1ⲁⲗⲗⲏⲗⲟⲩⲓⲁ ⲡⲁⲁⲅⲅⲁⲓⲟⲥ ⲙⲛ ⲍⲁⲭⲁⲣⲓⲁⲥ ⲧⲁⲯⲩⲭⲏ ⲥⲙⲟⲩ ⲉⲡϫⲟⲉⲓⲥ</ab>
2ϯⲛⲁⲥⲙⲟⲩ ⲉⲡϫⲟⲉⲓⲥ ϩⲙ ⲡⲁⲱⲛϩ ϯⲛⲁⲯⲁⲗⲗⲉⲓ ⲉⲡⲁⲛⲟⲩⲧⲉ ϩⲟⲥⲟⲛ ϯϣⲟⲟⲡ</ab>
3ⲙⲡⲣⲛⲁϩⲧⲉ ⲉⲁⲣⲭⲱⲛ ⲟⲩⲇⲉ ⲉϣⲏⲣⲉ ⲛⲣⲱⲙⲉ ⲛⲁⲓ ⲉⲧⲉⲙⲛⲧⲟⲩⲟⲩϫⲁⲓ</ab>
4ϣⲁⲣⲉⲡⲉⲩⲡⲛⲉⲩⲙⲁ ⲉⲓ ⲉⲃⲟⲗ ⲛϩⲏⲧⲟⲩ ⲛⲥⲉⲕⲟⲧⲟⲩ ⲉⲡⲉⲩⲕⲁϩ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲥⲉⲛⲁⲧⲁⲕⲟ ⲛϭⲓ ⲛⲉⲩⲙⲉⲉⲩⲉ ⲧⲏⲣⲟⲩ</ab>
5ⲛⲁⲓⲁⲧϥ ⲙⲡⲉⲧⲉⲡⲉϥⲃⲟⲏⲑⲟⲥ ⲡⲉ ⲡⲛⲟⲩⲧⲉ ⲛⲓⲁⲕⲱⲃ ⲁⲩⲱ ⲉⲣⲉⲧⲉϥϩⲉⲗⲡⲓⲥ ⲉϫⲙ ⲡϫⲟⲉⲓⲥ ⲡⲉϥⲛⲟⲩⲧⲉ</ab>
6ⲡⲉⲛⲧⲁϥⲧⲁⲙⲓⲉⲧⲡⲉ ⲙⲛ ⲡⲕⲁϩ ⲧⲉⲑⲁⲗⲁⲥⲥⲁ ⲙⲛ ⲛⲉⲧⲛϩⲏⲧⲥ ⲧⲏⲣⲟⲩ ⲡⲉⲧϩⲁⲣⲉϩ ⲉⲧⲉϥⲙⲉ ϣⲁ ⲉⲛⲉϩ</ab>
7ⲉⲧⲉⲓⲣⲉ ⲙⲡϩⲁⲡ ⲛⲛⲉⲧϫⲏⲩ ⲛϭⲟⲛⲥ ⲡⲉⲧϯϩⲣⲉ ⲛⲛⲉⲧϩⲕⲁⲉⲓⲧ ⲡϫⲟⲉⲓⲥ ⲛⲁⲃⲱⲗ ⲉⲃⲟⲗ ⲛⲛⲉⲧⲙⲏⲣ</ab>
8ⲡϫⲟⲉⲓⲥ ⲛⲁⲥⲟⲟϩⲉ ⲉⲛⲉⲧϩⲏⲩ ⲡϫⲟⲉⲓⲥ ⲛⲁⲧⲥⲁⲃⲉ ⲛⲃⲗⲗⲉ ⲡϫⲟⲉⲓⲥ ⲙⲛ ⲛⲛⲇⲓⲕⲁⲓⲟⲥ</ab>
9ⲡϫⲟⲉⲓⲥ ϩⲁⲣⲉϩ ⲉⲛⲉⲡⲣⲟⲥⲏⲗⲩⲧⲟⲥ ϥⲛⲁϣⲱⲡ ⲉⲣⲟϥ ⲙⲡⲟⲣⲫⲁⲛⲟⲥ ⲙⲛ ⲧⲉⲭⲏⲣⲁ ⲛϥⲧⲁⲕⲟ ⲛⲧⲉϩⲓⲏ ⲛⲛⲣⲉϥⲣⲛⲟⲃⲉ</ab>
10ⲡϫⲟⲉⲓⲥ ⲛⲁⲣⲣⲣⲟ ϣⲁ ⲉⲛⲉϩ ⲡⲟⲩⲛⲟⲩⲧⲉ ⲥⲓⲱⲛ ⲛϣⲁ ⲟⲩϫⲱⲙ ⲙⲛ ⲟⲩϫⲱⲙ</ab>