1ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲉⲙⲡⲁⲧⲟⲩⲧⲁϩⲥϥ ⲡϫⲟⲉⲓⲥ ⲡⲉ ⲡⲁⲟⲩⲟⲉⲓⲛ ⲙⲛ ⲡⲁⲥⲱⲧⲏⲣ ⲉⲓⲛⲁⲣϩⲟⲧⲉ ϩⲏⲧϥ ⲛⲛⲓⲙ ⲡϫⲟⲉⲓⲥ ⲡⲉⲧⲛⲁϣⲧⲉ ⲙⲡⲁⲟⲩϫⲁⲓ ⲉⲓⲛⲁⲣϭⲱⲃ ϩⲏⲧϥ ⲛⲛⲓⲙ</ab>
2ϩⲙ ⲡⲧⲣⲉⲩϩⲱⲛ ⲉϩⲟⲩⲛ ⲉⲣⲟⲓ ⲛϭⲓ ⲛⲉⲧⲙⲟⲩⲕϩ ⲙⲙⲟⲓ ⲉⲟⲩⲱⲙ ⲛⲛⲁⲥⲁⲣⲝ ⲛⲉⲧⲑⲗⲓⲃⲉ ⲙⲙⲟⲓ ⲙⲛ ⲛⲁϫⲁϫⲉ ⲛⲧⲟⲟⲩ ⲁⲩϭⲃⲃⲉ ⲁⲩϩⲉ</ab>
3ⲕⲁⲛ ⲉⲣϣⲁⲛⲟⲩⲙⲗⲁϩ ⲥⲱⲣ ⲉⲣⲟⲓ ⲙⲡⲁϩⲏⲧ ⲛⲁⲣϩⲟⲧⲉ ⲁⲛ ⲕⲁⲛ ⲉⲣϣⲁⲛⲟⲩⲡⲟⲗⲉⲙⲟⲥ ⲧⲱⲟⲩⲛ ⲉϫⲱⲓ ϩⲙ ⲡⲁⲓ ⲁⲛⲟⲕ ϯⲛⲁⲕⲁϩⲧⲏⲓ</ab>
4ⲟⲩϩⲱⲃ ⲛⲟⲩⲱⲧ ⲡⲉⲛⲧⲁⲓⲁⲓⲧⲉⲓ ⲙⲙⲟϥ ⲛⲧⲙ ⲡϫⲟⲉⲓⲥ ⲡⲁⲓ ⲡⲉϯϣⲓⲛⲉ ⲛⲥⲱϥ ⲉⲧⲣⲁⲟⲩⲱϩ ϩⲙ ⲡⲏⲓ ⲙⲡϫⲟⲉⲓⲥ ⲛⲛⲉϩⲟⲟⲩ ⲧⲏⲣⲟⲩ ⲙⲡⲁⲱⲛϩ ⲉⲧⲣⲁⲛⲁⲩ ⲉⲡⲟⲩⲛⲟϥ ⲙⲡϫⲟⲉⲓⲥ ⲉϭⲙⲡϣⲓⲛⲉ ⲙⲡⲉϥⲗⲁⲟⲥ</ab>
5ϫⲉ ⲁϥϩⲟⲡⲧ ϩⲛ ⲧⲉϥⲥⲕⲏⲛⲏ ϩⲙ ⲡⲉϩⲟⲟⲩ ⲛⲙⲡⲉⲑⲟⲟⲩ ⲁϥⲣϩⲁⲓⲃⲉⲥ ⲉⲣⲟⲓ ϩⲙ ⲡⲡⲉⲑⲏⲡ ⲛⲧⲉϥⲥⲕⲏⲛⲏ ⲁϥϫⲁⲥⲧ ϩⲛ ⲟⲩⲡⲉⲧⲣⲁ</ab>
6ⲧⲉⲛⲟⲩ ⲉⲓⲥ ϩⲏⲏⲧⲉ ⲁϥϫⲓⲥⲉ ⲛⲧⲁⲁⲡⲉ ⲉϫⲛ ⲛⲁϫⲁϫⲉ ⲁⲓⲕⲱⲧⲉ ⲁⲓϣⲱⲱⲧ ϩⲛ ⲧⲉϥⲥⲕⲏⲛⲏ ⲛⲟⲩⲑⲩⲥⲓⲁ ⲛⲥⲙⲟⲩ ϯⲛⲁϫⲱ ⲛⲧⲁⲯⲁⲗⲗⲉⲓ ⲉⲡϫⲟⲉⲓⲥ</ab>
7ⲥⲱⲧⲙ ⲡϫⲟⲉⲓⲥ ⲉⲡⲉϩⲣⲟⲟⲩ ⲛⲧⲁⲓⲱϣ ⲉⲃⲟⲗ ⲙⲙⲟϥ ⲛⲁ ⲛⲁⲓ ⲡϫⲟⲉⲓⲥ ⲛⲅⲥⲱⲧⲙ ⲉⲣⲟⲓ</ab>
8ⲛⲧⲁⲡⲁϩⲏⲧ ϣⲁϫⲉ ⲉⲣⲟⲕ ⲁϥϣⲓⲛⲉ ⲛⲥⲁ ⲡⲉⲕϩⲟ ⲡⲉⲕϩⲟ ⲡϫⲟⲉⲓⲥ ϯⲛⲁϣⲓⲛⲉ ⲛⲥⲱϥ</ab>
9ⲙⲡⲣⲕⲱⲧⲉ ⲙⲡⲉⲕϩⲟ ⲥⲁⲃⲟⲗ ⲙⲙⲟⲓ ⲙⲡⲣⲣⲁⲧⲕ ⲉⲃⲟⲗ ⲙⲡⲉⲕϩⲙϩⲁⲗ ϩⲛ ⲟⲩⲟⲣⲅⲏ ϣⲱⲡⲉ ⲛⲁⲓ ⲛⲃⲟⲏⲑⲟⲥ ⲙⲡⲣⲧⲥⲧⲟⲓ ⲉⲃⲟⲗ ⲙⲡⲣⲕⲁⲁⲧ ⲛⲥⲱⲕ ⲡⲛⲟⲩⲧⲉ ⲡⲁⲥⲱⲧⲏⲣ</ab>
10ϫⲉ ⲁⲡⲁⲉⲓⲱⲧ ⲙⲛ ⲧⲁⲙⲁⲁⲩ ⲕⲁⲁⲧ ⲛⲥⲱⲟⲩ ⲡϫⲟⲉⲓⲥ ⲇⲉ ⲡⲉⲛⲧⲁϥϣⲟⲡⲧ ⲉⲣⲟϥ</ab>
11ⲥⲙⲛⲛⲟⲙⲟⲥ ⲛⲁⲓ ⲡϫⲟⲉⲓⲥ ϩⲛ ⲧⲉⲕϩⲓⲏ ⲁⲩⲱ ⲛⲅϫⲓⲙⲟⲉⲓⲧ ϩⲏⲧ ϩⲛ ⲟⲩϩⲓⲏ ⲉⲥⲥⲟⲩⲧⲱⲛ ⲉⲧⲃⲉ ⲛⲁϫⲁϫⲉ</ab>
12ⲙⲡⲣⲧⲁⲁⲧ ⲉⲧⲟⲟⲧⲟⲩ ⲛⲛⲉⲯⲩⲭⲏ ⲛⲛⲉⲧⲑⲗⲓⲃⲉ ⲙⲙⲟⲓ ϫⲉ ⲁⲩⲧⲱⲟⲩⲛ ⲉⲣⲟⲓ ⲛϭⲓ ϩⲉⲛⲙⲛⲧⲣⲉ ⲛϫⲓⲛϭⲟⲛⲥ ⲁⲩⲱ ⲁⲡϫⲓϭⲟⲛⲥ ϫⲓϭⲟⲗ ⲉⲣⲟϥ ⲟⲩⲁⲁϥ</ab>
13ϯⲡⲓⲥⲧⲉⲩⲉ ⲉⲛⲁⲩ ⲉⲛⲁⲅⲁⲑⲟⲛ ⲙⲡϫⲟⲉⲓⲥ ϩⲙ ⲡⲕⲁϩ ⲛⲛⲉⲧⲟⲛϩ</ab>
14ϯⲛⲁϩⲩⲡⲟⲙⲉⲓⲛⲉ ⲉⲡϫⲟⲉⲓⲥ ϫⲣⲟ ⲁⲩⲱ ⲙⲁⲣⲉⲡⲉⲕϩⲏⲧ ⲧⲱⲕ ⲛⲅϩⲩⲡⲟⲙⲉⲓⲛⲉ ⲉⲡϫⲟⲉⲓⲥ</ab>