1ⲧⲱⲇⲏ ⲛⲇⲁⲩⲉⲓⲇ ⲉⲩⲛⲁⲕⲉⲧⲡⲏⲓ ⲙⲛⲛⲥⲁ ⲧⲁⲓⲭⲙⲁⲗⲱⲥⲓⲁ ϫⲱ ⲉⲡϫⲟⲉⲓⲥ ⲛⲟⲩϫⲱ ⲛⲃⲣⲣⲉ ⲡⲕⲁϩ ⲧⲏⲣϥ ϫⲱ ⲉⲡϫⲟⲉⲓⲥ</ab>
2ϫⲱ ⲉⲡϫⲟⲉⲓⲥ ⲛⲧⲉⲧⲛⲥⲙⲟⲩ ⲉⲡⲉϥⲣⲁⲛ ⲛⲧⲉⲧⲛⲧⲁϣⲉⲟⲉⲓϣ ⲙⲡⲉϥⲟⲩϫⲁⲓ ϩⲛ ⲟⲩϩⲟⲟⲩ ⲉⲩϩⲟⲟⲩ</ab>
3ⲛⲧⲉⲧⲛϫⲱ ⲙⲡⲉϥⲉⲟⲟⲩ ϩⲛ ⲛⲓϩⲉⲑⲛⲟⲥ ⲁⲩⲱ ⲛⲉϥϣⲡⲏⲣⲉ ϩⲛ ⲛⲓⲗⲁⲟⲥ ⲧⲏⲣⲟⲩ</ab>
4ϫⲉ ⲟⲩⲛⲟϭ ⲡⲉ ⲡϫⲟⲉⲓⲥ ⲁⲩⲱ ϥⲥⲙⲁⲙⲁⲁⲧ ⲉⲙⲁⲧⲉ ⲟⲩⲛⲟϭ ⲡⲉ ⲡⲁⲣⲁ ⲛⲛⲟⲩⲧⲉ ⲧⲏⲣⲟⲩ</ab>
5ϫⲉ ⲛⲛⲟⲩⲧⲉ ⲧⲏⲣⲟⲩ ⲛⲛϩⲉⲑⲛⲟⲥ ϩⲉⲛⲉⲓⲇⲱⲗⲟⲛ ⲛⲉⲛⲇⲁⲓⲙⲟⲛⲓⲟⲛ ⲡϫⲟⲉⲓⲥ ⲇⲉ ⲛⲧⲟϥ ⲁϥⲧⲁⲙⲓⲉ ⲙⲡⲏⲩⲉ</ab>
6ⲟⲩⲟⲩⲱⲛϩ ⲉⲃⲟⲗ ⲙⲛ ⲟⲩⲥⲁ ⲛⲉⲧⲙⲡⲉϥⲙⲧⲟ ⲉⲃⲟⲗ ⲟⲩⲟⲩⲟⲡ ⲙⲛ ⲟⲩⲙⲛⲧⲛⲟϭ ⲛⲉⲧϩⲛ ⲛⲉϥⲡⲉⲧⲟⲩⲁⲁⲃ</ab>
7ⲙⲡⲁⲧⲣⲓⲁ ⲛⲛϩⲉⲑⲛⲟⲥ ⲁⲛⲓⲛⲉ ⲙⲡϫⲟⲉⲓⲥ ⲁⲛⲓⲟⲩⲉⲟⲟⲩ ⲙⲡϫⲟⲉⲓⲥ ⲙⲛ ⲟⲩⲧⲓⲙⲏ</ab>
8ⲁⲛⲓⲟⲩⲉⲟⲟⲩ ⲙⲡⲣⲁⲛ ⲙⲡϫⲟⲉⲓⲥ ϥⲓ ⲛⲛⲉⲧⲑⲩⲥⲓⲁ ⲛⲧⲉⲧⲛⲃⲱⲕ ⲉϩⲟⲩⲛ ⲉⲛⲉϥⲁⲩⲗⲏ</ab>
9ⲟⲩⲱϣⲧ ⲙⲡϫⲟⲉⲓⲥ ϩⲛ ⲧⲉϥⲁⲩⲗⲏ ⲉⲧⲟⲩⲁⲁⲃ ⲙⲁⲣⲉⲡⲕⲁϩ ⲧⲏⲣϥ ⲕⲓⲙ ⲙⲡⲉϥⲙⲧⲟ ⲉⲃⲟⲗ</ab>
10ⲁϫⲓⲥ ⲛⲛϩⲉⲑⲛⲟⲥ ϫⲉ ⲁⲡϫⲟⲉⲓⲥ ⲣⲣⲣⲟ ⲉⲃⲟⲗ ϩⲙ ⲡϣⲉ ⲕⲁⲓ ⲅⲁⲣ ⲁϥⲧⲁϩⲟ ⲉⲣⲁⲧⲥ ⲛⲧⲟⲓⲕⲟⲩⲙⲉⲛⲏ ⲉⲛⲥⲛⲁⲕⲓⲙ ⲁⲛ ϥⲛⲁⲕⲣⲓⲛⲉ ⲛϩⲉⲛⲗⲁⲟⲥ ϩⲛ ⲟⲩⲥⲟⲟⲩⲧⲛ ⲁⲩⲱ ⲛϩⲉⲑⲛⲟⲥ ϩⲛ ⲧⲉϥⲟⲣⲅⲏ</ab>
11ⲙⲁⲣⲉⲙⲡⲏⲩⲉ ⲟⲩⲛⲟϥ ⲛⲧⲉⲡⲕⲁϩ ⲧⲉⲗⲏⲗ ⲑⲁⲗⲁⲥⲥⲁ ⲛⲁⲕⲓⲙ ⲙⲛ ⲡⲉⲥϫⲱⲕ ⲉⲃⲟⲗ ⲥⲉⲛⲁⲣⲁϣⲉ ⲛϭⲓ ⲛⲥⲱϣⲉ ⲙⲛ ⲛⲉⲧⲛϩⲏⲧⲟⲩ ⲧⲏⲣⲟⲩ</ab>
12ⲧⲟⲧⲉ ⲥⲉⲛⲁⲧⲉⲗⲏⲗ ⲛϭⲓ ⲛϣⲏⲛ ⲧⲏⲣⲟⲩ ⲛⲧⲥⲱϣⲉ</ab>
13ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ϫⲉ ϥⲛⲏⲩ ⲉⲕⲣⲓⲛⲉ ⲙⲡⲕⲁϩ ϥⲛⲁⲕⲣⲓⲛⲉ ⲛⲧⲟⲓⲕⲟⲩⲙⲉⲛⲏ ϩⲛ ⲟⲩⲇⲓⲕⲁⲓⲟⲥⲩⲛⲏ ⲁⲩⲱ ⲛⲗⲁⲟⲥ ϩⲛ ⲧⲉϥⲙⲉ</ab>