1 Ihe E Mere 16

¹Ha bubatara igbe ọgbụgba ndụ Chineke ahụ guzobe ya nʼime ụlọ ikwu nke Devid manyere maka ya. Ha chekwara aja nsure ọkụ na aja udo nʼihu Chineke.

²Mgbe Devid chụsịrị aja nsure ọkụ na aja udo ndị a, ọ gọziri ndị Izrel nʼaha Onyenwe anyị.

³O nyekwara onye ọbụla nʼIzrel, ma nwoke ma nwanyị, otu ogbe achịcha, ọkpụrụkpụ anụ na achịcha mkpụrụ osisi a mịkpọrọ amịkpọ.

⁴Ọ họpụtara ụfọdụ ndị Livayị ka ha nọdụ nʼihu igbe ọgbụgba ndụ Onyenwe anyị ahụ inye Onyenwe anyị, Chineke Izrel ekele na otuto na ịrịọ ya ngọzị nʼisi ndị ya Izrel. Ndị a bụ ndị o nyere ije ozi a:

⁵Asaf bụ onyeisi ndị a. Ndị ọzọ bụ Zekaraya, Jeiel, Shemiramot, Jehiel, Matitaia, Eliab, Benaya, Obed-Edọm na Jeiel. Ọrụ ha bụ ịkpọ ụbọ akwara, na une, ma ọrụ Asaf bụ onye na-akụ ogene ọla na-ada ụda.

⁶Benaya na Jahaziel, ndị nchụaja, ketara ọrụ ịfụ opi nʼihu igbe ọgbụgba ndụ Chineke kwamgbe kwamgbe.

⁷Nʼụbọchị ahụ ka Devid buru ụzọ họpụta Asaf na ndị otu ya ka ha nye Onyenwe anyị otuto nʼusoro dị otu a:

⁸Nyenụ Onyenwe anyị otuto, kwupụtakwa aha ya,

⁹Bụkuonụ ya abụ, bụkuonụ ya abụ otuto;

¹⁰Ṅụrianụ nʼime aha nsọ ya;

¹¹Na-achọnụ Onyenwe anyị na ike ya,

¹²Chetanụ ọrụ ebube niile nke ọ rụrụ,

¹³Unu, ụmụ Izrel, bụ ohu ya

¹⁴Ya onwe ya bụ Onyenwe anyị Chineke anyị;

¹⁵Ọ na-echeta ọgbụgba ndụ ya ruo mgbe ebighị ebi;

¹⁶Ọgbụgba ndụ ahụ nke ya na Ebraham gbara,

¹⁷O mere ka o guzoro nye Jekọb dịka ụkpụrụ,

¹⁸Sị, “Aga m enye gị ala Kenan

¹⁹Mgbe ha dị ole na ole nʼọnụọgụgụ,

²⁰Ha wagharịrị site nʼotu mba gaa mba ọzọ,

²¹O kweghị ka onye ọbụla mekpaa ha ahụ;

²²“Unu emetụkwala ndị m e tere mmanụ aka,

²³Bụkuonụ Onyenwe anyị abụ, unu ụwa niile;

²⁴Kwusaanụ ebube ya nʼetiti mba niile,

²⁵Nʼihi na Onyenwe anyị dị ukwuu, ọ bụkwa onye kachasị ka e nye otuto.

²⁶Nʼihi na chi niile nke mba niile dị iche iche bụ arụsị efu,

²⁷Ịma mma na ebube dị nʼihu ya;

²⁸Nyenụ Onyenwe anyị, unu ezinaụlọ nke mba niile dị iche iche,

²⁹E, nyenụ Onyenwe anyị nsọpụrụ ruuru aha ya,

³⁰Maa jijiji nʼihu ya, unu ụwa niile.

³¹Ka eluigwe ṅụrịa, ka ụwa nwekwa obi ụtọ;

³²Ka osimiri bigbọọ, na ihe niile dị nʼime ya,

³³Ka osisi niile nke oke ọhịa bụọ abụ,

³⁴Keleenụ Onyenwe anyị, nʼihi na ọ dị mma,

³⁵Tikuonụ ya mkpu sị, “Zọpụta anyị, gị Chineke, Onye nzọpụta anyị;

³⁶Otuto dịrị Onyenwe anyị, bụ Chineke nke Izrel,

³⁷Devid hapụrụ Asaf na ndị Livayị ibe ya nʼihu igbe ọgbụgba ndụ Onyenwe anyị ahụ ụbọchị niile ije ozi mgbe niile, dịka ọrụ ụbọchị ọbụla si dị.

³⁸Obed-Edọm nwa Jedutun so nʼime ha, ya na Hosa, na iri mmadụ isii na asatọ ọzọ. Obed-Edọm nwa Jedutun na Hosa bụ ndị na-eche ọnụ ụzọ.

³⁹Devid nyefekwara Zadọk, onye nchụaja, na ndị nchụaja ibe ya, ọrụ ịnọ nʼihu ụlọ nzute Onyenwe anyị, nʼebe dị elu nke Gibiọn.

⁴⁰Nʼihi ịchụ aja nsure ọkụ mgbe niile nʼelu ebe ịchụ aja nke aja nsure ọkụ nye Onyenwe anyị, ụtụtụ na anyasị niile nʼusoro dịka e si dee ya nʼakwụkwọ iwu Onyenwe anyị, nke o nyere ndị Izrel.

⁴¹Devid họpụtakwara Heman, na Jedutun, na ndị ọzọ a kpọrọ aha họpụta inye Onyenwe anyị ekele, “nʼihi ịhụnanya ya na obi ebere ya nke na-adị ruo mgbe ebighị ebi.”

⁴²Heman na Jedutun bụ ndị ọ dịịrị ịfụ opi, na ịkụ ogene ọla, na ihe egwu ndị ọzọ eji na-enye Chineke otuto. Ụmụ ndị ikom Jedutun bụ ndị nọ nche nʼọnụ ụzọ ama.

⁴³Mgbe mmemme ahụ gwụsịrị, onye ọbụla lara nʼụlọ ya. Devid lakwara ịgọzi ezinaụlọ ya.