1Jona'a nozamemofo arimpafinti, Ra Anumzana agra'a Anumzamofontega nunamu hu'ne.
2Agra anage hu'ne,
3Kagra nasga hunka ame fenkame hagerimofo agu'afinka natre'nane.
4Ana hige'na Kagripintira ko nagrira nahe anati atre'nane hu'na nagra antahi'noe.
5Kagigagi huno avune ante'nea timo, nazeri nakrino nanankempi marerige'na ti nakrika ate'noe.
6Agonamofo agafafi nagra urami'noe.
7Navu evuevu hige'na frinaku nehu'na,
8Knare osuno havi anumzante mono hunentaza vahe'mo'za, Anumzamofo asunku'zana zamagra erigaragi, zamagena hunemize.
9Hianagi Ra Anumzamoka kezati'na kagia erisga nehu'na, nagra zagamepinti Kagritega ofa hugantegahue Ra Anumzanimoka
10Anante Ra Anumzamo'a nozamea huntegeno ke'a zafa huno, Jonana hageri ankenare hagage kahepante amu ome atitre'ne.