1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲁⲓϥⲓ ⲛⲧⲁⲯⲩⲭⲏ ⲉϩⲣⲁⲓ ⲉⲣⲟⲕ ⲡⲁⲛⲟⲩⲧⲉ</ab>
2ⲁⲓⲕⲁϩⲧⲏⲓ ⲉⲣⲟⲕ ⲙⲡⲣⲧⲣⲁϫⲓϣⲓⲡⲉ ⲟⲩⲇⲉ ⲙⲡⲣⲧⲣⲉⲛⲁϫⲁϫⲉ ⲥⲱⲃⲉ ⲛⲥⲱⲓ</ab>
3ⲕⲁⲓ ⲅⲁⲣ ⲟⲩⲟⲛ ⲛⲓⲙ ⲉⲧϩⲩⲡⲟⲙⲉⲓⲛⲉ ⲉⲣⲟⲕ ⲛⲥⲉⲛⲁϫⲓϣⲓⲡⲉ ⲁⲛ ⲉⲩⲉϫⲓϣⲓⲡⲉ ⲛϭⲓ ⲛⲉⲧⲁⲛⲟⲙⲉⲓ ⲉⲡϫⲓⲛϫⲏ</ab>
4ⲡϫⲟⲉⲓⲥ ⲙⲁⲧⲁⲙⲟⲓ ⲉⲛⲉⲕϩⲓⲟⲟⲩⲉ ⲁⲩⲱ ⲛⲅⲧⲥⲁⲃⲟⲓ ⲉⲛⲉⲕⲙⲁ ⲙⲙⲟⲟϣⲉ</ab>
5ϫⲓⲙⲟⲉⲓⲧ ϩⲏⲧ ϩⲛ ⲧⲉⲕⲙⲉ ⲁⲩⲱ ⲛⲅⲧⲥⲁⲃⲟⲓ ϫⲉ ⲛⲧⲟⲕ ⲡⲉ ⲡⲛⲟⲩⲧⲉ ⲡⲁⲥⲱⲧⲏⲣ ⲁⲩⲱ ϯⲛⲁϩⲩⲡⲟⲙⲉⲓⲛⲉ ⲉⲣⲟⲕ ⲙⲡⲉϩⲟⲟⲩ ⲧⲏⲣϥ</ab>
6ⲁⲣⲓⲡⲙⲉⲉⲩⲉ ⲛⲛⲉⲕⲙⲛⲧϣⲁ ⲛϩⲧⲏϥ ⲡϫⲟⲉⲓⲥ ⲁⲩⲱ ⲛⲉⲕⲛⲁ ϫⲉ ⲥⲉϣⲟⲟⲡ ϫⲓⲛ ⲉⲛⲉϩ</ab>
7ⲛⲛⲟⲃⲉ ⲛⲧⲁⲙⲛⲧⲕⲟⲩⲓ ⲙⲛ ⲛⲁⲙⲛⲧⲁⲧⲥⲟⲟⲩⲛ ⲙⲡⲣⲣⲡⲉⲩⲙⲉⲉⲩⲉ ⲁⲣⲓⲡⲙⲉⲉⲩⲉ ⲛⲧⲟⲕ ⲕⲁⲧⲁ ⲡⲁϣⲁⲓ ⲙⲡⲉⲕⲛⲁ ⲉⲧⲃⲉ ⲧⲉⲕⲙⲛⲧⲭⲣⲏⲥⲧⲟⲥ ⲡϫⲟⲉⲓⲥ</ab>
8ⲟⲩⲭⲣⲏⲥⲧⲟⲥ ⲁⲩⲱ ⲉϥⲥⲟⲩⲧⲱⲛ ⲡⲉ ⲡϫⲟⲉⲓⲥ ⲉⲧⲃⲉ ⲡⲁⲓ ϥⲛⲁϯⲥⲃⲱ ⲛⲛⲉⲧⲣⲛⲟⲃⲉ ϩⲓ ⲧⲉϩⲓⲏ</ab>
9ϥⲛⲁϫⲓⲙⲟⲉⲓⲧ ϩⲏⲧⲟⲩ ⲛⲛⲣⲙⲣⲁϣ ϩⲛ ⲟⲩϩⲁⲡ ϥⲛⲁⲧⲥⲁⲃⲉ ⲛⲣⲙⲣⲁϣ ⲉⲛⲉϥϩⲓⲟⲟⲩⲉ</ab>
10ⲛⲉϩⲓⲟⲟⲩⲉ ⲧⲏⲣⲟⲩ ⲙⲡϫⲟⲉⲓⲥ ϩⲉⲛⲛⲁ ⲛⲉ ϩⲓ ⲙⲉ ⲛⲛⲉⲧϣⲓⲛⲉ ⲛⲥⲁ ⲧⲉϥⲇⲓⲁⲑⲏⲕⲏ ⲁⲩⲱ ⲛⲉϥⲙⲛⲧⲙⲛⲧⲣⲉ</ab>
11ⲉⲧⲃⲉ ⲡⲉⲕⲣⲁⲛ ⲡϫⲟⲉⲓⲥ ⲕⲁⲡⲁⲛⲟⲃⲉ ⲛⲁⲓ ⲉⲃⲟⲗ ϫⲉ ϥⲟϣ ⲅⲁⲣ</ab>
12ⲛⲓⲙ ⲡⲉ ⲡⲣⲱⲙⲉ ⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϥⲛⲁⲥⲙⲛⲛⲟⲙⲟⲥ ⲛⲁϥ ϩⲓ ⲧⲉϩⲓⲏ ⲉⲛⲧⲁϥⲟⲩⲁϣⲥ</ab>
13ⲧⲉϥⲯⲩⲭⲏ ⲛⲁϣⲱⲡⲉ ϩⲛ ϩⲉⲛⲁⲅⲁⲑⲟⲛ ⲡⲉϥⲥⲡⲉⲣⲙⲁ ⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ</ab>
14ⲡϫⲟⲉⲓⲥ ⲡⲉ ⲡⲧⲁϫⲣⲟ ⲛⲛⲉⲧⲣϩⲟⲧⲉ ϩⲏⲧϥ ⲁⲩⲱ ⲡⲣⲁⲛ ⲙⲡϫⲟⲉⲓⲥ ⲡⲁⲛⲉⲧⲣϩⲟⲧⲉ ϩⲏⲧϥ ⲡⲉ ⲁⲩⲱ ⲉⲧⲁⲙⲟⲟⲩ ⲉⲧⲉϥⲇⲓⲁⲑⲏⲕⲏ</ab>
15ⲉⲣⲉⲛⲁⲃⲁⲗ ⲉⲓⲟⲣⲙ ⲛⲟⲩⲟⲉⲓϣ ⲛⲓⲙ ⲉⲡϫⲟⲉⲓⲥ ϫⲉ ⲛⲧⲟϥ ⲡⲉⲧⲛⲁⲧⲉⲕⲙⲛⲁⲟⲩⲉⲣⲏⲧⲉ ⲉⲃⲟⲗ ϩⲙ ⲡⲡⲁϣ</ab>
16ϭⲱϣⲧ ⲉϩⲣⲁⲓ ⲉϫⲱⲓ ⲛⲅⲛⲁ ⲛⲁⲓ ϫⲉ ⲁⲛⲅ ⲟⲩϣⲏⲣⲉ ⲛⲟⲩⲱⲧ ⲁⲩⲱ ⲁⲛⲅ ⲟⲩϩⲏⲕⲉ ⲁⲛⲟⲕ</ab>
17ⲁⲛⲉⲑⲗⲓⲯⲓⲥ ⲙⲡⲁϩⲏⲧ ⲟⲩⲱϣⲥ ⲉⲃⲟⲗ ⲁⲛⲓⲧ ⲉⲃⲟⲗ ϩⲛ ⲛⲁⲁⲛⲁⲅⲕⲏ</ab>
18ⲁⲛⲁⲩ ⲉⲡⲁⲑⲃⲃⲓⲟ ⲙⲛ ⲡⲁϩⲓⲥⲉ ⲛⲅⲕⲱ ⲉⲃⲟⲗ ⲛⲛⲁⲛⲟⲃⲉ ⲧⲏⲣⲟⲩ</ab>
19ⲁⲛⲁⲩ ⲉⲛⲁϫⲁϫⲉ ϫⲉ ⲁⲩⲟⲩⲱϣⲥ ⲉⲃⲟⲗ ⲁⲩⲱ ⲁⲩⲙⲉⲥⲧⲱⲓ ϩⲛ ⲟⲩⲙⲟⲥⲧⲉ ⲛϫⲓⲛϭⲟⲛⲥ</ab>
20ϩⲁⲣⲉϩ ⲉⲧⲁⲯⲩⲭⲏ ⲛⲅⲧⲟⲩϫⲟⲓ ⲙⲡⲣⲧⲣⲁϫⲓϣⲓⲡⲉ ϫⲉ ⲁⲓϩⲉⲗⲡⲓⲍⲉ ⲉⲣⲟⲕ</ab>
21ⲛⲃⲁⲗϩⲏⲧ ⲙⲛ ⲛⲉⲧⲥⲟⲩⲧⲱⲛ ⲁⲩⲧⲟϭⲟⲩ ⲉⲣⲟⲓ ϫⲉ ⲁⲓϩⲩⲡⲟⲙⲉⲓⲛⲉ ⲉⲣⲟⲕ ⲡϫⲟⲉⲓⲥ</ab>
22ⲡⲛⲟⲩⲧⲉ ⲥⲉⲧⲡ ⲉⲃⲟⲗ ϩⲛ ⲛⲉϥⲑⲗⲓⲯⲓⲥ ⲧⲏⲣⲟⲩ</ab>