1ⲉⲡϫⲱⲕ ⲉⲃⲟⲗ ⲛⲓⲇⲓⲑⲟⲩⲛ ⲧⲱⲇⲏ ⲛⲇⲁⲩⲉⲓⲇ</ab>
2ⲁⲓϫⲟⲟⲥ ϫⲉ ϯⲛⲁϩⲁⲣⲉϩ ⲉⲛⲁϩⲓⲟⲟⲩⲉ ⲉⲧⲙⲣⲛⲟⲃⲉ ϩⲙ ⲡⲁⲗⲁⲥ ⲁⲓⲕⲱ ⲛⲟⲩϩⲁⲣⲉϩ ϩⲓⲣⲛ ⲣⲱⲓ ϩⲙ ⲡⲧⲣⲉⲡⲣⲉϥⲣⲛⲟⲃⲉ ⲁϩⲉⲣⲁⲧϥ ⲙⲡⲁⲙⲧⲟ ⲉⲃⲟⲗ</ab>
3ⲁⲓⲣⲙⲡⲟ ⲁⲓϣⲧⲟⲣⲧⲣ ⲁⲓⲑⲃⲃⲓⲟ ⲁⲩⲱ ⲁⲓⲕⲁⲣⲱⲓ ⲉⲃⲟⲗ ϩⲛ ⲛⲁⲁⲅⲁⲑⲟⲛ ⲁⲩⲱ ⲁⲡⲁⲥⲁϣ ⲣⲃⲣⲣⲉ ⲉⲣⲟⲓ</ab>
4ⲁⲡⲁϩⲏⲧ ϩⲙⲟⲙ ϩⲙ ⲡⲁⲥⲁ ⲛϩⲟⲩⲛ ⲁⲩⲱ ⲟⲩⲛⲟⲩⲕⲱϩⲧ ⲛⲁⲙⲟⲩϩ ϩⲛ ⲧⲁⲙⲉⲗⲉⲧⲏ ⲁⲓϣⲁϫⲉ ϩⲙ ⲡⲁⲗⲁⲥ ϫⲉ</ab>
5ⲙⲁⲧⲁⲙⲟⲓ ⲡϫⲟⲉⲓⲥ ⲉⲧⲁϩⲁⲏ ⲁⲩⲱ ⲧⲏⲡⲉ ⲛⲛⲁϩⲟⲟⲩ ϫⲉ ⲟⲩⲏⲣ ⲧⲉ ϫⲉ ⲉⲓⲉⲉⲓⲙⲉ ϫⲉ ⲉⲓϣⲁⲁⲧ ⲛⲟⲩ</ab>
6ⲉⲓⲥ ϩⲏⲏⲧⲉ ⲁⲕⲧⲣⲉⲛⲁϩⲟⲟⲩ ⲣⲁⲥ ⲁⲩⲱ ⲉⲣⲉⲡⲁⲧⲁϫⲣⲟ ⲟ ⲛⲑⲉ ⲛⲗⲁⲁⲩ ⲙⲡⲉⲕⲙⲧⲟ ⲉⲃⲟⲗ ⲡⲗⲏⲛ ⲡⲧⲏⲣϥ ϣⲟⲩⲉⲓⲧ ⲣⲱⲙⲉ ⲛⲓⲙ ⲉⲧⲟⲛϩ ⲇⲓⲁⲯⲁⲗⲙⲁ</ab>
7ⲙⲉⲛⲧⲟⲓⲅⲉ ⲉⲣⲉⲡⲣⲱⲙⲉ ⲙⲟⲟϣⲉ ϩⲛ ⲟⲩϩⲉⲓⲕⲱⲛ ⲡⲗⲏⲛ ⲉϥϣⲧⲣⲧⲱⲣ ⲉⲡϫⲓⲛϫⲏ ϥⲥⲱⲟⲩϩ ⲉϩⲟⲩⲛ ⲛϥⲥⲟⲟⲩ ⲁⲛ ϫⲉ ⲉϥⲥⲱⲟⲩϩ ⲙⲙⲟⲟⲩ ⲛⲛⲓⲙ</ab>
8ⲧⲉⲛⲟⲩ ⲛⲓⲙ ⲡⲉ ⲧⲁϩⲩⲡⲟⲙⲟⲛⲏ ⲙⲏ ⲙⲡϫⲟⲉⲓⲥ ⲁⲛ ⲡⲉ ⲁⲩⲱ ⲡⲁⲧⲁϫⲣⲟ ⲙⲏ ⲉϥϩⲁⲧⲏⲕ ⲁⲛ</ab>
9ⲙⲁⲧⲟⲩϫⲟⲓ ⲉⲃⲟⲗ ϩⲛ ⲛⲁⲁⲛⲟⲙⲓⲁ ⲧⲏⲣⲟⲩ ⲁⲕϯ ⲙⲙⲟⲓ ⲛⲛⲟϭⲛⲉϭ ⲛⲛⲓⲁⲧϩⲏⲧ</ab>
10ⲁⲓⲣⲙⲡⲟ ⲙⲡⲓⲟⲩⲱⲛ ⲛⲣⲱⲓ ϫⲉ ⲛⲧⲟⲕ ⲡⲉⲛⲧⲁⲕⲧⲁⲙⲓⲟⲉⲓ</ab>
11ⲥⲟⲟϩⲉ ⲛⲛⲉⲕⲙⲁⲥⲧⲓⲝ ⲛⲥⲁⲃⲟⲗ ⲙⲙⲟⲓ ⲉⲃⲟⲗ ⲅⲁⲣ ϩⲛ ⲧϭⲟⲙ ⲛⲧⲉⲕϭⲓϫ ⲁⲛⲟⲕ ⲁⲓⲱϫⲛ</ab>
12ⲁⲕⲡⲁⲓⲇⲉⲩⲉ ⲙⲡⲣⲱⲙⲉ ϩⲛ ϩⲉⲛϫⲡⲓⲟ ϩⲁ ⲧⲉϥⲁⲛⲟⲙⲓⲁ ⲁⲕⲃⲱⲗ ⲉⲃⲟⲗ ⲛⲧⲉϥⲯⲩⲭⲏ ⲛⲑⲉ ⲛⲛⲓϩⲁⲗⲟⲩⲥ ⲡⲗⲏⲛ ⲣⲱⲙⲉ ⲛⲓⲙ ⲉⲧⲟⲛϩ ϣⲧⲣⲧⲱⲣ ⲇⲓⲁⲯⲁⲗⲙⲁ</ab>
13ⲥⲱⲧⲙ ⲉⲡⲁϣⲗⲏⲗ ⲙⲛ ⲡⲁⲥⲟⲡⲥ ϫⲓⲥⲙⲏ ⲉⲛⲁⲣⲙⲉⲓⲏ ⲙⲡⲣⲕⲁⲣⲱⲕ ⲉⲣⲟⲓ ϫⲉ ⲁⲛⲅ ⲟⲩⲣⲙⲛϭⲟⲓⲗⲉ ϩⲙ ⲡⲕⲁϩ ⲁⲩⲱ ⲉⲓϭⲁⲗⲱⲟⲩ ⲕⲁⲧⲁ ⲑⲉ ⲛⲛⲁⲉⲓⲟⲧⲉ ⲧⲏⲣⲟⲩ</ab>
14ⲃⲱϣ ⲛⲁⲓ ϫⲉ ⲉⲓⲉⲙⲧⲟⲛ ⲙⲙⲟⲓ ⲉⲙⲡⲁϯⲃⲱⲕ ⲧⲁⲧⲙⲥⲟⲧⲧ ⲉϣⲱⲡⲉ</ab>