Psalms 136

¹DANKE Ieowa, pwe i me mau, pwe a kalangan pan potopot eta.

²Danke ong Kot en kot akan, pwe a kalangan pan potopot eta.

³Danke ong Kaun en kaun akan, pwe a kalangan pan potopot eta,

⁴Pwe i ta me kin wiada manaman akan, pwe a kalangan pan potopot eta,

⁵Me kotin wiadar lang akan ni a erpit, pwe a kalangan pan potopot eta,

⁶Me kotin pak pasanger sappa pon pil, pwe a kalangan pan potopot eta,

⁷Me kotin wiadar marain laud akan, pwe a kalangan pan potopol eta,

⁸Pwe katipin en kaunda ran, pwe a kalangan pan potopot eta;

⁹Saunipong o usu kan en kaunda pong, pwe a kalangan pan potopot eta,

¹⁰Me kotin kaloedi Äkipten, ni a kamelar ar meseni kan, pwe a kalangan pan potopot eta.

¹¹O kotin kalua Israel sang wasa o, pwe a kalangan pan potopot eta,

¹²Ki lim a manaman o, ni a kotin kapa wei lim a, pwe a kalangan pan potopot eta,

¹³Me palang pasang sed waitata, wia pali ria pali, pwe a kalangan pan potopot eta,

¹⁴O mueid ong Israel, en kotela nan warong a, pwe a kalangan pan potopot eta,

¹⁵Me kotin kasedi ong nan sed waitata Parao o na karis akan, pwe a kalangan pan potopol eta,

¹⁶Me kotin kalua sapwilim a aramas akan nan sap tan, pwe a kalangan pan potopot eta,

¹⁷Me kotin kamelar nanmarki lapalap akan, pwe a kalangan pan potopot eta.

¹⁸O kotin kamelar nanmarki kelail kan, pwe a kalangan pan potopot eta,

¹⁹Siion, nanmarki en Amon, pwe a kalangan pan potopot eta,

²⁰Ok, nanmarki en Pasan, pwe a kalangan pan potopot eta,

²¹O wiakila sap arail men soso, pwe a kalangan pan potopot eta,

²²Soso en sapwilim a ladu Israel, pwe a kalangan pan potopot eta,

²³Pwe a kotin kupura kit ni at kankangeranger, pwe a kalangan pan potopot eta,

²⁴O kotin dore kitail la sang atail imwintiti kan, pwe a kalangan ngan pan potopot eta,

²⁵Me kotin kamanga me maur akan karos, pwe a kalangan pan potopot eta,

²⁶Danke ong Kot en nanlang, pwe a kalangan pan potopot eta.