1Zab gethek è nyie yao pha jine ji ro chiih-è hanyie yi hamangkhung hà Hamangkhung-aphuii ro so pha biang ro phazoi shii dug pha ji pha Kho Phabi um ro.
2Ai ne Bajo So ithua Kho Phabi duiine blia rek, ji ne, haliig sbhang nyie yi tharothamang wad è asi pha Ithong è ruii pha ji ro.
3Zab kho phabi shii ne Hamangkhung-aphuii shii miiram zid phi pha chiih-è mizidthek phi pho ro chiih-è gethek ro Kho Phabi shii mizid pha ne nyie um chid.
4Ai ne sohnyiak hà um arone ai ne phabi arey, nyieliieshii Jewish ro Iphey shii chid pha lasen phi pha ne phabithek um jong.
58:5: Mul 25:40 Phabithek duiine ithek è rek pha blia ne nui bie pha chiih-è hamangkhung hà nyie um pha ragia ji ro. Hì ne Moses rog shii um pha duiine ò ro. Ai è Shiinyie Haliig rab shii, Hamangkhung-aphuii è aishii yao, “Na è phiing shii nyie doh pha ji duiine zab rab bo.”
6Jishii thuh, Hamangkhung-aphuii nane awairo bran shii shiinyie shii khriig wie rab pha duiine Isu shii phi pha phabi blia ne ithek è de boh ba ro, nyieliieshii hìne wie manathek pha sbangthek duiine rab ro.
7Ibi pha shiinyie rog shii ichiig oi arone jihà ne din pha ji arab chid phro.
88:8-12: Jeri 31:31-34 (LXX) Jishii ai è yao shii, Hamangkhung-aphuii è ai bran rog shii ichiig doh,
9Hì ne gu è ithek shii wad è noh ne ithek shii Egyph hà fuang noh pha inai shii gu è ithek ro blangthek shii rab pha
10Thuh, Ithong è yao, inai thog ruii shii Israel pha bran rog shii
11‘Ithong shii ìd bo ne’ Hanyie jia de awaithek iijiiak shii ayua sha phro
12Gu ne ithek ro layog shii khung phi
13Shiinyie iwo ji è yao srane, Hamangkhung-aphuii è rab, igobi pha jine ihèg rab; chiih-è nyie ihèg rey srane ùb ne sand dun phro.