1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2ⲡⲁⲛⲟⲩⲧⲉ ⲥⲱⲧⲙ ⲉⲡⲁϩⲣⲟⲟⲩ ϩⲙ ⲡⲧⲣⲁⲥⲉⲡⲥⲱⲡⲕ ⲛⲉϩⲙⲧⲁⲯⲩⲭⲏ ⲉⲑⲟⲧⲉ ⲙⲡϫⲁϫⲉ</ab>
3ⲁⲕⲣϩⲁⲓⲃⲉⲥ ⲉⲣⲟⲓ ⲉⲧⲥⲟⲟⲩϩⲥ ⲛⲛⲉⲧⲟ ⲙⲡⲟⲛⲏⲣⲟⲥ ⲉⲃⲟⲗ ϩⲙ ⲡⲙⲏⲏϣⲉ ⲉⲧⲣϩⲱⲃ ⲉⲧⲁⲛⲟⲙⲓⲁ</ab>
4ⲛⲁⲓ ⲉⲛⲧⲁⲩⲧⲱⲙ ⲛⲛⲉⲩⲗⲁⲥ ⲛⲑⲉ ⲛⲛⲓⲥⲏϥⲉ ⲁⲩⲥⲱⲙⲛⲧ ⲛⲧⲉⲩⲡⲓⲧⲉ ⲉⲩϩⲱⲃ ⲉϥⲥⲁϣⲉ</ab>
5ⲉⲧⲣⲉⲩⲛⲉϫ ⲥⲟⲧⲉ ϩⲛ ⲟⲩϩⲱⲡ ⲉⲡⲉⲧⲟⲩⲁⲁⲃ ⲥⲉⲛⲁⲛⲟⲩϫⲉ ⲉⲣⲟϥ ϩⲛ ⲟⲩϣⲥⲛⲉ ⲛⲥⲉⲧⲙⲣϩⲟⲧⲉ</ab>
6ⲁⲩⲧⲁϫⲣⲟ ⲛⲁⲩ ⲛⲟⲩϣⲁϫⲉ ⲉϥϩⲟⲟⲩ ⲁⲩϫⲟⲟⲥ ⲉϩⲱⲡ ⲛϩⲉⲛⲡⲁϣ ⲁⲩϫⲟⲟⲥ ϫⲉ ⲛⲓⲙ ⲡⲉⲧⲛⲁⲛⲁⲩ ⲉⲣⲟⲛ</ab>
7ⲁⲩϩⲟⲧϩⲧ ⲛϩⲉⲛⲁⲛⲟⲙⲓⲁ ⲁⲩⲱ ϫⲛ ⲉⲩϩⲟⲧϩⲧ ⲡⲛⲟⲩⲧⲉ ⲛⲁⲙⲟϣⲧⲟⲩ ⲡⲣⲱⲙⲉ ⲛⲁϯⲡⲉϥⲟⲩⲟⲓ ϩⲛ ⲟⲩϩⲏⲧ ⲉϥϩⲏⲡ</ab>
8ⲁⲩⲱ ϥⲛⲁⲥⲟⲩⲱⲛϥ ⲛϥϫⲓⲥⲉ ⲛϭⲓ ⲡϫⲟⲉⲓⲥ ⲡⲁⲛⲟⲩⲧⲉ ⲁⲛⲉⲩⲡⲗⲏⲅⲏ ϣⲱⲡⲉ ⲛⲥⲟⲧⲉ ⲛϣⲏⲣⲉ ϣⲏⲙ</ab>
9ⲁⲩⲱ ⲁⲛⲉⲩⲗⲁⲥ ⲣϭⲱⲃ ⲛϩⲏⲧⲟⲩ ⲁⲩϣⲧⲟⲣⲧⲣ ⲧⲏⲣⲟⲩ ⲛϭⲓ ⲛⲉⲧⲛⲁⲩ ⲉⲣⲟⲟⲩ</ab>
10ⲁⲩⲱ ⲁⲣⲱⲙⲉ ⲛⲓⲙ ⲣϩⲟⲧⲉ ⲁⲩϫⲱ ⲛⲛⲉϩⲃⲏⲩⲉ ⲙⲡⲛⲟⲩⲧⲉ ⲁⲩⲉⲓⲙⲉ ⲉⲛⲉϥⲧⲁⲙⲓⲟ</ab>
11ϥⲛⲁⲉⲩⲫⲣⲁⲛⲉ ⲛϭⲓ ⲡⲇⲓⲕⲁⲓⲟⲥ ⲉϫⲙ ⲡϫⲟⲉⲓⲥ ⲛϥⲛⲁϩⲧⲉ ⲉⲣⲟϥ ⲁⲩⲱ ⲥⲉⲛⲁϫⲓⲧⲁⲉⲓⲟ ⲛϭⲓ ⲟⲩⲟⲛ ⲛⲓⲙ ⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ</ab>