1ⲧⲱⲇⲏ ⲡⲉⲯⲁⲗⲙⲟⲥ ⲛⲛϣⲏⲣⲉ ⲛⲕⲟⲣⲉ ⲉⲡϫⲱⲕ ⲉⲃⲟⲗ ϩⲁ ⲙⲁⲉⲗⲗⲉⲑ ⲉⲟⲩⲱϣⲃ ⲧⲙⲛⲧⲣⲙⲛϩⲏⲧ ⲛⲛⲁⲓⲙⲁ ⲛⲡⲓⲥⲣⲁⲏⲗⲓⲧⲏⲥ</ab>
2ⲡϫⲟⲉⲓⲥ ⲡⲛⲟⲩⲧⲉ ⲙⲡⲁⲟⲩϫⲁⲓ ⲁⲓⲱϣ ⲉϩⲣⲁⲓ ⲙⲡⲉⲕⲙⲧⲟ ⲉⲃⲟⲗ ⲙⲡⲉϩⲟⲟⲩ ⲙⲛ ⲧⲉⲩϣⲏ</ab>
3ⲙⲁⲣⲉⲡⲁϣⲗⲏⲗ ⲉⲓ ⲉϩⲟⲩⲛ ⲙⲡⲉⲕⲙⲧⲟ ⲉⲃⲟⲗ ⲣⲓⲕⲉ ⲙⲡⲉⲕⲙⲁⲁϫⲉ ⲡϫⲟⲉⲓⲥ ⲉⲡⲁⲥⲟⲡⲥ</ab>
4ϫⲉ ⲁⲧⲁⲯⲩⲭⲏ ⲙⲟⲩϩ ⲙⲡⲉⲑⲟⲟⲩ ⲁⲡⲁⲱⲛϩ ϩⲱⲛ ⲉϩⲟⲩⲛ ⲉⲁⲙⲛⲧⲉ</ab>
5ⲁⲩⲟⲡⲧ ⲙⲛ ⲛⲉⲧⲃⲏⲕ ⲉⲡⲉⲥⲏⲧ ⲉⲡϣⲏⲓ ⲁⲓⲣⲑⲉ ⲛⲟⲩⲣⲱⲙⲉ ⲉⲙⲛⲧϥⲃⲟⲏⲑⲟⲥ ⲛⲉⲗⲉⲩⲑⲉⲣⲟⲥ ϩⲛ ⲛⲉⲧⲙⲟⲟⲩⲧ</ab>
6ⲛⲑⲉ ⲛϩⲉⲛϩⲁⲧⲃⲉⲥ ⲉⲩⲛⲏϫ ⲉⲩⲛⲕⲟⲧⲕ ϩⲛ ⲛⲧⲁⲫⲟⲥ ⲛⲁⲓ ⲉⲧⲉⲙⲡⲕⲣⲡⲉⲩⲙⲉⲉⲩⲉ ϭⲉ ⲁⲩⲱ ⲛⲧⲟⲟⲩ ⲁⲩⲧⲁⲕⲟ ⲉⲃⲟⲗ ϩⲛ ⲧⲉⲕϭⲓϫ</ab>
7ⲁⲩⲕⲁⲁⲧ ϩⲛ ⲟⲩϣⲏⲓ ⲙⲡⲉⲥⲏⲧ ϩⲛ ϩⲉⲛⲕⲁⲕⲉ ⲙⲛ ⲑⲁⲓⲃⲉⲥ ⲙⲡⲙⲟⲩ</ab>
8ⲁⲡⲉⲕϭⲱⲛⲧ ⲧⲁϫⲣⲟ ⲉϩⲣⲁⲓ ⲉϫⲱⲓ ⲁⲩⲱ ⲛⲉⲕⲣⲟⲟⲩϣ ⲧⲏⲣⲟⲩ ⲁⲕⲛⲧⲟⲩ ⲉϩⲣⲁⲓ ⲉϫⲱⲓ ⲇⲓⲁⲯⲁⲗⲙⲁ</ab>
9ⲁⲕⲧⲣⲉⲛⲉⲧⲥⲟⲟⲩⲛ ⲙⲙⲟⲓ ⲟⲩⲉ ⲙⲙⲟⲓ ⲁⲩⲕⲁⲁⲧ ⲛⲁⲩ ⲛⲃⲟⲧⲉ ⲁⲩⲧⲁⲁⲧ ⲁⲩⲱ ⲙⲡⲓⲃⲱⲕ</ab>
10ⲁⲡⲁⲃⲁⲗ ϭⲃⲃⲉ ⲉⲃⲟⲗ ϩⲛ ⲧⲁⲙⲛⲧϩⲏⲕⲉ ⲁⲓϫⲓϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ⲙⲡⲉϩⲟⲟⲩ ⲧⲏⲣϥ ⲁⲓⲡⲉⲣϣⲛⲁϭⲓϫ ⲉϩⲣⲁⲓ ⲉⲣⲟⲕ</ab>
11ⲙⲏ ⲉⲕⲛⲁⲣⲛⲉⲕϣⲡⲏⲣⲉ ϩⲛ ⲛⲉⲧⲙⲟⲟⲩⲧ ⲏ ⲛⲥⲁⲉⲓⲛ ⲛⲉⲧⲛⲁⲧⲱⲟⲩⲛ ⲛⲥⲉⲉⲝⲟⲙⲟⲗⲟⲅⲉⲓ ⲛⲁⲕ</ab>
12ⲙⲏ ⲉⲩⲛⲁϫⲱ ⲙⲡⲉⲕⲛⲁ ϩⲛ ⲛⲧⲁⲫⲟⲥ ⲁⲩⲱ ⲧⲉⲕⲙⲉ ϩⲣⲁⲓ ϩⲙ ⲡⲧⲁⲕⲟ</ab>
13ⲙⲏ ⲉⲩⲛⲁⲉⲓⲙⲉ ⲉⲛⲉⲕϣⲡⲏⲣⲉ ϩⲙ ⲡⲕⲁⲕⲉ ⲁⲩⲱ ⲧⲉⲕⲇⲓⲕⲁⲓⲟⲥⲩⲛⲏ ϩⲛ ⲟⲩⲕⲁϩ ⲉⲁⲕⲣⲡⲉϥⲱⲃϣ</ab>
14ⲁⲛⲟⲕ ⲇⲉ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲁⲩⲱ ⲡⲁϣⲗⲏⲗ ⲛⲁⲧⲁϩⲟⲕ ⲙⲡⲛⲟⲩ ⲛϣⲱⲣⲡ</ab>
15ⲉⲧⲃⲉ ⲟⲩ ⲡϫⲟⲉⲓⲥ ⲕⲛⲁⲕⲱ ⲛⲥⲱⲕ ⲛⲧⲁⲯⲩⲭⲏ ⲙⲡⲣⲕⲱⲧⲉ ⲙⲡⲉⲕϩⲟ ⲛⲥⲁⲃⲟⲗ ⲙⲙⲟⲓ</ab>
16ϫⲉ ⲁⲛⲅ ⲟⲩϩⲏⲕⲉ ⲁⲛⲟⲕ ⲉⲓ ϩⲛ ϩⲉⲛϩⲓⲥⲉ ϫⲓⲛ ⲧⲁⲙⲛⲧⲕⲟⲩⲓ ⲛⲧⲉⲣⲓϫⲓⲥⲉ ⲇⲉ ⲁⲓⲑⲃⲃⲓⲟ ⲁⲩⲱ ⲁⲓⲧⲱⲟⲩⲛ</ab>
17ⲁⲛⲉⲕⲟⲣⲅⲏ ⲉⲓ ⲉϩⲣⲁⲓ ⲉϫⲱⲓ ⲁⲛⲉⲕϩⲟⲧⲉ ϣⲧⲣⲧⲱⲣⲧ</ab>
18ⲁⲩⲕⲱⲧⲉ ⲉⲣⲟⲓ ⲛⲑⲉ ⲛⲛⲓⲙⲟⲟⲩ ⲁⲩⲁⲙⲁϩⲧⲉ ⲙⲙⲟⲓ ϩⲓ ⲟⲩⲥⲟⲡ ⲙⲡⲉϩⲟⲟⲩ ⲧⲏⲣϥ</ab>
19ⲁⲕⲧⲣⲉⲛⲁϣⲃⲉⲉⲣ ⲟⲩⲉ ⲙⲙⲟⲓ ⲁⲩⲱ ⲛⲉⲧⲥⲟⲟⲩⲛ ⲙⲙⲟⲓ ⲉⲃⲟⲗ ϩⲛ ⲧⲁⲧⲁⲗⲁⲓⲡⲱⲣⲓⲁ</ab>