1ⲉⲡϫⲱⲕ ⲉⲃⲟⲗ ϩⲛ ⲛⲥⲙⲟⲩ ⲛⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ</ab>
2ⲥⲱⲧⲙ ⲡⲛⲟⲩⲧⲉ ⲉⲡⲁϣⲗⲏⲗ ⲁⲩⲱ ⲙⲡⲣⲟⲃϣⲕ ⲉⲡⲁⲥⲟⲡⲥ</ab>
3ϯϩⲧⲏⲕ ⲉⲣⲟⲓ ⲁⲩⲱ ⲛⲅⲥⲱⲧⲙ ⲉⲣⲟⲓ ⲁⲓⲗⲩⲡⲉⲓ ϩⲙ ⲡⲁϣⲥⲛϩⲏⲧ ⲁⲩⲱ ⲁⲓϣⲧⲟⲣⲧⲣ</ab>
4ⲉⲃⲟⲗ ϩⲙ ⲡⲉϩⲣⲟⲟⲩ ⲙⲡⲁϫⲁϫⲉ ⲙⲛ ⲧⲉⲑⲗⲓⲯⲓⲥ ⲙⲡⲣⲉϥⲣⲛⲟⲃⲉ ϫⲉ ⲁⲩⲣⲓⲕⲉ ⲉϫⲱⲓ ⲛⲟⲩⲁⲛⲟⲙⲓⲁ ⲁⲩⲱ ⲛⲉⲩⲛⲟϭⲥ ⲉⲣⲟⲓ ϩⲛ ⲟⲩⲟⲣⲅⲏ</ab>
5ⲁⲡⲁϩⲏⲧ ϣⲧⲟⲣⲧⲣ ⲛϩⲏⲧ ⲁⲩⲱ ⲁⲑⲟⲧⲉ ⲙⲡⲙⲟⲩ ϩⲉ ⲉϩⲣⲁⲓ ⲉϫⲱⲓ</ab>
6ⲟⲩϩⲟⲧⲉ ⲙⲛ ⲟⲩⲥⲧⲱⲧ ⲁⲩⲉⲓ ⲉϩⲣⲁⲓ ⲉϫⲱⲓ ⲁⲩⲱ ⲁⲩⲕⲁⲕⲉ ϩⲟⲃⲥⲧ</ab>
7ⲁⲓϫⲟⲟⲥ ϫⲉ ⲛⲓⲙ ⲡⲉⲧⲛⲁϯ ⲛⲁⲓ ⲛϩⲉⲛⲧⲛϩ ⲛⲑⲉ ⲛⲛⲓϭⲣⲟⲟⲙⲡⲉ ⲧⲁϩⲱⲗ ⲉⲃⲟⲗ ⲧⲁⲙⲧⲟⲛ ⲙⲙⲟⲓ ⲇⲓⲁⲯⲁⲗⲙⲁ</ab>
8ⲉⲓⲥ ϩⲏⲏⲧⲉ ⲁⲓⲟⲩⲉ ⲉⲓⲡⲏⲧ ⲁⲓϣⲱⲡⲉ ϩⲓ ⲡϫⲁⲓⲉ</ab>
9ⲛⲉⲓϭⲱϣⲧ ⲉⲃⲟⲗ ϩⲏⲧϥ ⲙⲡⲉⲧⲛⲟⲩϩⲙ ⲙⲙⲟⲓ ⲉⲃⲟⲗ ϩⲛ ⲧⲙⲛⲧϩⲏⲧ ϣⲏⲙ ⲙⲛ ⲑⲁⲧⲏⲩ</ab>
10ⲟⲙⲥⲟⲩ ⲡϫⲟⲉⲓⲥ ⲁⲩⲱ ⲛⲅⲡⲱϣ ⲛⲛⲉⲩⲗⲁⲥ ϫⲉ ⲁⲓⲛⲁⲩ ⲉⲩⲁⲛⲟⲙⲓⲁ ⲙⲛ ⲟⲩⲁⲛⲧⲓⲗⲟⲅⲓⲁ ϩⲛ ⲧⲡⲟⲗⲓⲥ</ab>
11ⲙⲡⲉϩⲟⲟⲩ ⲙⲛ ⲧⲉⲩϣⲏ ⲥⲉⲛⲁⲕⲱⲧⲉ ⲉⲣⲟⲥ ϩⲓϫⲛ ⲛⲉⲥⲥⲟⲃⲧ ⲟⲩⲁⲛⲟⲙⲓⲁ ⲙⲛ ⲟⲩϩⲓⲥⲉ ⲛⲉⲧϩⲛ ⲧⲉⲥⲙⲏⲧⲉ</ab>
12ⲁⲩⲱ ⲡϫⲓⲛϭⲟⲛⲥ ⲡⲉⲧϩⲛ ⲧⲉⲥⲙⲏⲧⲉ ⲁⲩⲱ ⲙⲡϥⲱϫⲛ ϩⲛ ⲛⲉⲥⲡⲗⲁⲧⲓⲁ ⲛϭⲓ ⲡϫⲓⲙⲏⲥⲉ ⲙⲛ ⲡⲉⲕⲣⲟϥ</ab>
13ϫⲉ ⲉⲛⲉⲡϫⲁϫⲉ ⲡⲉⲛⲧⲁϥⲛⲉϭⲛⲟⲩϭⲧ ⲛⲉⲓⲛⲁϥⲉⲓ ⲉⲣⲟⲓ ⲡⲉ ⲁⲩⲱ ⲉⲛⲉⲡⲉⲧⲙⲟⲥⲧⲉ ⲙⲙⲟⲓ ⲡⲉⲛⲧⲁϥϫⲉ ⲛⲟϭ ⲛϣⲁϫⲉ ⲉϩⲣⲁⲓ ⲉϫⲱⲓ ⲛⲉⲓⲛⲁϩⲟⲡⲧ ⲉⲣⲟϥ ⲡⲉ</ab>
14ⲛⲧⲟⲕ ⲇⲉ ⲡⲣⲱⲙⲉ ⲉⲧⲛⲏⲩ ⲉϩⲙ ⲡⲁϩⲏⲧ ⲡⲁⲛⲟϭ ⲉϯⲥⲟⲟⲩⲛ ⲙⲙⲟϥ</ab>
15ⲡⲁⲓ ⲉⲛⲉϥⲟⲩⲱⲙ ⲛⲙⲙⲁⲓ ⲛϩⲉⲛϭⲓ ⲛⲟⲩⲱⲙ ⲛⲉⲛⲙⲟⲟϣⲉ ⲡⲉ ϩⲙ ⲡⲏⲓ ⲙⲡⲛⲟⲩⲧⲉ ϩⲓ ⲟⲩⲥⲟⲡ</ab>
16ⲉⲣⲉⲡⲙⲟⲩ ⲉⲓ ⲉϩⲣⲁⲓ ⲉϫⲱⲟⲩ ⲙⲁⲣⲟⲩⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ ⲉⲩⲟⲛϩ ϫⲉ ⲟⲩⲡⲟⲛⲏⲣⲓⲁ ⲧⲉⲧϩⲛ ⲛⲉⲩⲙⲁ ⲛϣⲱⲡⲉ ϩⲛ ⲧⲉⲥⲙⲏⲧⲉ</ab>
17ⲁⲛⲟⲕ ⲇⲉ ⲁⲓϫⲓϣⲕⲁⲕ ⲉϩⲣⲁⲓ ⲉⲡⲛⲟⲩⲧⲉ ⲁⲡϫⲟⲉⲓⲥ ⲥⲱⲧⲙ ⲉⲣⲟⲓ</ab>
18ϯⲛⲁϣⲁϫⲉ ⲙⲡⲛⲁⲩ ⲛⲣⲟⲩϩⲉ ⲁⲩⲱ ϩⲧⲟⲟⲩⲉ ⲙⲛ ⲡⲛⲁⲩ ⲙⲙⲉⲉⲣⲉ ϯⲛⲁϫⲟⲟⲩ ⲁⲩⲱ ϥⲛⲁⲥⲱⲧⲙ ⲉⲡⲁϩⲣⲟⲟⲩ</ab>
19ⲛϥⲥⲱⲧⲉ ⲛⲧⲁⲯⲩⲭⲏ ϩⲛ ⲟⲩⲉⲓⲣⲏⲛⲏ ⲉⲃⲟⲗ ϩⲛ ⲛⲉⲧϩⲏⲛ ⲉⲣⲟⲓ ϫⲉ ⲛⲉ ⲟⲩⲟⲛ ϩⲁϩ ⲛⲙⲙⲁⲓ ⲡⲉ</ab>
20ⲡⲛⲟⲩⲧⲉ ⲛⲁⲥⲱⲧⲙ ⲛϥⲑⲃⲃⲓⲟⲟⲩ ⲡⲉⲧϣⲟⲟⲡ ϩⲁ ⲑⲏ ⲛⲛⲓⲉⲛⲉϩ ⲇⲓⲁⲯⲁⲗⲙⲁ ⲙⲛⲧⲟⲩϣⲃⲃⲓⲱ ⲅⲁⲣ ⲁⲩⲱ ⲙⲡⲟⲩⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ</ab>
21ⲁϥⲥⲟⲟⲩⲧⲛⲧⲉϥϭⲓϫ ⲉⲃⲟⲗ ⲉⲧⲟⲩⲉⲓⲟ ⲁϥⲥⲱϣϥ ⲛⲧⲉϥⲇⲓⲁⲑⲏⲕⲏ</ab>
22ⲁⲩⲡⲱϣ ⲉⲃⲟⲗ ϩⲛ ⲧⲟⲣⲅⲏ ⲙⲡⲉϥϩⲟ ⲁⲩⲱ ⲁϥϩⲱⲛ ⲉϩⲟⲩⲛ ⲛϭⲓ ⲡⲉϥϩⲏⲧ ⲁⲛⲉϥϣⲁϫⲉ ⲕⲛⲛⲉ ⲉϩⲟⲩⲉ ⲟⲩⲛⲉϩ ⲁⲩⲱ ⲛⲧⲟⲟⲩ ⲉⲩⲟ ⲛⲑⲉ ⲛϩⲉⲛⲥⲟⲧⲉ</ab>
23ⲛⲉϫⲡⲉⲕⲣⲟⲟⲩϣ ⲉⲡϫⲟⲉⲓⲥ ⲁⲩⲱ ⲛⲧⲟϥ ϥⲛⲁⲥⲁⲛⲟⲩϣⲕ ⲛϥⲛⲁⲕⲁ ⲡⲇⲓⲕⲁⲓⲟⲥ ⲁⲛ ⲉⲕⲓⲙ ϣⲁ ⲉⲛⲉϩ</ab>
24ⲛⲧⲟⲕ ⲇⲉ ⲡⲛⲟⲩⲧⲉ ⲕⲛⲁϫⲓⲧⲟⲩ ⲉⲡⲉⲥⲏⲧ ⲉⲡϣⲏⲓ ⲙⲡⲧⲁⲕⲟ ϩⲉⲛⲣⲱⲙⲉ ⲛⲥⲛⲟϥ ⲁⲩⲱ ⲛⲕⲣⲟϥ ⲛⲛⲉⲩⲣⲡⲙⲉⲉⲩⲉ ⲛⲛⲉⲩϩⲟⲟⲩ ⲁⲛⲟⲕ ⲇⲉ ϯⲛⲁⲛⲁϩⲧⲉ ⲉⲣⲟⲕ ⲡϫⲟⲉⲓⲥ</ab>