1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲇⲁⲩⲉⲓⲇ</ab>
2ⲙⲁⲣⲉⲡⲛⲟⲩⲧⲉ ⲧⲱⲟⲩⲛ ⲛⲧⲉⲛⲉϥϫⲁϫⲉ ϫⲱⲱⲣⲉ ⲉⲃⲟⲗ ⲛⲥⲉⲡⲱⲧ ⲛϭⲓ ⲛⲉⲧⲙⲟⲥⲧⲉ ⲙⲙⲟϥ ⲙⲡⲉϥⲙⲧⲟ ⲉⲃⲟⲗ</ab>
3ⲙⲁⲣⲟⲩⲱϫⲛ ⲛⲑⲉ ⲉϣⲁⲣⲉⲟⲩⲕⲁⲡⲛⲟⲥ ⲱϫⲛ ⲛⲑⲉ ⲛⲟⲩⲙⲟⲩⲗϩ ⲉϣⲁϥⲃⲱⲗ ⲉⲃⲟⲗ ⲛⲛⲁϩⲣⲙ ⲡⲕⲱϩⲧ ⲙⲁⲣⲟⲩϩⲉ ⲉⲃⲟⲗ ⲛⲧⲉⲓϩⲉ ⲛϭⲓ ⲛⲣⲉϥⲣⲛⲟⲃⲉ ⲛⲁϩⲣⲙ ⲡϩⲟ ⲙⲡⲛⲟⲩⲧⲉ</ab>
4ⲙⲁⲣⲟⲩⲉⲩⲫⲣⲁⲛⲉ ⲛϭⲓ ⲛⲇⲓⲕⲁⲓⲟⲥ ⲛⲥⲉⲧⲉⲗⲏⲗ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲙⲁⲣⲟⲩⲟⲩⲣⲟⲧ ϩⲛ ⲟⲩⲟⲩⲛⲟϥ</ab>
5ϫⲱ ⲉⲡⲛⲟⲩⲧⲉ ⲛⲧⲉⲧⲛⲯⲁⲗⲗⲉⲓ ⲉⲡⲉϥⲣⲁⲛ ⲥⲃⲧⲉⲧⲉϩⲓⲏ ⲙⲡⲉⲛⲧⲁϥⲁⲗⲉ ⲉϩⲣⲁⲓ ⲉϫⲛ ⲙⲙⲁ ⲛϩⲱⲧⲡ ⲡϫⲟⲉⲓⲥ ⲡⲉ ⲡⲉϥⲣⲁⲛ ⲥⲉⲛⲁϣⲧⲟⲣⲧⲣ ⲙⲡⲉϥⲙⲧⲟ ⲉⲃⲟⲗ</ab>
6ⲡⲉⲓⲱⲧ ⲛⲛⲟⲣⲫⲁⲛⲟⲥ ⲁⲩⲱ ⲡⲉⲕⲣⲓⲧⲏⲥ ⲛⲛⲉⲭⲏⲣⲁ ⲡⲛⲟⲩⲧⲉ ϩⲙ ⲡⲉϥⲙⲁ ⲉⲧⲟⲩⲁⲁⲃ</ab>
7ⲡⲛⲟⲩⲧⲉ ⲛⲁⲧⲣⲉⲛⲓⲥⲙⲟⲧ ⲛⲟⲩⲱⲧ ⲟⲩⲱϩ ϩⲛ ⲟⲩⲏⲓ ⲡⲉⲛⲧⲁϥⲉⲓⲛⲉ ⲉⲃⲟⲗ ⲛⲛⲉⲧⲧⲟ ⲙⲡⲉⲓⲛⲉ ⲛϩⲟⲙⲛⲧ ϩⲛ ⲟⲩⲙⲛⲧϫⲱⲱⲣⲉ ⲙⲛ ⲛⲉⲧϯⲛⲟⲩϭⲥ ⲉⲧⲟⲩⲏϩ ϩⲛ ⲛⲧⲁⲫⲟⲥ</ab>
8ⲡⲛⲟⲩⲧⲉ ϩⲙ ⲡⲧⲣⲉⲕⲉⲓ ⲉⲃⲟⲗ ϩⲓ ⲑⲏ ⲙⲡⲉⲕⲗⲁⲟⲥ ϩⲙ ⲡⲧⲣⲉⲕⲉⲓ ⲉⲃⲟⲗ ϩⲓⲧⲙ ⲡϫⲁⲓⲉ</ab>
9ⲁⲡⲕⲁϩ ⲛⲟⲉⲓⲛ ⲕⲁⲓ ⲅⲁⲣ ⲁⲙⲡⲏⲩⲉ ϩⲱⲟⲩ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲛⲥⲓⲛⲁ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲙⲡⲓ︤ⲏ︦ⲗ︥</ab>
10ⲕⲛⲁⲡⲱⲣϫ ⲛⲟⲩϩⲱⲟⲩ ⲉϩⲛⲁⲕ ⲡⲛⲟⲩⲧⲉ ⲛⲧⲉⲕⲕⲗⲏⲣⲟⲛⲟⲙⲓⲁ ⲁⲩⲱ ⲁⲥϭⲃⲃⲉ ⲛⲧⲟⲕ ⲇⲉ ⲁⲕⲥⲃⲧⲱⲧⲥ</ab>
11ⲛⲉⲧⲟⲛϩ ⲛⲧⲁⲕ ⲛⲁⲟⲩⲱϩ ϩⲣⲁⲓ ⲛϩⲏⲧⲥ ⲁⲕⲥⲟⲃⲧⲉ ⲙⲡϩⲏⲕⲉ ϩⲛ ⲧⲉⲕⲙⲛⲧⲭⲣⲏⲥⲧⲟⲥ</ab>
12ⲡϫⲟⲉⲓⲥ ⲛⲁϯ ⲛⲟⲩϣⲁϫⲉ ⲛⲛⲉⲧⲉⲩⲁⲅⲅⲉⲗⲓⲍⲉ ⲛⲧϭⲟⲙ ⲉⲧⲛⲁϣⲱⲥ</ab>
13ⲡⲣⲣⲟ ⲛⲛϭⲟⲙ ⲙⲡⲙⲉⲣⲓⲧ ⲁⲩⲱ ⲡⲥⲁ ⲙⲡⲏⲓ ⲉⲡⲱϣ ⲛϩⲉⲛϣⲱⲗ</ab>
14ⲉⲣϣⲁⲛⲧⲉⲧⲛⲛⲕⲟⲧⲕ ⲛⲧⲙⲏⲧⲉ ⲛⲛⲉⲕⲗⲏⲣⲟⲥ ϩⲉⲛⲧⲛϩ ⲛϭⲣⲟⲟⲙⲡⲉ ⲉⲩⲗⲁⲗⲱ ⲛϩⲁⲧ ⲁⲩⲱ ⲡⲕⲱⲧⲉ ⲛⲛⲉⲥⲛⲁϩⲃ ϩⲙ ⲡⲟⲩⲟⲧⲟⲩⲉⲧ ⲙⲡⲛⲟⲩⲃ ⲇⲓⲁⲯⲁⲗⲙⲁ</ab>
15ϩⲙ ⲡⲧⲣⲉⲡⲉⲧϩⲛ ⲙⲡⲏⲩⲉ ⲡⲱⲣϫ ⲛϩⲉⲛⲣⲣⲱⲟⲩ ⲉϩⲣⲁⲓ ⲉϫⲱⲥ ⲥⲛⲁⲟⲩⲃⲁϣ ϩⲛ ⲥⲉⲗⲙⲱⲛⲓ</ab>
16ⲡⲧⲟⲟⲩ ⲙⲡⲛⲟⲩⲧⲉ ⲡⲧⲟⲟⲩ ⲉⲧⲕⲓⲱⲟⲩ ⲡⲧⲟⲟⲩ ⲉⲧϫⲟⲥⲉ ⲡⲧⲟⲟⲩ ⲉⲧⲧⲏⲕ ⲡⲧⲟⲟⲩ ⲉⲧⲕⲓⲱⲟⲩ</ab>
17ⲉⲧⲃⲉ ⲟⲩ ⲧⲉⲧⲛⲙⲉⲉⲩⲉ ⲉⲛⲧⲟⲟⲩ ⲉⲧϫⲟⲥⲉ ⲛϩⲏⲧ ⲡⲧⲟⲟⲩ ⲡⲉ ⲡⲁⲓ ⲉⲛⲧⲁⲡⲛⲟⲩⲧⲉ ⲟⲩⲱϣ ⲉⲟⲩⲱϩ ϩⲣⲁⲓ ⲛϩⲏⲧϥ ⲕⲁⲓ ⲅⲁⲣ ⲡϫⲟⲉⲓⲥ ⲛⲁⲟⲩⲱϩ ⲛϩⲏⲧϥ ϣⲁⲃⲟⲗ</ab>
18ⲡϩⲁⲣⲙⲁ ⲙⲡⲛⲟⲩⲧⲉ ⲟⲩⲧⲃⲁ ⲛⲕⲱⲃ ⲡⲉ ϩⲉⲛϣⲟ ⲛⲉ ⲉⲩⲣⲟⲟⲩⲧ ⲡϫⲟⲉⲓⲥ ⲛϩⲏⲧⲟⲩ ϩⲛ ⲥⲓⲛⲁ ⲡⲉϥⲡⲉⲧⲟⲩⲁⲁⲃ</ab>
19ⲁϥⲁⲗⲉ ⲉⲡϫⲓⲥⲉ ⲁϥⲁⲓⲭⲙⲁⲗⲱⲧⲉⲩⲉ ⲛⲟⲩⲁⲓⲭⲙⲁⲗⲱⲥⲓⲁ ⲁϥϯ ⲛϩⲉⲛⲧⲁⲉⲓⲟ ⲛⲛⲣⲱⲙⲉ ⲕⲁⲓ ⲅⲁⲣ ⲉⲩⲟ ⲛⲁⲧⲛⲁϩⲧⲉ ⲡⲉ ⲉⲟⲩⲱϩ</ab>
20ⲡϫⲟⲉⲓⲥ ⲡⲛⲟⲩⲧⲉ ⲉⲕⲥⲙⲁⲙⲁⲁⲧ ϣⲁ ⲉⲛⲉϩ ⲛⲉⲛⲉϩ ⲡϫⲟⲉⲓⲥ ⲡⲛⲟⲩⲧⲉ ⲛⲛⲉⲛⲟⲩϫⲁⲓ ϥⲛⲁⲥⲟⲟⲩⲧⲛ ⲛⲁⲛ ⲇⲓⲁⲯⲁⲗⲙⲁ</ab>
21ⲡⲉⲛⲛⲟⲩⲧⲉ ⲡⲉ ⲡⲛⲟⲩⲧⲉ ⲛⲧⲁⲛϩⲟ ⲁⲩⲱ ⲧⲁⲡϫⲟⲉⲓⲥ ⲧⲉ ⲧⲟⲑⲉ ⲙⲡⲙⲟⲩ</ab>
22ⲡⲗⲏⲛ ⲡⲛⲟⲩⲧⲉ ⲛⲁⲟⲩⲱϣϥ ⲛⲧⲁⲡⲉ ⲛⲛⲉⲩϫⲓϫⲉⲉⲩ ⲁⲩⲱ ⲧⲙⲏⲧⲉ ⲛⲧⲁⲡⲉ ⲛⲛⲉⲧⲙⲟⲟϣⲉ ϩⲛ ⲛⲉⲩⲛⲟⲃⲉ</ab>
23ⲁⲡϫⲟⲉⲓⲥ ϫⲟⲟⲥ ⲉϥⲕⲱⲧⲉ ⲙⲙⲟϥ ⲉⲃⲟⲗ ϩⲛ ⲧⲃⲁⲥⲁⲛ ϫⲉ ϯⲛⲁⲕⲧⲟⲓ ϩⲛ ⲛⲉⲧϣⲏⲕ ⲛⲑⲁⲗⲁⲥⲥⲁ</ab>
24ϫⲉⲕⲁⲥ ⲉⲣⲉⲧⲉⲕⲟⲩⲉⲣⲏⲧⲉ ϫⲱⲗⲕ ϩⲛ ⲟⲩⲥⲛⲟϥ ⲁⲩⲱ ϥⲛⲁⲗⲱϫϩ ⲛϭⲓ ⲡⲗⲁⲥ ⲛⲛⲉⲕⲟⲩϩⲟⲟⲣ ⲉⲃⲟⲗ ϩⲛ ⲛϫⲁϫⲉ ⲉⲧϯ ⲟⲩⲃⲏϥ</ab>
25ⲁⲩⲛⲁⲩ ⲉⲛⲉⲕⲙⲁ ⲙⲙⲟⲟϣⲉ ⲡⲛⲟⲩⲧⲉ ⲙⲙⲁ ⲙⲙⲟⲟϣⲉ ⲙⲡⲁⲛⲟⲩⲧⲉ ⲡⲣⲣⲟ ⲉⲧϩⲙ ⲡⲉⲧⲟⲩⲁⲁⲃ</ab>
26ⲁⲩⲣϣⲟⲣⲡ ⲛϭⲓ ⲛⲁⲣⲭⲱⲛ ⲉⲩϩⲏⲛ ⲉϩⲟⲩⲛ ⲉⲛⲉⲧⲯⲁⲗⲗⲉⲓ ⲛⲧⲙⲏⲧⲉ ⲛⲛϣⲉⲉⲣⲉ ϣⲏⲙ ⲛⲣⲉϥϫⲛϫⲛ</ab>
27ⲥⲙⲟⲩ ⲉⲡⲛⲟⲩⲧⲉ ϩⲛ ⲛⲉⲕⲕⲗⲏⲥⲓⲁ ⲡϫⲟⲉⲓⲥ ⲉⲃⲟⲗ ϩⲛ ⲙⲡⲏⲅⲏ ⲙⲡⲓⲥⲣⲁⲏⲗ</ab>
28ⲉϥⲙⲙⲁⲩ ⲛϭⲓ ⲃⲉⲛⲓⲁⲙⲉⲓⲛ ⲡⲕⲟⲩⲉⲓ ϩⲛ ⲧⲉⲕⲥⲧⲁⲥⲓⲥ ⲛⲁⲣⲭⲱⲛ ⲛⲓⲟⲩⲇⲁ ⲙⲛ ⲛⲉⲩϩⲏⲅⲉⲙⲱⲛ ⲛⲁⲣⲭⲱⲛ ⲛⲍⲁⲃⲟⲩⲗⲱⲛ ⲛⲁⲣⲭⲱⲛ ⲛⲛⲉⲫⲑⲁⲗⲉⲓⲙ</ab>
29ⲡⲛⲟⲩⲧⲉ ϩⲱⲛ ⲛⲧⲉⲕϭⲟⲙ ⲡⲛⲟⲩⲧⲉ ϯϭⲟⲙ ⲙⲡⲁⲓ ⲛⲧⲁⲕⲥⲃⲧⲱⲧϥ ⲛⲁⲛ</ab>
30ⲛⲉⲣⲣⲱⲟⲩ ⲛⲁⲛⲇⲱⲣⲟⲛ ⲛⲁⲕ ⲉⲡⲉⲕⲣⲡⲉ ⲉⲑⲓⲗ︤ⲏ︦ⲙ︥</ab>
31ⲡⲛⲟⲩⲧⲉ ⲉⲡⲓⲧⲓⲙⲁ ⲛⲛⲉⲑⲏⲣⲓⲟⲛ ⲙⲡⲙⲁ ⲛϣⲏⲛ ⲙⲛ ⲡⲙⲁ ⲛⲕⲁϣ ⲧⲥⲩⲛⲁⲅⲱⲅⲏ ⲛⲙⲙⲁⲥⲉ ϩⲛ ⲛⲃⲁϩⲥⲉ ⲙⲡⲗⲁⲟⲥ ⲉⲧⲙⲧⲥⲧⲟ ⲉⲃⲟⲗ ⲛⲛⲉⲛⲧⲁⲩⲇⲟⲕⲓⲙⲁⲍⲉ ⲙⲙⲟⲟⲩ ϩⲙ ⲡϩⲁⲧ ⲁϥϫⲉⲣⲉⲛϩⲉⲑⲛⲟⲥ ⲉⲃⲟⲗ ⲉⲧⲟⲩⲉϣⲡⲟⲗⲉⲙⲟⲥ</ab>
32ⲟⲩⲛϩⲉⲛϥⲁⲓϣⲓⲛⲉ ⲛⲏⲩ ⲉⲃⲟⲗ ϩⲛ ⲕⲏⲙⲉ ⲛⲉϭⲟⲟϣ ⲛⲁⲣϣⲟⲣⲡ ⲛϯ ⲛⲛⲉⲩϭⲓϫ ⲙⲡⲛⲟⲩⲧⲉ</ab>
33ⲛⲉⲣⲣⲱⲟⲩ ⲙⲡⲕⲁϩ ⲥⲙⲟⲩ ⲉⲡⲛⲟⲩⲧⲉ ⲯⲁⲗⲗⲉⲓ ⲉⲡϫⲟⲉⲓⲥ ⲇⲓⲁⲯⲁⲗⲙⲁ</ab>
34ⲯⲁⲗⲗⲉⲓ ⲉⲡⲛⲟⲩⲧⲉ ⲡⲉⲛⲧⲁϥⲁⲗⲉ ⲉϩⲣⲁⲓ ⲉϫⲛ ⲧⲡⲉ ⲛⲧⲡⲉ ϩⲓ ⲡⲉⲉⲓⲃⲧ ⲉⲓⲉⲛⲁⲩ ⲉⲩⲥⲙⲏ ⲛⲥⲙⲟⲩ ϩⲓ ⲡⲉϥϩⲣⲟⲟⲩ</ab>
35ϯⲉⲟⲟⲩ ⲙⲡⲛⲟⲩⲧⲉ ⲧⲉϥⲙⲛⲧⲛⲟϭ ⲉϩⲣⲁⲓ ⲉϫⲙ ⲡⲓ︤ⲏ︦ⲗ︥ ⲁⲩⲱ ⲧⲉϥϭⲟⲙ ⲉⲥϩⲛⲛⲉⲕⲗⲟⲟⲗⲉ</ab>
36ⲟⲩϣⲡⲏⲣⲉ ⲡⲉ ⲡⲛⲟⲩⲧⲉ ϩⲛ ⲛⲉϥⲡⲉⲧⲟⲩⲁⲁⲃ ⲡⲛⲟⲩⲧⲉ ⲙⲡⲓ︤ⲏ︦ⲗ︥ ⲛⲧⲟϥ ⲡⲉ ⲧⲛⲁϯ ⲛⲟⲩϭⲟⲙ ⲙⲛ ⲟⲩⲧⲁϫⲣⲟ ⲙⲡⲉϥⲗⲁⲟⲥ ⲡⲛⲟⲩⲧⲉ ⲥⲙⲁⲙⲁⲁⲧ</ab>