Psalmowo 136

¹Mida akpe na Yehowa, elabena enyo.

²Mida akpe na mawuwo dzi Mawu la,

³Mida akpe na aƒetɔwo dzi Aƒetɔ la,

⁴Eya ɖeka hɔ̃ɔ koe wɔa nukunu dzɔatsuwo,

⁵Eya ame si tsɔ eƒe nugɔmesese wɔ dziƒowoe,

⁶Ame si keke anyigba ɖe tsiwo dzi,

⁷Ame si wɔ nu keklẽ gãwo,

⁸Be ɣe naɖu ŋkeke dzi,

⁹Be ɣleti kple ɣletiviwo naɖu zã dzi,

¹⁰Eya ame si ƒo Egiptetɔwo ƒe ŋgɔgbeviwo ƒu anyi,

¹¹Eye wòkplɔ Israel do goe le wo dome,

¹²Kple asi sesẽ kple abɔ si wòdo ɖe dzi,

¹³Eya ame si ma Ƒu Dzĩ la ɖe eve,

¹⁴Eye wòkplɔ Israel to eƒe titina,

¹⁵Ke ekplɔ Farao kple eƒe aʋakɔ la de Ƒu Dzĩ la me,

¹⁶Eya ame si kplɔ eƒe dukɔ la to gbedzi,

¹⁷Ame si ƒo fia gãwo ƒu anyi,

¹⁸Eye wòwu fia sesẽwo,

¹⁹Sixɔn, Amoritɔwo ƒe fia,

²⁰kple Ɔg, Basantɔwo ƒe fia,

²¹Eye wòtsɔ woƒe anyigba wɔ domenyinu,

²²Domenyinu na eƒe dɔla, Israel,

²³Eya ame si ɖo ŋku mía dzi,

²⁴Eye wòɖe mí tso míaƒe futɔwo ƒe asi me,

²⁵Eya ame si naa nuɖuɖu nu gbagbe ɖe sia ɖe,

²⁶Mida akpe na Dziƒo Mawu la,