1ⲉⲥⲟⲗⲟⲙⲱⲛ ⲡⲛⲟⲩⲧⲉ ϯⲡⲉⲕϩⲁⲡ ⲙⲡⲣⲣⲟ ⲁⲩⲱ ⲧⲉⲕⲇⲓⲕⲁⲓⲟⲥⲩⲛⲏ ⲙⲡϣⲏⲣⲉ ⲙⲡⲣⲣⲟ</ab>
2ⲉⲕⲣⲓⲛⲉ ⲙⲡⲉⲕⲗⲁⲟⲥ ϩⲛ ⲟⲩⲥⲟⲟⲩⲧⲛ ⲁⲩⲱ ⲛⲉⲕϩⲏⲕⲉ ϩⲛ ⲟⲩϩⲁⲡ</ab>
3ⲙⲁⲣⲉⲛⲧⲟⲟⲩ ϫⲓ ⲛⲟⲩⲉⲓⲣⲏⲛⲏ ⲙⲡⲉⲕⲗⲁⲟⲥ ⲁⲩⲱ ⲛⲥⲓⲃⲧ ⲛⲟⲩⲇⲓⲕⲁⲓⲟⲥⲩⲛⲏ</ab>
4ϥⲛⲁⲕⲣⲓⲛⲉ ⲛⲛϩⲏⲕⲉ ⲙⲡⲗⲁⲟⲥ ⲛϥⲧⲟⲩϫⲟ ⲛⲛϣⲏⲣⲉ ⲛⲛⲉⲃⲓⲏⲛ ⲛϥⲑⲃⲃⲓⲟ ⲙⲡⲣⲉϥϩⲓⲗⲁ</ab>
5ⲛϥⲙⲟⲩⲛ ⲉⲃⲟⲗ ⲙⲛ ⲡⲣⲏ ⲁⲩⲱ ϩⲁ ⲑⲏ ⲙⲡⲟⲟϩ ⲛϩⲉⲛϫⲱⲙ ⲛϫⲱⲙ</ab>
6ϥⲛⲏⲩ ⲉⲡⲉⲥⲏⲧ ⲛⲑⲉ ⲛⲟⲩϩⲱⲟⲩ ⲉϫⲛ ⲟⲩⲥⲟⲣⲧ ⲁⲩⲱ ⲛⲑⲉ ⲙⲡϩⲱⲟⲩ ⲉⲧϩⲱⲟⲩ ⲉϫⲙ ⲡⲕⲁϩ</ab>
7ⲛⲧⲉⲧⲇⲓⲕⲁⲓⲥⲟⲥⲩⲛⲏ ϯⲟⲩⲱⲛϩ ⲛⲉϥϩⲟⲟⲩ ⲁⲩⲱ ⲟⲩⲉⲓⲣⲏⲛⲏ ⲉⲥⲟϣ ϣⲁⲛⲧⲟⲩϥⲓ ⲙⲡⲟⲟϩ</ab>
8ⲛϥⲣϫⲟⲉⲓⲥ ϫⲓⲛ ⲑⲁⲗⲁⲥⲥⲁ ϣⲁ ⲑⲁⲗⲁⲥⲥⲁ ⲁⲩⲱ ϫⲓⲛ ⲡⲓⲉⲣⲟ ϣⲁ ⲁⲣⲏϫⲥ ⲛⲧⲟⲓⲕⲟⲩⲙⲉⲛⲏ</ab>
9ⲛⲉϭⲟⲟϣ ⲛⲁⲡⲁϩⲧⲟⲩ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲛⲉϥϫⲓϫⲉⲉⲩ ⲛⲁⲗⲱϫϩ ⲙⲡⲕⲁϩ</ab>
10ⲛⲉⲣⲣⲱⲟⲩ ⲛⲑⲁⲣⲥⲓⲥ ⲙⲛ ⲛⲛⲏⲥⲟⲥ ⲛⲁⲛ ⲇⲱⲣⲟⲛ ⲛⲁϥ ⲛⲉⲣⲣⲱⲟⲩ ⲛⲁⲣⲁⲃⲟⲥ ⲙⲛ ⲥⲁⲃⲁ ⲛⲁⲛ ⲇⲱⲣⲟⲛ ⲛⲁϥ</ab>
11ⲛⲥⲉⲟⲩⲱϣⲧ ⲛⲁϥ ⲛϭⲓ ⲛⲉⲣⲣⲱⲟⲩ ⲧⲏⲣⲟⲩ ⲛϩⲉⲑⲛⲟⲥ ⲧⲏⲣⲟⲩ ⲛⲁⲣϩⲙϩⲁⲗ ⲛⲁϥ</ab>
12ϫⲉ ⲁϥⲛⲉϩⲙⲡϩⲏⲕⲉ ⲉⲃⲟⲗ ϩⲛ ⲧϭⲓϫ ⲙⲡϫⲱⲱⲣⲉ ⲙⲛ ⲡⲉⲃⲓⲏⲛ ⲉⲧⲉⲙⲛⲧϥⲃⲟⲏⲑⲟⲥ</ab>
13ϥⲛⲁϯⲥⲟ ⲉⲩϩⲏⲕⲉ ⲙⲛ ⲟⲩⲉⲃⲓⲏⲛ ⲛϥⲧⲟⲩϫⲟ ⲛⲛⲉⲯⲩⲭⲏ ⲛⲛⲉⲃⲓⲏⲛ</ab>
14ϥⲛⲁⲥⲱⲧⲉ ⲛⲧⲉⲩⲯⲩⲭⲏ ⲉⲃⲟⲗ ϩⲛ ⲧⲙⲏⲥⲉ ⲙⲛ ⲡϫⲓⲛϭⲟⲛⲥ ⲡⲉⲩⲣⲁⲛ ⲧⲁⲉⲓⲏⲩ ⲙⲡⲉϥⲙⲧⲟ ⲉⲃⲟⲗ</ab>
15ϥⲛⲁⲱⲛϩ ⲛⲥⲉϯ ⲛⲁϥ ⲙⲡⲛⲟⲩⲃ ⲛⲧⲁⲣⲁⲃⲓⲁ ⲛⲥⲉϣⲗⲏⲗ ⲉⲧⲃⲏⲏⲧϥ ⲛⲟⲩⲟⲉⲓϣ ⲛⲓⲙ ⲥⲉⲛⲁⲥⲙⲟⲩ ⲉⲣⲟϥ ⲙⲡⲉϩⲟⲟⲩ ⲧⲏⲣϥ</ab>
16ϥⲛⲁϣⲱⲡⲉ ⲛⲟⲩⲧⲁϫⲣⲟ ⲙⲡⲕⲁϩ ⲉϩⲣⲁⲓ ⲉϫⲛ ⲛⲧⲟⲟⲩ ⲡⲉϥⲕⲁⲣⲡⲟⲥ ⲛⲁϫⲓⲥⲉ ⲉⲡⲗⲓⲃⲁⲛⲟⲥ ⲛⲥⲉϯⲟⲩⲱ ⲉⲃⲟⲗ ϩⲛ ⲧⲡⲟⲗⲓⲥ ⲛⲑⲉ ⲙⲡⲉⲭⲟⲣⲧⲟⲥ ⲙⲡⲕⲁϩ</ab>
17ⲡⲉϥⲣⲁⲛ ⲛⲁϣⲱⲡⲉ ⲉϥⲥⲙⲁⲙⲁⲁⲧ ϣⲁ ⲉⲛⲉϩ ⲡⲉϥⲣⲁⲛ ϣⲟⲟⲡ ϩⲁⲑⲏ ⲙⲡⲣⲏ ⲥⲉⲛⲁϫⲓⲥⲙⲟⲩ ϩⲣⲁⲓ ⲛϩⲏⲧϥ ⲛϭⲓ ⲛⲉⲫⲩⲗⲏ ⲧⲏⲣⲟⲩ ⲙⲡⲕⲁϩ ⲛϩⲉⲑⲛⲟⲥ ⲧⲏⲣⲟⲩ ⲛⲁⲙⲁⲕⲁⲣⲓⲍⲉ ⲙⲙⲟϥ</ab>
18ϥⲥⲙⲁⲙⲁⲁⲧ ⲡϫⲟⲉⲓⲥ ⲡⲛⲟⲩⲧⲉ ⲡⲛⲟⲩⲧⲉ ⲙⲡⲓ︤ⲏ︦ⲗ︥ ⲡⲉⲧⲉⲓⲣⲉ ⲛⲛⲓϣⲡⲏⲣⲉ ⲙⲁⲩⲁⲁϥ</ab>
19ⲁⲩⲱ ϥⲥⲙⲁⲙⲁⲁⲧ ⲛϭⲓ ⲡⲣⲁⲛ ⲙⲡⲉϥⲉⲟⲟⲩ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ ⲡⲕⲁϩ ⲧⲏⲣϥ ⲛⲁⲙⲟⲩϩ ϩⲙ ⲡⲉϥⲉⲟⲟⲩ ⲉϥⲉϣⲱⲡⲉ ⲉϥⲉϣⲱⲡⲉ</ab>
20