1Teren ta wəco kɔ kəcamət ta wəbɛ wəka atɔf ŋa Tibɛr, tɛm tatɔkɔ sɔ Pɔŋse Pilat pəyɔnɛ wəbɛ wəka atɔf ŋa Yude, Herodu nkɔn pəyɔnɛ wəbɛ ka atɔf ŋa Kalile, wɛnc Filip pəyɔnɛ wəbɛ wəka tɔf mɛrəŋ: nde Iture kɔ atɔf ŋa Tirakoniti. Lisaniyas pəyɔnɛ wəbɛ nde atɔf ŋa Abilɛn.
2Tɛm ta aloŋnɛ a Kanu apɔŋ Hana kɔ Kayifa tɛnayi sɔ. Kɔ toloku ta Kanu tender Saŋ, wan ka Sakary, nde dətɛgbərɛ.
3Kɔ Saŋ ɔŋkɔt sədare sa Yurdɛn fəp, pəckawandi kəgbət afum dəromun teta kəsəkpər bəkəc ŋacəmɛ pəlompu darəŋ, ntɛ tɔŋsɔŋɛ Kanu kədeŋaŋnɛnɛ ŋa kiciya kəŋan mɔ.
4Pəmɔ tɔkɔ ancic mi nde buk ba moloku ma sayibɛ Esayi mɔ:
5Andelas mɔrɔ dacɔ fəp,
6Afum fəp ŋandenəŋk kəyac ka Kanu.»
7Afum alarəm akɔ ŋancder nkɔn Saŋ pədegbət ŋa dəromun teta Kanu mɔ, ŋɔ oncloku ti: «Nəna aŋɛ nəyi pəmɔ bok mɔ! Anɔ ɛtəks'on kəyɛksər ka mɛtɛlɛ mmɛ mender mɔ-ɛ?
8Nəmentər dəmɔyɔ a nəŋsəkpər mera, kɔ nəncəmɛ pəlompu darəŋ. Nəsak kəclokunɛ: ‹Abraham ɔyɔnɛ wətem kosu.› Bawo iclok'un a Kanu kəntam kəkafəli masar mamɛ awut a Abraham.
9Ndɛkəl oŋ tomunt tɛfaŋ kəcop kəcɛpəs tɔk haŋ ntɛntəl ya yi: Kətɔk nkɛ o nkɛ kətɔkom yokom yɔtɔt, ancɛp ki paləm ki dənɛnc.»
10Kɔ cəgba ca afum cəyɛfɛ kəyifət kɔ: «Cəke cɔ səndeyɔ oŋ-ɛ?»
11K'oloku ŋa: «Məna nwɛ məŋyɔ suma mɛrəŋ mɔ, məpocɛ wəkɔ ɔntɔyɔ mɔ, məna nwɛ məŋyɔ yeri mɔ, məpocɛ wəkɔ ɔntɔyɔ mɔ.»
12Kɔ abaŋəs dut ŋander a Saŋ pəgbət ŋa dəromun teta Kanu, ŋacyifət kɔ: «Wətəksɛ, cəke cɔ pəmar sədeyɔ oŋ-ɛ?»
13K'oloku ŋa: «Ta nədeŋər mpɛ o mpɛ antɔlok'un kəbaŋ mɔ.»
14Kɔ asɔdar ŋayif kɔ sɔ: «A səna-a, cəke cɔ pəmar səyɔ oŋ-ɛ?» K'oloku ŋa: «Ta nəmentər nwɛ o nwɛ fənɔntər, ta nədeŋɛ sɔ nwɛ o nwɛ yem, kəway konu kətəŋn'on.»
15Ntɛ afum fəp ŋanayi kəkar mɔ, kɔ ŋaŋyifnɛ dəbəkəc kɔ pəyɔnɛ bafɔ Saŋ ɔyɔnɛ Krist, nwɛ Kanu kəpɔŋ kəyɛk-yɛk mɔ.
16Kɔ Saŋ oluksɛ ŋa: «Ina dəromun iŋgbət nu teta Kanu de, mba wəlɔma eyi kəder nwɛ ɔyɔ fənɔntər pətas im mɔ, ali bənda ya cɔfta cɔn isɔtɔ fɛ yati dofum isikəli ci. Wəkakɔ, Amera Ŋecempi ŋa Kanu disrɛ kɔ nɛnc yɔ ende pəcgbət un.
17Pətɔmpər kəgbo kɔn pəcfɛŋət kur kɔn, endecɛŋ-cɛŋ yika nyɛ endecɔfɛ nɛnc ndɛ dɔntɔdenimɛ mɔ, pəlɛk malɔ mɔn pəbɛr dəkɛlɛ.»
18Saŋ oncloku sɔ afum moloku mɔtɔt pəcyeŋkəs ŋa sɔ bəkəc belbel.
19Mba kɔ Saŋ ɛnal wəbɛ Herodu teta Herodiyas, wəran nwɛ ɛnabaŋər wɛnc k'ɛnɛncɛ mɔ, kɔ teta mes mɛlɛc mɔkɔ Herodu ɛnayɔ mɔ.
20Kɔ Herodu ende pənaŋkanɛ kələsər: k'osumpər Saŋ, k'ɛmbɛr kɔ dəbili.
21Ntɛ afum ŋasɔtɔ kəgbət dəromun teta Kanu mɔ, kɔ Yesu nkɔn sɔ ɔsɔtɔ kəgbət dəromun. Eyi kəlok-lokər Kanu, kɔ kɔm kəŋgbitɛ,
22kɔ Amera Ŋecempi ŋa Kanu ŋontorər kɔ pəmɔ antantoriya. Kɔ dim dontor kəyɛfɛ dəkɔm: «Wan kem məyɔnɛ nwɛ imbɔtər belbel mɔ, mən'ɔbɔt im mes.»
23Yesu ɛnasɔtɔ meren 30, a pədecop yɛbəc yɔn. Wan ka Isifu ɛnayi pəmɔ tatɔkɔ anacɛm-cɛmnɛ ti mɔ, wəka Heli,
24wəka Matat, wəka Lewy,
25wəka Matatiyas, wəka Amɔs,
26wəka Mahat, wəka Matatiyas,
27wəka Yohanaŋ, wəka Resa, wəka Sorobabɛl,
28wəka Melki, wəka Adi, wəka Kosam,
29wəka Yesu,3.29 g. «Yesu» = h. «Yosuwe» wəka Eliyɛsɛr, wəka Yorim,
30wəka Simeyɔŋ, wəka Yuda, wəka Isifu,
31wəka Meleya, wəka Mɛnna, wəka Matata,
32wəka Yisay, wəka Obɛd, wəka Bɔs,
33wəka Aminadabu, wəka Admin,
34wəka Yakuba, wəka Siyaka, wəka Abraham,
35wəka Seruk, wəka Rehu, wəka Pɛlɛk,
36wəka Kayinan, wəka Arpaksadu,
37wəka Metusela, wəka Henok,
38wəka Enɔs, wəka Sɛt,