1ⲉⲡϫⲱⲕ ⲉⲃⲟⲗ ϩⲁ ⲡϯⲧⲟⲟⲧϥ ⲙⲡⲛⲁⲩ ⲛϩⲧⲟⲟⲩⲉ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2ⲡⲛⲟⲩⲧⲉ ⲡⲁⲛⲟⲩⲧⲉ ⲙⲁϯϩⲧⲏⲕ ⲉⲣⲟⲓ ⲉⲧⲃⲉ ⲟⲩ ⲁⲕⲕⲁⲁⲧ ⲛⲥⲱⲕ ⲥⲉⲟⲩⲏⲩ ⲉⲃⲟⲗ ⲙⲡⲁⲟⲩϫⲁⲓ ⲛϭⲓ ⲛϣⲁϫⲉ ⲛⲙⲡⲁⲣⲁⲡⲧⲱⲙⲁ</ab>
3ⲡⲁⲛⲟⲩⲧⲉ ϯⲛⲁⲱϣ ⲉϩⲣⲁⲓ ⲉⲣⲟⲕ ϩⲙ ⲡⲉϩⲟⲟⲩ ⲛⲅⲧⲙⲥⲱⲧⲙ ⲉⲣⲟⲓ ϩⲛ ⲧⲉⲩϣⲏ ⲛⲥⲧⲙϣⲱⲡⲉ ⲛⲁⲓ ⲛⲟⲩⲙⲛⲧⲁⲑⲏⲧ</ab>
4ⲛⲧⲟⲕ ⲇⲉ ⲉⲕⲟⲩⲏϩ ϩⲛ ⲛⲉⲧⲟⲩⲁⲁⲃ ⲡⲧⲁⲉⲓⲟ ⲙⲡⲓ︤ⲏ︦ⲗ︥</ab>
5ⲛⲧⲁⲛⲉⲛⲉⲓⲟⲧⲉ ⲛⲁϩⲧⲉ ⲉⲣⲟⲕ ⲁⲩⲛⲁϩⲧⲉ ⲁⲩⲱ ⲁⲕⲛⲁϩⲙⲟⲩ</ab>
6ⲁⲩⲱϣ ⲉϩⲣⲁⲓ ⲉⲣⲟⲕ ⲁⲩⲟⲩϫⲁⲓ ⲁⲩϩⲉⲗⲡⲓⲍⲉ ⲉⲣⲟⲕ ⲙⲡⲟⲩϫⲓϣⲓⲡⲉ</ab>
7ⲁⲛⲟⲕ ⲇⲉ ⲁⲛⲅ ⲟⲩϥⲛⲧ ⲁⲛⲅ ⲟⲩⲣⲱⲙⲉ ⲁⲛ ⲉⲓⲟ ⲛⲛⲟϭⲛⲉϭ ⲛⲛⲣⲱⲙⲉ ⲛⲥⲱϣϥ ⲙⲡⲗⲁⲟⲥ</ab>
8ⲟⲩⲟⲛ ⲛⲓⲙ ⲉⲧⲛⲁⲩ ⲉⲣⲟⲓ ⲁⲩⲕⲱⲙϣ ⲛⲥⲱⲓ ⲁⲩϣⲁϫⲉ ϩⲛ ⲛⲉⲩⲥⲡⲟⲧⲟⲩ ⲁⲩⲕⲓⲙ ⲛⲛⲉⲩⲁⲡⲏⲩⲉ ⲁⲩⲱ ⲡⲉϫⲁⲩ ϫⲉ</ab>
9ⲁϥⲛⲁϩⲧⲉ ⲉⲡϫⲟⲉⲓⲥ ⲙⲁⲣⲉϥⲛⲁϩⲙⲉϥ ⲙⲁⲣⲉϥⲧⲟⲩϫⲟϥ ⲉϣϫⲉ ⲁϥⲟⲩⲁϣϥ</ab>
10ϫⲉ ⲛⲧⲟⲕ ⲡⲉⲛⲧⲁⲕⲛⲧ ⲉⲃⲟⲗ ϩⲛ ⲑⲏ ⲛⲧⲕ ⲧⲁϩⲉⲗⲡⲓⲥ ϫⲓⲛ ⲉⲓϫⲓⲉⲕⲓⲃⲉ ⲛⲧⲛ ⲧⲁⲙⲁⲁⲩ</ab>
11ⲁⲓⲛⲟϫⲧ ⲉⲣⲟⲕ ϫⲓⲛⲉⲓ ϩⲛ ⲧⲟⲟⲧⲉ ϫⲓⲛⲉⲓ ⲛϩⲏⲧⲥ ⲛⲧⲁⲙⲁⲁⲩ ⲛⲧⲕ ⲡⲁⲛⲟⲩⲧⲉ</ab>
12ⲙⲡⲣⲟⲩⲉ ⲙⲙⲟⲓ ϫⲉ ⲟⲩⲛⲟⲩⲑⲗⲓⲯⲓⲥ ϩⲏⲛ ⲉⲣⲟⲓ ϫⲉ ⲛϥϣⲟⲟⲡ ⲁⲛ ⲛϭⲓ ⲡⲉⲧⲃⲟⲏⲑⲉⲓⲁ</ab>
13ⲁⲩⲙⲏⲏϣⲉ ⲙⲙⲁⲥⲉ ⲕⲱⲧⲉ ⲉⲣⲟⲓ ⲁϩⲉⲛⲙⲁⲥⲉ ⲉⲩⲥⲁⲛⲁϣⲧ ⲁⲙⲁϩⲧⲉ ⲙⲙⲟⲓ</ab>
14ⲁⲩⲟⲩⲱⲛ ⲛⲣⲱⲟⲩ ⲉⲣⲟⲓ ⲛⲑⲉ ⲛⲛⲓⲙⲟⲩⲓ ⲉⲧⲧⲱⲣⲡ ⲉⲧⲗϩⲏⲙ</ab>
15ⲁⲓⲡⲱⲛ ⲛⲑⲉ ⲛⲟⲩⲙⲟⲩ ⲁⲩϫⲱⲱⲣⲉ ⲉⲃⲟⲗ ⲛϭⲓ ⲛⲁⲕⲉⲉⲥ ⲧⲏⲣⲟⲩ ⲁⲡⲁϩⲏⲧ ⲣⲑⲉ ⲛⲛⲓⲙⲟⲩⲗϩ ⲉϥⲃⲱⲗ ⲉⲃⲟⲗ ⲛⲧⲙⲏⲧⲉ ⲛϩⲏⲧ</ab>
16ⲁⲧⲁϭⲟⲙ ϣⲟⲟⲩⲉ ⲛⲑⲉ ⲛⲛⲓⲃⲗϫⲉ ⲁⲡⲁⲗⲁⲥ ϭⲱⲗϫ ⲉⲧⲁϣⲟⲩⲱⲃⲉ ⲁⲩⲱ ⲁⲕϫⲓⲧ ⲉϩⲣⲁⲓ ⲉⲡⲉⲭⲟⲩⲥ ⲙⲡⲙⲟⲩ</ab>
17ⲁⲩⲕⲱⲧⲉ ⲉⲣⲟⲓ ⲛϭⲓ ⲟⲩⲁⲧⲟ ⲛⲟⲩϩⲟⲣ ⲁⲩⲥⲩⲛⲁⲅⲱⲅⲏ ⲙⲡⲟⲛⲏⲣⲟⲥ ⲁⲙⲁϩⲧⲉ ⲙⲙⲟⲓ ⲁⲩⲉϥⲧⲧⲟⲟⲧ ⲙⲛ ⲣⲁⲧ ϯⲛⲁϫⲱ ⲛⲛⲉⲕϣⲡⲏⲣⲉ ⲧⲏⲣⲟⲩ</ab>
18ⲁⲩⲱⲡ ⲉⲃⲟⲗ ⲛⲛⲁⲕⲉⲉⲥ ⲧⲏⲣⲟⲩ ⲛⲧⲟⲟⲩ ⲇⲉ ⲁⲩϯϩⲧⲏⲩ ⲁⲩⲉⲓⲙⲉ ⲉⲣⲟⲓ</ab>
19ⲁⲩⲡⲉϣⲛⲁϩⲟⲉⲓⲧⲉ ⲉϫⲱⲟⲩ ⲁⲩⲉⲛⲓⲙ ⲉⲧⲁϩⲃⲥⲱ</ab>
20ⲛⲧⲟⲕ ⲇⲉ ⲡϫⲟⲉⲓⲥ ⲙⲡⲣⲧⲣⲉⲧⲉⲕⲃⲟⲏⲑⲉⲓⲁ ⲟⲩⲉ ⲙⲙⲟⲓ ϯϩⲧⲏⲕ ⲉϣⲟⲡⲧ ⲉⲣⲟⲕ</ab>
21ⲙⲁⲧⲟⲩϫⲉⲧⲁⲯⲩⲭⲏ ⲉⲧⲥⲏϥⲉ ⲁⲩⲱ ⲧⲁⲙⲛⲧϣⲣ ⲛⲟⲩⲱⲧ ⲉⲧϭⲓϫ ⲛⲛⲓⲟⲩϩⲟⲟⲣ</ab>
22ⲙⲁⲧⲟⲩϫⲟⲓ ⲉⲧⲧⲁⲡⲣⲟ ⲙⲡⲙⲟⲩⲓ ⲁⲩⲱ ⲡⲁⲑⲃⲃⲓⲟ ⲉⲛⲧⲁⲡ ⲛⲛⲁⲛⲓⲧⲁⲡ ⲛⲟⲩⲱⲧ</ab>
23ϯⲛⲁϫⲱ ⲙⲡⲉⲕⲣⲁⲛ ⲛⲛⲁⲥⲛⲏⲩ ϯⲛⲁⲥⲙⲟⲩ ⲉⲣⲟⲕ ⲛⲧⲙⲏⲧⲉ ⲛⲧⲉⲕⲕⲗⲏⲥⲓⲁ</ab>
24ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲥⲙⲟⲩ ⲉⲣⲟϥ ⲡⲉⲥⲡⲉⲣⲙⲁ ⲧⲏⲣϥ ⲛⲓⲁⲕⲱⲃ ϯⲉⲟⲟⲩ ⲛⲁϥ ⲙⲁⲣⲟⲩⲣϩⲟⲧⲉ ϩⲏⲧϥ ⲛϭⲓ ⲡⲉⲥⲡⲉⲣⲙⲁ ⲧⲏⲣϥ ⲙⲡⲓ︤ⲏ︦ⲗ︥</ab>
25ϫⲉ ⲙⲡϥⲥⲱϣϥ ⲟⲩⲇⲉ ⲙⲡϥⲙⲉⲥⲧⲉⲡⲥⲟⲡⲥ ⲙⲡϩⲏⲕⲉ ⲟⲩⲇⲉ ⲙⲡϥⲕⲱⲧⲉ ⲙⲡⲉϥϩⲟ ⲥⲁⲃⲟⲗ ⲙⲙⲟⲓ ⲁⲩⲱ ϩⲙ ⲡⲧⲣⲁⲱϣ ⲉϩⲣⲁⲓ ⲉⲣⲟϥ ⲁϥⲥⲱⲧⲙ ⲉⲣⲟⲓ</ab>
26ⲉⲣⲉⲡⲁⲧⲙⲁⲓⲟ ϩⲁϩⲧⲏⲕ ϩⲛ ⲟⲩⲛⲟϭ ⲛⲉⲕⲕⲗⲏⲥⲓⲁ ϯⲛⲁϯ ⲛⲛⲁϣⲗⲏⲗ ⲙⲡⲉⲙⲧⲟ ⲉⲃⲟⲗ ⲛⲟⲩⲟⲛ ⲛⲓⲙ ⲉⲧⲣϩⲟⲧⲉ ϩⲏⲧϥ</ab>
27ⲛϩⲏⲕⲉ ⲛⲁⲟⲩⲱⲙ ⲛⲥⲉⲥⲉⲓ ⲁⲩⲱ ⲥⲉⲛⲁⲥⲙⲟⲩ ⲉⲡϫⲟⲉⲓⲥ ⲛϭⲓ ⲛⲉⲧϣⲓⲛⲉ ⲛⲥⲱϥ ϥⲛⲁⲱⲛϩ ⲛϭⲓ ⲡⲉⲩϩⲏⲧ ϣⲁ ⲉⲛⲉϩ ⲛⲉⲛⲉϩ</ab>
28ⲥⲉⲛⲁⲣⲡⲙⲉⲉⲩⲉ ⲛⲥⲉⲕⲟⲧⲟⲩ ⲉⲡϫⲟⲉⲓⲥ ⲛϭⲓ ⲛⲉⲕⲣⲱⲟⲩ ⲧⲏⲣⲟⲩ ⲙⲡⲕⲁϩ ⲛⲥⲉⲟⲩⲱϣⲧ ⲙⲡⲉϥⲙⲧⲟ ⲉⲃⲟⲗ ⲛϭⲓ ⲙⲡⲁⲧⲣⲓⲁ ⲧⲏⲣⲟⲩ ⲛⲛϩⲉⲑⲛⲟⲥ</ab>
29ϫⲉ ⲧⲁⲡϫⲟⲉⲓⲥ ⲧⲉ ⲧⲙⲛⲧⲉⲣⲟ ⲛⲧⲟϥ ⲉⲧⲟ ⲛϫⲟⲉⲓⲥ ⲉϫⲛ ⲛϩⲉⲑⲛⲟⲥ ⲧⲏⲣⲟⲩ</ab>
30ⲁⲩⲟⲩⲱⲙ ⲁⲩⲱ ⲁⲩⲟⲩⲱϣⲧ ⲛϭⲓ ⲛϫⲱⲱⲣⲉ ⲧⲏⲣⲟⲩ ⲙⲡⲕⲁϩ ⲥⲉⲛⲁⲡⲁϩⲧⲟⲩ ⲙⲡⲉϥⲙⲧⲟ ⲉⲃⲟⲗ ⲛϭⲓ ⲛⲉⲧⲃⲏⲕ ⲧⲏⲣⲟⲩ ⲉⲡⲉⲥⲏⲧ ⲉⲡⲕⲁϩ ⲧⲁⲯⲩⲭⲏ ⲟⲛϩ ⲛⲁϥ</ab>
31ⲡⲁⲥⲡⲉⲣⲙⲁ ⲛⲁⲣϩⲙϩⲁⲗ ⲛⲁϥ ⲥⲉⲛⲁϫⲱ ⲉⲡϫⲟⲉⲓⲥ ⲛϭⲓ ⲧⲅⲉⲛⲉⲁ ⲉⲧⲛⲏⲩ</ab>
32ⲁⲩⲱ ⲥⲉⲛⲁϫⲱ ⲛⲧⲉϥⲇⲓⲕⲁⲓⲟⲥⲩⲛⲏ ⲙⲡⲗⲁⲟⲥ ⲉⲧⲟⲩⲛⲁϫⲡⲟϥ ⲡⲉⲛⲧⲁⲡϫⲟⲉⲓⲥ ⲧⲁⲙⲓⲟϥ</ab>