1ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲙⲡⲉϥⲧⲟⲟⲩ ⲛⲛⲥⲁⲃⲃⲁⲧⲟⲛ ⲡⲛⲟⲩⲧⲉ ⲛⲛϫⲓⲕⲃⲁ ⲡⲉ ⲡϫⲟⲉⲓⲥ ⲡⲛⲟⲩⲧⲉ ⲛⲛϫⲓⲕⲃⲁ ⲁϥⲡⲁⲣⲣⲏⲥⲓⲁⲍⲉ ⲙⲙⲟϥ</ab>
2ϫⲓⲥⲉ ⲙⲙⲟⲕ ⲡⲉⲧⲕⲣⲓⲛⲉ ⲙⲡⲓⲕⲁϩ ⲧⲱⲱⲃⲉ ⲛⲟⲩⲧⲟⲩⲉⲓⲟ ⲛⲛϫⲁⲥⲓϩⲏⲧ</ab>
3ϣⲁ ⲧⲛⲁⲩ ⲛⲣⲉϥⲣⲛⲟⲃⲉ ⲡϫⲟⲓⲥ ϣⲁ ⲧⲛⲁⲩ ⲛⲣⲉϥⲣⲛⲟⲃⲉ ⲛⲁϣⲟⲩϣⲟⲩ ⲙⲙⲟⲟⲩ</ab>
4ⲥⲉⲛⲁⲟⲩⲱϣⲃ ⲛⲥⲉϣⲁϫⲉ ϩⲛ ⲟⲩϫⲓⲛϭⲟⲛϭ ⲥⲉⲛⲁϣⲁϫⲉ ⲧⲏⲣⲟⲩ ⲛϭⲓ ⲛⲉⲧⲣϩⲱⲃ ⲉⲧⲁⲛⲟⲙⲓⲁ</ab>
5ⲡϫⲟⲉⲓⲥ ⲁⲩⲑⲃⲃⲓⲉ ⲡⲉⲕⲗⲁⲟⲥ ⲁⲩⲱ ⲁⲩⲑⲙⲕⲉ ⲧⲉⲕⲕⲗⲏⲣⲟⲛⲟⲙⲓⲁ</ab>
6ⲁⲩⲙⲟⲩⲟⲩⲧ ⲛⲟⲩⲭⲏⲣⲁ ⲙⲛ ⲟⲩⲡⲣⲟⲥⲏⲗⲩⲧⲟⲥ ⲁⲩϩⲉⲧⲃⲛⲟⲣⲫⲁⲛⲟⲥ</ab>
7ⲁⲩⲱ ⲡⲉϫⲁⲩ ϫⲉ ⲙⲡϫⲟⲉⲓⲥ ⲛⲁⲛⲁⲩ ⲁⲛ ⲁⲩⲱ ⲛϥⲛⲁⲉⲓⲙⲉ ⲁⲛ ⲛϭⲓ ⲡⲛⲟⲩⲧⲉ ⲛⲓⲁⲕⲱⲃ</ab>
8ⲉⲓⲙⲉ ϭⲉ ⲛⲁⲑⲏⲧ ⲉⲧϩⲙⲡⲗⲁⲟⲥ ⲁⲩⲱ ⲛⲥⲟϭ ϭⲙⲡⲉⲧⲛϩⲏⲧ ϭⲉ</ab>
9ⲉⲓⲉ ⲡⲉⲛⲧⲁϥⲧⲉϭⲡⲙⲁⲁϫⲉ ⲛϥⲥⲱⲧⲙ ⲁⲛ ⲏ ⲡⲉⲛⲧⲁϥⲡⲗⲁⲥⲥⲉ ⲙⲡⲃⲁⲗ ⲛϥⲛⲁⲩ ⲉⲣⲱⲧⲛ ⲁⲛ</ab>
10ⲡⲉⲧⲡⲁⲓⲇⲉⲩⲉ ⲛⲛⲓϩⲉⲑⲛⲟⲥ ⲉⲓⲉⲛϥ ⲛⲁϫⲡⲓⲟ ⲁⲛ ⲡⲉⲧⲧⲥⲁⲃⲟ ⲙⲡⲣⲱⲙⲉ ⲉⲡⲥⲟⲩⲟⲛ</ab>
11ⲡϫⲟⲉⲓⲥ ⲥⲟⲟⲩⲛ ⲛⲙⲙⲟⲕⲙⲉⲕ ⲛⲛⲣⲱⲙⲉ ϫⲉ ⲥⲉϣⲟⲩⲉⲓⲧ</ab>
12ⲛⲁⲓⲁⲧϥ ⲙⲡⲣⲱⲙⲉ ⲉⲧⲕⲛⲁϯⲥⲃⲱ ⲛⲁϥ ⲡϫⲟⲉⲓⲥ ⲁⲩⲱ ⲛⲅⲧⲥⲁⲃⲟϥ ϩⲙ ⲡⲉⲕⲛⲟⲙⲟⲥ</ab>
13ⲉⲧⲣⲉϥϣⲱⲡⲉ ⲉϥⲥⲙⲟⲛⲧ ⲉⲃⲟⲗ ϩⲛ ⲛⲉϩⲟⲟⲩ ⲉⲑⲟⲟⲩ ϣⲁⲛⲧⲟⲩϣⲓⲕⲉ ⲛⲟⲩϩⲓⲉⲓⲧ ⲉⲡⲣⲉϥⲣⲛⲟⲃⲉ</ab>
14ϫⲉ ⲙⲡϫⲟⲉⲓⲥ ⲛⲁⲕⲱ ⲛⲥⲱϥ ⲁⲛ ⲙⲡⲉϥⲗⲁⲟⲥ ⲁⲩⲱ ⲛϥⲛⲁⲟⲃϣϥ ⲁⲛ ⲉⲧⲉϥⲕⲗⲏⲣⲟⲛⲟⲙⲓⲁ</ab>
15ϣⲁⲛⲧⲉⲧⲇⲓⲕⲁⲓⲟⲥⲩⲛⲏ ⲕⲟⲧⲥ ⲉⲩϩⲁⲡ ⲁⲩⲱ ⲉⲩϩⲏⲛ ⲉϩⲟⲩⲛ ⲉⲣⲟⲥ ⲧⲏⲣⲟⲩ ⲛϭⲓ ⲛⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ ⲇⲓⲁⲯⲁⲗⲙⲁ</ab>
16ⲛⲓⲙ ⲡⲉⲧⲛⲁⲧⲱⲟⲩⲛ ⲛⲙⲙⲁⲓ ⲉϫⲛ ⲙⲡⲟⲛⲏⲣⲟⲥ ⲏ ⲛⲓⲙ ⲡⲉⲧⲛⲁⲁϩⲉⲣⲁⲧϥ ⲛⲙⲙⲁⲓ ⲉⲛⲉⲧⲣϩⲱⲃ ⲉⲧⲁⲛⲟⲙⲓⲁ</ab>
17ⲛⲥⲁⲃⲏⲗ ϫⲉ ⲁⲡϫⲟⲉⲓⲥ ⲃⲟⲏⲑⲉⲓ ⲉⲣⲟⲓ ⲡⲁⲣⲁ ⲟⲩⲕⲟⲩⲓ ⲁⲧⲁⲯⲩⲭⲏ ⲟⲩⲱϩ ϩⲛ ⲁⲙⲛⲧⲉ</ab>
18ⲉⲓϣⲁⲛϫⲟⲟⲥ ϫⲉ ⲁⲧⲁⲟⲩⲉⲣⲏⲧⲉ ⲕⲓⲙ ⲡⲉⲕⲛⲁ ⲡϫⲟⲉⲓⲥ ⲡⲉ ϣⲁϥⲃⲟⲏⲑⲉⲓ ⲉⲣⲟⲓ</ab>
19ⲡϫⲟⲉⲓⲥ ⲕⲁⲧⲁ ⲡⲁϣⲁⲓ ⲛⲛⲉⲙⲕⲁϩ ⲉⲧϩⲙⲡⲁϩⲏⲧ ⲛⲉⲕⲥⲟⲗⲥⲗ ⲛⲉⲛⲧⲁⲩⲉⲩⲫⲣⲁⲛⲉ ⲛⲧⲁⲯⲩⲭⲏ</ab>
20ⲙⲏ ⲟⲩⲛⲑⲣⲟⲛⲟⲥ ⲛⲁⲛⲟⲙⲓⲁ ⲛⲁϭⲱ ϩⲁⲧⲏⲕ ⲡⲉⲧⲡⲗⲁⲥⲥⲉ ⲛⲟⲩϩⲓⲥⲉ ⲉϫⲛ ⲟⲩⲟⲩⲉϩⲥⲁϩⲛⲉ</ab>
21ⲥⲉⲛⲁϭⲱⲣϭ ⲉⲧⲉⲯⲩⲭⲏ ⲙⲡⲇⲓⲕⲁⲓⲟⲥ ⲛⲥⲉⲧϭⲁⲉⲓⲉⲟⲩⲥⲛⲟϥ ⲛⲁⲧⲛⲟⲃⲉ</ab>
22ⲡϫⲟⲉⲓⲥ ⲁϥϣⲱⲡⲉ ⲛⲁⲓ ⲙⲙⲁ ⲙⲡⲱⲧ ⲁⲩⲱ ⲡⲛⲟⲩⲧⲉ ⲉⲩⲃⲟⲏⲑⲓⲁ ⲛⲧⲁϩⲉⲗⲡⲓⲥ</ab>
23ϥⲛⲁⲧⲱⲱⲃⲉ ⲛⲁⲩ ⲛⲧⲉⲩⲁⲛⲟⲙⲓⲁ ⲁⲩⲱ ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲁⲧⲁⲕⲟⲟⲩ ϩⲛ ⲧⲉⲩⲡⲟⲛⲏⲣⲓⲁ</ab>