1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲧⲁⲛⲁⲥⲧⲁⲥⲓⲥ ⲡⲕⲁϩ ⲧⲏⲣϥ ϯⲗⲟⲩⲗⲁⲓ ⲙⲡⲛⲟⲩⲧⲉ</ab>
2ⲯⲁⲗⲗⲉⲓ ⲉⲡⲉϥⲣⲁⲛ ϯⲥⲟⲟⲩ ⲙⲡⲉϥⲥⲙⲟⲩ</ab>
3ⲁϫⲓⲥ ⲙⲡⲛⲟⲩⲧⲉ ϫⲉ ϩⲉⲛϩⲟⲧⲉ ⲛⲉ ⲛⲉⲕϩⲃⲏⲩⲉ ϩⲙ ⲡⲁϣⲁⲓ ⲛⲧⲉⲕϭⲟⲙ ⲥⲉⲛⲁϫⲓϭⲟⲗ ⲉⲣⲟⲕ ⲛϭⲓ ⲛⲉⲕϫⲁϫⲉ</ab>
4ⲡⲕⲁϩ ⲧⲏⲣϥ ⲙⲁⲣⲟⲩⲟⲩⲱϣⲧ ⲛⲁⲕ ⲛⲥⲉⲯⲁⲗⲗⲉⲓ ⲉⲣⲟⲕ ⲙⲁⲣⲟⲩⲯⲁⲗⲗⲉⲓ ⲉⲡⲉⲕⲣⲁⲛ ⲡⲉⲧϫⲟⲥⲉ ⲇⲓⲁⲯⲁⲗⲙⲁ</ab>
5ⲁⲙⲏⲓⲧⲛ ⲛⲁϣⲏⲣⲉ ⲛⲧⲉⲧⲛⲛⲁⲩ ⲉⲛⲉϩⲃⲏⲩⲉ ⲙⲡⲛⲟⲩⲧⲉ ⲉϥϯϩⲟⲧⲉ ϩⲛ ⲛⲉϥϣⲟϫⲛⲉ ⲉϩⲟⲩⲉ ⲛϣⲏⲣⲉ ⲛⲛⲣⲱⲙⲉ</ab>
6ⲡⲉⲧⲕⲧⲟ ⲛⲑⲁⲗⲁⲥⲥⲁ ⲉⲡⲡⲉⲧϣⲟⲩⲱⲟⲩ ⲥⲉⲛⲁⲙⲟⲟϣⲉ ⲛⲣⲁⲧⲟⲩ ϩⲙ ⲡⲉⲓⲉⲣⲟ ϩⲙ ⲡⲙⲁ ⲉⲧⲙⲙⲁⲩ ⲧⲛⲛⲁⲉⲩⲫⲣⲁⲛⲉ ⲉϩⲣⲁⲓ ⲉϫⲱϥ</ab>
7ⲡⲉⲧⲟ ⲛϫⲟⲉⲓⲥ ⲉⲡⲁⲓⲱⲛ ϩⲛ ⲧⲉϥϭⲟⲙ ⲉⲣⲉⲛⲉϥⲃⲁⲗ ϭⲱϣⲧ ⲉϫⲛ ⲛϩⲉⲑⲛⲟⲥ ⲛⲉⲧϯⲛⲟⲩϭⲥ ⲙⲡⲣⲧⲣⲉⲩϫⲓⲥⲉ ⲙⲙⲟⲟⲩ ϩⲣⲁⲓ ⲛϩⲏⲧⲟⲩ ⲇⲓⲁⲯⲁⲗⲙⲁ</ab>
8ⲛϩⲉⲑⲛⲟⲥ ⲥⲙⲟⲩ ⲉⲡⲉⲛⲛⲟⲩⲧⲉ ⲛⲧⲉⲧⲛⲧⲣⲉⲩⲥⲱⲧⲙ ⲉⲡⲉϩⲣⲟⲟⲩ ⲙⲡⲉϥⲥⲙⲟⲩ</ab>
9ⲡⲉⲛⲧⲁϥⲕⲱ ⲛⲧⲁⲯⲩⲭⲏ ⲉⲩⲱⲛϩ ⲙⲡϥⲕⲁⲛⲟⲩⲉⲣⲏⲧⲉ ⲉⲕⲓⲙ</ab>
10ϫⲉ ⲁⲕⲇⲟⲕⲓⲙⲁⲍⲉ ⲙⲙⲟⲛ ⲡⲛⲟⲩⲧⲉ ⲁⲕⲡⲓⲥⲉ ⲙⲙⲟⲛ ⲛⲑⲉ ⲉϣⲁⲩⲡⲓⲥⲉ ⲙⲡϩⲁⲧ</ab>
11ⲁⲕϫⲓⲧⲛ ⲉϩⲟⲩⲛ ⲉⲡⲡⲁϣ ⲁⲕⲕⲱ ⲛⲟⲩⲑⲗⲓⲯⲓⲥ ⲙⲡⲉⲛⲙⲧⲟ ⲉⲃⲟⲗ</ab>
12ⲁⲕⲧⲁⲗⲟ ⲛϩⲉⲛⲣⲱⲙⲉ ⲉϫⲛ ⲛⲉⲛⲁⲡⲏⲩⲉ ⲁⲛⲉⲓ ⲉⲃⲟⲗ ϩⲓⲧⲛ ⲟⲩⲕⲱϩⲧ ⲙⲛ ⲟⲩⲙⲟⲟⲩ ⲁⲕⲛⲧ ⲉⲃⲟⲗ ⲉⲩⲙⲁ ⲛⲙⲧⲟⲛ</ab>
13ϯⲛⲁⲃⲱⲕ ⲉϩⲟⲩⲛ ⲉⲡⲉⲕⲏⲓ ϩⲛ ϩⲉⲛϭⲗⲓⲗ</ab>
14ϯⲛⲁϯ ⲛⲁⲕ ⲛⲛⲁⲉⲣⲏⲧ ⲉⲛⲧⲁⲛⲁⲥⲡⲟⲧⲟⲩ ⲡⲟⲣϫⲟⲩ ⲉⲁⲧⲁⲧⲁⲡⲣⲟ ϫⲟⲟⲩ ϩⲙ ⲡⲁⲑⲃⲃⲓⲟ</ab>
15ϯⲛⲁⲧⲁⲗⲟ ⲛⲁⲕ ⲉϩⲣⲁⲓ ⲛϩⲉⲛϭⲗⲓⲗ ⲉⲩⲕⲓⲱⲟⲩ ϯⲛⲁⲧⲁⲗⲟ ⲛⲁⲕ ⲉϩⲣⲁⲓ ⲛϩⲉⲛⲙⲁⲥⲉ ⲙⲛ ϩⲉⲛϭⲓⲉ ⲙⲛ ⲟⲩϣⲟⲩϩⲏⲛⲉ ⲛⲟⲉⲓⲗⲉ ⲇⲓⲁⲯⲁⲗⲙⲁ</ab>
16ⲟⲩⲟⲛ ⲛⲓⲙ ⲉⲧⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ ⲁⲙⲏⲓⲧⲛ ⲥⲱⲧⲙ ⲧⲁϫⲱ ⲛⲏⲧⲛ ⲛⲛⲉⲛⲧⲁⲡϫⲟⲉⲓⲥ ⲡⲁⲛⲟⲩⲧⲉ ⲁⲁⲩ ⲛⲧⲁⲯⲩⲭⲏ</ab>
17ⲁⲓⲱϣ ⲉϩⲣⲁⲓ ⲉⲣⲟϥ ϩⲛ ⲧⲁⲧⲁⲡⲣⲟ ⲁⲩⲱ ⲁⲓϫⲓⲥⲉ ⲛⲧⲁⲥⲙⲏ ϩⲙ ⲡⲁⲗⲁⲥ</ab>
18ⲉϣϫⲉ ⲁⲓⲛⲁⲩ ⲉϫⲓⲛϭⲟⲛⲥ ϩⲙ ⲡⲁϩⲏⲧ ⲙⲡⲣⲧⲣⲉⲡϫⲟⲉⲓⲥ ⲥⲱⲧⲙ ⲉⲣⲟⲓ</ab>
19ⲉⲧⲃⲉ ⲡⲁⲓ ⲁⲡⲛⲟⲩⲧⲉ ⲥⲱⲧⲙ ⲉⲣⲟⲓ ⲁϥϯ ϩⲧⲏϥ ⲉⲡⲉϩⲣⲟⲟⲩ ⲙⲡⲁⲥⲟⲡⲥ</ab>
20ϥⲥⲙⲁⲙⲁⲁⲧ ⲛϭⲓ ⲡⲛⲟⲩⲧⲉ ⲡⲉⲧⲉⲙⲡϥⲥⲁϩⲉ ⲡⲁϣⲗⲏⲗ ⲉⲃⲟⲗ ⲙⲙⲟϥ ⲁⲩⲱ ⲡⲉϥⲛⲁ ⲉⲃⲟⲗ ⲙⲙⲟⲓ</ab>