1Maabaho Musa na Waisilaili wamwimbila Mndewa Mulungu wila uno, walonga,
2Mndewa Mulungu ni mgombezi wangu na chimu cha wila wangu,
3Mulungu ni galu wa ng'hondo,
4“Mituka ya mfalume wa Misili na wakalizi wake kawasa muna ibahali,
5Mazi mengi ya bahali yawagubika,
6Mndewa Mulungu mkono wako wa kulume upata udahi mkulu,
7Kwa ukulu wako kowagwisa hasi wehi wako,
8Kwa mhumuzi yako, mazi yaiduganya hamwe,
9Mwihi kalonga, ‘Nizawawinza na kuwagwila,
10Mbali kubuma kwa beho jako,
11“Mndewa Mulungu,
12Kugolosa mkono wako wa kulume,
13“Kwa ulondo wako wa kufunya umoyo, kuwalongoza wanhu wouwakombole,
14Wanhu wa isi wahulika yayo na kugudemeka,
15Walangulizi wa Edomu wadumba,
16Wapatigwa na lugano na ludumbo.
17Kwizawengiza mgati na kuwemiza hana mulima wako,
18Mndewa Mulungu ni Mfalume siku zose.”
19Falasi wa mfalume wa Misili na mituka na wakwela falasi wake viwengile muibahali, Mndewa Mulungu kayabweleza mazi ya bahali na yawagubika. Mbali Waisilaili wagendelela kugenda hanhu hanyalile hagati ya bahali.
20Mulotezi Miliamu, lumbu jake Haluni, kasola chigoma mumkono, na wanaake wose wamsondelela, watowa chigoma na wavina.
21Miliamu kawembila,
22Maabaho Musa kawalongoza Waisilaili kulawa Bahali ya Shamu, wahita kuchuwala cha Shuli. Siku nhatu wagenda muna ichuwala bila kuyawona mazi.
23Viwafikile hanhu hatangigwe Mala, hawadahile kung'wa mazi ya uko kwaviya yakala usungu. Lekamana hanhu baho hatangigwa Mala.
24Wanhu walongelela kwa Musa, walonga, “Lelo chizakung'wa choni?”
25Maabaho Musa kamulilila Mndewa Mulungu, Mndewa Mulungu kamulagusila tambi da biki, Musa kadivabika muna yamazi, mazi yose yahola.
26kawalongela, “One muhaditegeleza vinogile dizi jangu niye Mndewa Mulungu, Mulungu wenu, na kutenda yaja yanogile haulongozi wangu na kutegeleza ndagilizi na malagilizo yangu, niye sizamgalileni matamu yaja yoniwagalile Wamisili. Kwaviya niye iyo Mndewa Mulungu yonimuhonyani.”
27Maabaho wafika Elimu, kokukalile na nzasa longo na mbili na mitende malongo saba. Uko weka mahema jawo habehi na mazi.