1ⲛⲧⲟⲕ ⲇⲉ ϣⲁϫⲉ ⲛⲛⲉⲧⲉϣϣⲉ ⲛⲧⲉⲥⲃⲱ ⲉⲧⲟⲩⲟϫ</ab>
2ⲛϩⲗⲗⲟ ⲛⲥⲉϣⲱⲡⲉ ⲉⲩⲧⲟⲣϩ ⲛⲥⲉⲙⲛⲟⲥ ⲛⲣⲙⲛϩⲏⲧ ⲉⲩⲟⲩⲟϫ ϩⲛ ⲧⲡⲓⲥⲧⲓⲥ ϩⲛ ⲧⲁⲅⲁⲡⲏ ϩⲛ ⲑⲩⲡⲟⲙⲟⲛⲏ</ab>
3ⲛϩⲗⲗⲱ ⲟⲛ ⲛⲧⲉⲉⲓϩⲉ ϩⲛ ⲟⲩⲥⲙⲟⲧ ⲉϥⲟⲩⲁⲁⲃ ⲛⲇⲓⲁⲃⲟⲗⲟⲥ ⲁⲛ ⲉⲛⲥⲉⲟ ⲁⲛ ⲛϩⲙϩⲁⲗ ⲛⲟⲩⲏⲣⲡ ⲉⲛⲁϣⲱϥ ⲛⲣⲉϥϯⲥⲃⲱ ⲉⲛⲁⲛⲟⲩϥ</ab>
4ϫⲉ ⲉⲩⲉⲧⲥⲁⲃⲉ ⲛϣⲉⲉⲣⲉ ϣⲏⲙ ⲉⲣⲙⲁⲓⲡⲉⲩϩⲁⲓ ⲙⲙⲁⲓⲛⲉⲩϣⲏⲣⲉ</ab>
5ⲛⲥⲁⲃⲏ ⲉⲩⲟⲩⲁⲁⲃ ⲛⲣⲉϥⲧⲉϣⲙⲁ ⲛⲁⲅⲁⲑⲟⲥ ⲉⲩϩⲩⲡⲟⲧⲁⲥⲥⲉ ⲛⲛⲉⲩϩⲁⲓ ϫⲉ ⲛⲛⲉⲩϫⲓ ⲟⲩⲁ ⲉⲡϣⲁϫⲉ ⲙⲡⲛⲟⲩⲧⲉ</ab>
6ⲛϣⲏⲣⲉ ⲟⲛ ϣⲏⲙ ⲡⲁⲣⲁⲕⲁⲗⲉⲓ ⲙⲙⲟⲟⲩ ⲛⲧⲉⲉⲓϩⲉ ⲉⲣⲣⲙⲛϩⲏⲧ</ab>
7ⲉⲕⲉⲓⲣⲉ ⲙⲙⲟⲕ ⲛⲥⲙⲟⲧ ϩⲛ ϩⲱⲃ ⲛⲓⲙ ϩⲛ ⲛⲉϩⲃⲏⲩⲉ ⲉⲧⲛⲁⲛⲟⲩⲟⲩ ϩⲛ ⲧⲉⲥⲃⲱ ⲁϫⲛ ⲫⲑⲟⲛⲓ ⲛⲟⲩⲧⲃⲃⲟ ⲛⲟⲩⲙⲛⲧⲥⲉⲙⲛⲟⲥ</ab>
8ⲛⲟⲩϣⲁϫⲉ ⲉϥⲟⲩⲟϫ ⲁϫⲛ ⲁⲣⲓⲕⲉ ϫⲉ ⲉⲣⲉⲡⲉⲧϯ ⲟⲩⲃⲏⲛ ϫⲓϣⲓⲡⲉ ⲉⲙⲛⲧϥ ⲗⲁⲁⲩ ⲙⲡⲉⲑⲟⲟⲩ ⲉϫⲱ ⲉⲣⲟⲛ</ab>
9ⲛϩⲙϩⲁⲗ ⲉⲧⲣⲉⲩϩⲩⲡⲟⲧⲁⲥⲥⲉ ⲛⲛⲉⲩϫⲓⲥⲟⲟⲩⲉ ⲉⲩⲣⲁⲛⲁⲩ ϩⲛ ϩⲱⲃ ⲛⲓⲙ ⲉⲛⲥⲉⲟⲩⲱϩⲙ ⲁⲛ</ab>
10ⲉⲛⲥⲉϩⲉⲡ ⲗⲁⲁⲩ ⲁⲛ ⲁⲗⲗⲁ ⲉⲩⲟⲩⲱⲛϩ ⲉⲃⲟⲗ ⲙⲡⲓⲥⲧⲓⲥ ⲛⲓⲙ ⲉⲛⲁⲛⲟⲩϥ ϫⲉⲕⲁⲥ ⲉⲩⲉⲕⲟⲥⲙⲓ ⲛⲧⲉⲥⲃⲱ ⲙⲡⲉⲛⲥⲱⲧⲏⲣ ⲛⲛⲟⲩⲧⲉ ϩⲛ ϩⲱⲃ ⲛⲓⲙ</ab>
11ⲁⲧⲉⲭⲁⲣⲓⲥ ⲅⲁⲣ ⲙⲡⲛⲟⲩⲧⲉ ⲡⲉⲛⲥⲱⲧⲏⲣ ⲟⲩⲱⲛϩ ⲉⲃⲟⲗ ⲛⲣⲱⲙⲉ ⲛⲓⲙ</ab>
12ⲉⲥϯ ⲥⲃⲱ ⲛⲁⲛ ϫⲉⲕⲁⲥ ⲉⲁⲛⲕⲱ ⲛⲥⲱⲛ ⲛⲧⲙⲛⲧϣⲁϥⲧⲉ ⲙⲛ ⲛⲉⲡⲓⲑⲩⲙⲓⲁ ⲛⲕⲟⲥⲙⲓⲕⲟⲛ ⲛⲧⲛⲱⲛϩ ϩⲛ ⲟⲩⲙⲛⲧⲣⲙⲛϩⲏⲧ ⲙⲛ ⲟⲩⲙⲛⲧⲇⲓⲕⲁⲓⲟⲥ ⲙⲛ ⲟⲩⲙⲛⲧⲉⲩⲥⲉⲃⲏⲥ ϩⲙ ⲡⲉⲓⲁⲓⲱⲛ</ab>
13ⲉⲛϭⲱϣⲧ ⲉⲃⲟⲗ ϩⲏⲧⲥ ⲛⲑⲉⲗⲡⲓⲥ ⲙⲙⲁⲕⲁⲣⲓⲟⲥ ⲙⲛ ⲡⲟⲩⲱⲛϩ ⲉⲃⲟⲗ ⲙⲡⲉⲟⲟⲩ ⲙⲡⲛⲟϭ ⲛⲛⲟⲩⲧⲉ ⲙⲛ ⲡⲉⲛⲥⲱⲧⲏⲣ ⲓⲏⲥ ⲡⲉⲭⲥ</ab>
14ⲡⲁⲓ ⲉⲛⲧⲁϥⲧⲁⲁϥ ϩⲁⲣⲟⲛ ϫⲉⲕⲁⲥ ⲉϥⲉⲥⲟⲧⲛ ⲉⲃⲟⲗ ϩⲛ ⲁⲛⲟⲙⲓⲁ ⲛⲓⲙ ⲁⲩⲱ ⲛϥⲧⲃⲃⲟⲛ ⲛⲁϥ ⲛⲟⲩⲗⲁⲟⲥ ⲉϥⲧⲟⲩⲏⲧ ⲛⲣⲉϥⲕⲱϩ ⲉϩⲉⲛϩⲃⲏⲩⲉ ⲉⲛⲁⲛⲟⲩⲟⲩ</ab>
15ϫⲱ ⲛⲛⲁⲓ ⲁⲩⲱ ⲛⲅⲡⲁⲣⲁⲕⲁⲗⲉⲓ ⲛⲅϫⲡⲓⲟ ϩⲛ ⲟⲩⲉϩⲥⲁϩⲛⲉ ⲛⲓⲙ ⲙⲡⲣⲧⲣⲉ ⲗⲁⲁⲩ ⲕⲁⲧⲁⲫⲣⲟⲛⲓ ⲙⲙⲟⲕ</ab>