”
26Balaamu kamwidika Balaki, “Vino sikulongele kamba chonda yalonge Mndewa Imulungu acho kinilondigwa kutenda?”
27Balaki kamulongela Balaamu, “Izo nokugala hanhu hayagwe, sengine Imulungu kokutogolela uniduwilizile wanhu awo kulawa kuko.”
28Avo Balaki kamsola Balaamu mbaka kuna inhembeti ya ulugongo lwa Peoli, aho munhu yahema koluona uluwala.
29Balaamu kamulongela Balaki, “Unizengele mhango saba hano abaho unitandile ng'ombe mbigalo saba na ng'hondolo mbigalo saba.”
30Avo Balaki katenda kamba Balaamu viyamulongele, abaho kalava nhosa uchanha ya kila upango ng'ombe mbigalo imoja na ng'hondolo mbigalo imoja.