1“Tegeleza gweye ulanga, gano gonilonga,
2Mafundizo gangu godwendweka kamba mvula,
3Nodisimulila twaga da Mndewa Imulungu,
4Mndewa Imulungu ayo Dibwe kulu da kuifisila,
5Lakini mweye mswela kutamaniligwa kumwake,
6Vino habali momuliha Mndewa Imulungu kamba avo,
7Kumbukeni siku za umwaka,
8Ayo yeli Uchanha Ng'hani viyawagwelele wanhu wa isi uhazi wao,
9Lakini Mndewa Imulungu kaweka wanhu wa Yakobo wawe wake,
10Kawona Waizilaeli owegela kuluwala,
11Kamba mhungu yokaliza kisanza chake,
12Mndewa Imulungu mwenyego kawalongoza,
13Kawabitiza kuvigongo,
14Kawagwaa mtindi na maziwa ga ng'ombe na mbuzi,
15Wanhu wa Izilaeli waneneha na wavitowa mateke,
16Wamtenda yakone migongo kwa imilungu yao
17Wavilavila nhosa vinyamkela weli siyo Imulungu,
18Mmuleka Dibwe yawagwelele ugima,
19Mndewa Imulungu kayona mbuli ayo na kawaleka,
20Kalonga, ‘Nokifisa kihanga changu,
21Wanitenda nyone migongo kwa kinhu hakili imulungu,
22Ng'hasiliki yangu yokwaka moto,
23‘Nowagalila magayo hogomala,
24Osoka kwa nzala,
25Ng'hondo yogala ifa kudibuga,
26Nahawabanange wose,
27ila nidumba kuitapa kwa awo owehila,
28Wanhu wa isi ya Izilaeli awo wanhu welibule nzewele,
29Maza wakalile na nzewele wahajuwile habali wahumwa,
30Munhu imoja kodaha vilihi kuwahuma wanhu elufu imoja
31Hata iwanhu otwihila ojuwa kamba,
32Kwavija mizabibu yao yolawa Sodoma,
33Divai yao kamba sumu ya nyoka,
34Vino, gano sigekile goya kumwangu,
35Niye ayo yonda nilihe gehile,
36Mndewa Imulungu kowagombela wanhu zake,
37Abaho Mndewa Imulungu kowauza wanhu zake,
38Yakwahi ayo imilungu idile sadaka zenu,
39‘Loleni kamba niye ayo Imulungu,
40Nogolosa mkono wangu kuulanga,
41mwahajona sime jangu dimelemeta,
42Misale yangu yokoligwa damu,
43Mweye wanhu wa isi ziyagwe, wadeng'heleleni wanhu zake,
44Musa na Yoshua, mwanage Nuni, weza kuulongozi wa iwanhu, Musa kazibwelela mbuli za lwila uno, avo Waizilaeli wose wauhulike.
45Musa viyamambukize kuwalongela wanhu wa Izilaeli mbuli zino zose,
46kawalongela, “Zikeni mmizoyo yenu mbuli zose ziniwagwelele lelo. Molondigwa muwalongele wanenu ili wazigoge kwa kutamaniligwa mbuli zose za malagizo gano.
47Kwavija malagizo gano siyo mbuli ziiyeka ila ago ugima wenu, kubitila malagizo gano mokala siku nyingi mwiisi yumuchola kuisola, mwambu wa lwanda lwa Yolidani.”
48Siku didijo Mndewa Imulungu kamulongela Musa,
49“Kwela kulugongo luno lwa Abalimu, lugongo lwa Nebo mwiisi ya Moabu, mwambu kwa mwambu na buga da Yeliko, uilole isi ya Kanaani iniwagwelela Waizilaeli iwe yao.
50Abaho kuko kulugongo kofa na koiting'hana na wahenga zako wafile mwaka kamba viyafile mkulu wako Haluni kulugongo lwa Holi na kaiting'hana na wahenga zake,
51kwavija mweye wabili mubena lagizo jangu mgameso ga Waizilaeli. Vimukalile ako kugamazi ga Meliba behi na buga da Kadeshi kuna uluwala lwa Sini, hamungwelele ukulu mgameso ga iwanhu.
52Avo koyona isi kwa kutali, lakini honda wingile bule mna iisi iniwagwelela wanhu wa Izilaeli.”