1ⲁⲗⲗⲏⲗⲟⲩⲓⲁ ⲁ – ⲁⲗⲫ ⲛⲁⲓⲁⲧⲟⲩ ⲛⲛⲉⲧⲟⲩⲁⲁⲃ ϩⲓ ⲧⲉϩⲓⲏ ⲛⲉⲧⲙⲟⲟϣⲉ ϩⲙ ⲡⲛⲟⲙⲟⲥ ⲙⲡϫⲟⲉⲓⲥ</ab>
2ⲛⲁⲓⲁⲧⲟⲩ ⲛⲛⲉⲧⲙⲟⲩϣⲧ ⲛⲛⲉϥⲙⲛⲧⲙⲛⲧⲣⲉ ⲉⲧϣⲓⲛⲉ ⲛⲥⲱϥ ϩⲙ ⲡⲉⲩϩⲏⲧ ⲧⲏⲣϥ</ab>
3ⲛⲉⲧⲣϩⲱⲃ ⲅⲁⲣ ⲁⲛ ⲉⲧⲁⲛⲟⲙⲓⲁ ⲛⲉⲛⲧⲁⲩⲃⲱⲕ ϩⲛ ⲛⲉϥϩⲓⲟⲟⲩⲉ</ab>
4ⲛⲧⲟⲕ ⲁⲕϩⲱⲛ ⲉϩⲁⲣⲉϩ ⲉⲛⲉⲕⲉⲛⲧⲟⲗⲏ ⲉⲙⲁⲧⲉ</ab>
5ⲛⲁⲛⲟⲩⲥ ⲉⲣⲉⲛⲁϩⲓⲟⲟⲩ ⲉⲛⲁⲥⲟⲟⲩⲧⲛ ⲉⲧⲣⲁϩⲁⲣⲉϩ ⲉⲛⲉⲕⲇⲓⲕⲁⲓⲱⲙⲁ</ab>
6ⲛⲉⲓⲛⲁϫⲓϣⲓⲡⲉ ⲁⲛ ⲡⲉ ϩⲙ ⲡⲧⲣⲁϭⲱϣⲧ ⲉϫⲛ ⲛⲉⲕⲉⲛⲧⲟⲗⲏ</ab>
7ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϩⲙ ⲡⲥⲟⲟⲩⲧⲛ ⲙⲡⲁϩⲏⲧ ϩⲙ ⲡⲧⲣⲁϫⲓⲥⲃⲱ ⲉⲛϩⲁⲡ ⲛⲧⲉⲕⲇⲓⲕⲁⲓⲟⲥⲩⲛⲏ</ab>
8ϯⲛⲁϩⲁⲣⲉϩ ⲉⲛⲉⲇⲓⲕⲁⲓⲱⲙⲁ ⲙⲡⲣⲕⲁⲁⲧ ⲛⲥⲱⲕ ⲉⲙⲁⲧⲉ</ab>
9ⲃ – ⲃⲏⲑ ϩⲛ ⲟⲩ ⲉⲣⲉⲟⲩϣⲏⲣⲉ ϣⲏⲙ ⲛⲁⲥⲟⲟⲩⲧⲛ ⲛⲧⲉϥϩⲓⲏ ϩⲙ ⲡⲧⲣⲉϥϩⲁⲣⲉϩ ⲉⲛⲉⲕϣⲁϫⲉ</ab>
10ⲁⲓϣⲓⲛⲉ ⲛⲥⲱⲕ ϩⲙ ⲡⲁϩⲏⲧ ⲧⲏⲣϥ ⲙⲡⲣⲛⲟϫⲧ ⲉⲃⲟⲗ ⲛⲛⲉⲕⲉⲛⲧⲟⲗⲏ</ab>
11ⲁⲓϩⲱⲡ ⲛⲛⲉⲕϣⲁϫⲉ ϩⲙ ⲡⲁϩⲏⲧ ϫⲉ ⲛⲛⲁⲣⲛⲟⲃⲉ ⲉⲣⲟⲕ</ab>
12ⲕⲥⲙⲁⲙⲁⲁⲧ ⲡϫⲟⲉⲓⲥ ⲙⲁⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ</ab>
13ⲁⲓϫⲱ ϩⲛ ⲛⲁⲥⲡⲟⲧⲟⲩ ⲛⲛϩⲁⲡ ⲧⲏⲣⲟⲩ ⲛⲧⲉⲕⲧⲁⲡⲣⲟ</ab>
14ⲁⲓⲟⲩⲛⲟϥ ϩⲛ ⲧⲉϩⲓⲏ ⲛⲛⲉⲕⲙⲛⲧⲙⲛⲧⲣⲉ ⲛⲑⲉ ϩⲛ ⲙⲛⲧⲣⲙⲙⲁⲟ ⲛⲓⲙ</ab>
15ϯⲛⲁϫⲓϩⲣⲁⲓ ϩⲛ ⲛⲉⲕⲉⲛⲧⲟⲗⲏ ⲧⲁⲙⲟⲩϣⲧ ⲛⲛⲉⲕϩⲓⲟⲟⲩⲉ</ab>
16ϯⲛⲁⲙⲉⲗⲉⲧⲁ ⲛⲛⲉⲕⲇⲓⲕⲁⲓⲱⲙⲁ ⲧⲁⲧⲙⲣⲡⲱⲃϣ ⲛⲛⲉⲕϣⲁϫⲉ</ab>
17ⲅ – ⲅⲓⲙⲁⲗ ⲧⲱⲱⲃⲉ ⲙⲡⲉⲕϩⲙϩⲁⲗ ϯⲛⲁⲱⲛϩ ⲧⲁϩⲁⲣⲉϩ ⲉⲛⲉⲕϣⲁϫⲉ</ab>
18ⲁⲟⲩⲱⲛ ⲛⲛⲁⲃⲁⲗ ⲧⲁⲛⲁⲩ ⲉⲛⲓϣⲡⲏⲣⲉ ⲉⲧϩⲙ ⲡⲉⲕⲛⲟⲙⲟⲥ</ab>
19ⲁⲛⲟⲕ ⲉⲓⲟ ⲛⲣⲙⲛϭⲟⲓⲗⲉ ϩⲙ ⲡⲕⲁϩ ⲙⲡⲣϩⲱⲡ ⲉⲣⲟⲓ ⲛⲛⲉⲕⲉⲛⲧⲟⲗⲏ</ab>
20ⲁⲧⲁⲯⲩⲭⲏ ⲉⲡⲓⲑⲩⲙⲉⲓ ⲉⲛⲉⲕϩⲁⲡ ⲛⲟⲩⲟⲉⲓϣ ⲛⲓⲙ</ab>
21ⲁⲕⲉⲡⲓⲧⲓⲙⲁ ⲛⲛϫⲁⲥⲓϩⲏⲧ ⲥⲉⲥϩⲟⲩⲟⲣⲧ ⲛϭⲓ ⲛⲉⲧⲣⲓⲕⲉ ⲙⲙⲟⲟⲩ ⲉⲃⲟⲗ ⲛⲛⲉⲕⲉⲛⲧⲟⲗⲏ</ab>
22ϥⲓ ⲉⲃⲟⲗ ⲙⲙⲟⲓ ⲙⲡⲁⲛⲟϭⲛⲉϭ ⲙⲛ ⲡⲁⲥⲱϣϥ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲙⲛⲧⲙⲛⲧⲣⲉ</ab>
23ⲕⲁⲓ ⲅⲁⲣ ⲁⲛⲁⲣⲭⲱⲛ ϩⲙⲟⲟⲥ ⲁⲩϣⲁϫⲉ ⲉⲣⲟⲓ ⲡⲉⲕϩⲙϩⲁⲗ ⲇⲉ ⲛⲉϥϫⲓⲛϩⲣⲁϥ ⲡⲉ ϩⲛ ⲛⲉⲕⲇⲓⲕⲁⲓⲱⲙⲁ</ab>
24ⲕⲁⲓ ⲅⲁⲣ ⲛⲉⲕⲙⲛⲧⲙⲛⲧⲣⲉ ⲛⲉ ⲛⲁⲙⲉⲗⲉⲧⲏ ⲁⲩⲱ ⲛⲁϣⲟϫⲛⲉ ⲛⲉ ⲛⲉⲕⲇⲓⲕⲁⲓⲱⲙⲁ</ab>
25ⲇ – ⲇⲉⲗⲑ ⲁⲧⲁⲯⲩⲭⲏ ⲧⲱϭⲉ ⲉⲡⲕⲁϩ ⲙⲁⲧⲁⲛϩⲟⲓ ⲉⲧⲃⲉ ⲡⲉⲕϣⲁϫⲉ</ab>
26ⲁⲓϫⲱ ⲛⲛⲁϩⲓⲟⲟⲩⲉ ⲁⲩⲱ ⲁⲕⲥⲱⲧⲙ ⲉⲣⲟⲓ ⲙⲁⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ</ab>
27ⲁⲩⲱ ⲛⲅⲧⲁⲙⲟⲓ ⲉⲧⲉⲕϩⲓⲏ ⲁⲩⲱ ϯⲛⲁϫⲓϩⲣⲁⲓ ϩⲛ ⲛⲉⲕϣⲡⲏⲣⲉ</ab>
28ⲁⲧⲁⲯⲩⲭⲏ ⲣⲟⲩϣⲏ ⲛⲣⲟⲉⲓⲥ ⲉⲃⲟⲗ ϩⲙ ⲡⲁⲙⲕⲁϩ ⲛϩⲏⲧ ⲙⲁⲧⲁϫⲣⲟⲓ ϩⲛ ⲛⲉⲕϣⲁϫⲉ</ab>
29ⲥⲁϩⲉⲧⲉϩⲓⲏ ⲙⲡϫⲓⲛϭⲟⲛⲥ ⲉⲃⲟⲗ ⲙⲙⲟⲓ ⲁⲩⲱ ⲛⲅⲛⲁⲛⲁⲓ ϩⲙ ⲡⲉⲕⲛⲟⲙⲟⲥ</ab>
30ϫⲉ ⲁⲓⲟⲩⲉϣⲧⲉϩⲓⲏ ⲛⲧⲉⲕⲙⲉ ⲁⲓⲕⲱ ⲛⲛⲉⲕϩⲁⲡ ϩⲁ ⲉⲓⲁⲧⲧ ⲁⲩⲱ ⲙⲡⲓⲣⲡⲉⲩⲱⲃϣ</ab>
31ⲁⲓⲧⲟϭⲧ ⲉⲛⲉⲕⲙⲛⲧⲙⲛⲧⲣⲉ ⲡϫⲟⲉⲓⲥ ⲙⲡⲣϯϣⲓⲡⲉ ⲛⲁⲓ</ab>
32ⲁⲓⲡⲱⲧ ϩⲛ ⲧⲉϩⲓⲏ ⲛⲛⲉⲕⲉⲛⲧⲟⲗⲏ ⲛⲧⲉⲣⲉⲕⲟⲩⲱϣⲥ ⲉⲃⲟⲗ ⲙⲡⲁϩⲏⲧ</ab>
33ⲉ – ⲏⲡ ⲥⲙⲛⲛⲟⲙⲟⲥ ⲛⲁⲓ ⲡϫⲟⲉⲓⲥ ϩⲓ ⲧⲉϩⲓⲏ ⲛⲛⲉⲕⲇⲓⲕⲁⲓⲱⲙⲁ ⲧⲁϣⲓⲛⲉ ⲛⲥⲱⲟⲩ ⲛⲟⲩⲟⲉⲓϣ ⲛⲓⲙ</ab>
34ⲙⲁⲧⲥⲁⲃⲟⲓ ⲧⲁⲙⲉϣⲧⲡⲉⲕⲛⲟⲙⲟⲥ ⲧⲁϩⲁⲣⲉϩ ⲉⲣⲟϥ ϩⲙ ⲡⲁϩⲏⲧ ⲧⲏⲣϥ</ab>
35ϫⲓⲙⲟⲉⲓⲧ ϩⲏⲧ ⲛⲧⲉϩⲓⲏ ⲛⲛⲉⲕⲉⲛⲧⲟⲗⲏ ϫⲉ ⲛⲧⲟⲥ ⲧⲉ ⲛⲧⲁⲓⲟⲩⲁϣⲥ</ab>
36ⲣⲉⲕⲧⲡⲁϩⲏⲧ ⲉⲛⲉⲕⲙⲛⲧⲙⲛⲧⲣⲉ ⲁⲩⲱ ⲉⲡϫⲓⲛϭⲟⲛⲥ ⲁⲛ</ab>
37ⲕⲧⲉⲛⲁⲃⲁⲗ ⲉⲃⲟⲗ ϫⲉ ⲛⲛⲉⲩⲛⲁⲩ ⲉⲡⲡⲉⲧϣⲟⲩⲉⲓⲧ ⲙⲁⲧⲁⲛϩⲟⲓ ϩⲛ ⲧⲉⲕϩⲓⲏ</ab>
38ⲙⲁⲧⲁϩⲉⲡⲉⲕϣⲁϫⲉ ⲙⲡⲉⲕϩⲙϩⲁⲗ ⲉⲧϫⲓ ⲉϩⲟⲩⲛ ⲉⲧⲉⲕϩⲟⲧⲉ</ab>
39ϥⲓ ⲉⲃⲟⲗ ⲙⲙⲟⲓ ⲙⲡⲁⲛⲟϭⲛⲉϭ ⲉⲛⲧⲁⲓⲙⲉⲉⲩⲉ ⲉⲣⲟϥ ⲛⲉⲕϩⲁⲡ ⲅⲁⲣ ϩⲟⲗϭ</ab>
40ⲉⲓⲥ ϩⲏⲏⲧⲉ ⲁⲓⲟⲩⲉϣⲛⲉⲕⲉⲛⲧⲟⲗⲏ</ab>
41ⲋ – ⲟⲩⲁⲩ ⲙⲁⲧⲁⲛϩⲟⲓ ϩⲛ ⲧⲉⲕⲇⲓⲕⲁⲓⲟⲥⲩⲛⲏ ⲛⲧⲉⲡⲉⲕⲛⲁ ⲉⲓ ⲉϩⲣⲁⲓ ⲉϫⲱⲓ ⲡϫⲟⲉⲓⲥ ⲡⲟⲩϫⲁⲓ ⲙⲛ ⲡⲉⲕϣⲁϫⲉ</ab>
42ⲧⲁⲟⲩⲉϣⲃⲟⲩϣⲁϫⲉ ⲛⲛⲉⲧⲛⲟϭⲛⲉϭ ⲙⲙⲟⲓ ϫⲉ ⲁⲓϩⲉⲗⲡⲓⲍⲉ ⲉⲛⲉⲕϣⲁϫⲉ</ab>
43ⲙⲡⲣϥⲓⲡϣⲁϫⲉ ⲛⲧⲙⲉ ⲉⲃⲟⲗ ϩⲛ ⲣⲱⲓ ⲉⲡⲧⲏⲣϥ ϫⲉ ⲁⲓⲛⲁϩⲧⲉ ⲉⲛⲉⲕϩⲁⲡ</ab>
44ⲁⲩⲱ ϯⲛⲁϩⲁⲣⲉϩ ⲉⲡⲉⲕⲛⲟⲙⲟⲥ ⲛⲟⲩⲟⲉⲓϣ ⲛⲓⲙ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ</ab>
45ⲛⲉⲓⲙⲟⲟϣⲉ ϩⲛ ⲟⲩⲟⲩⲱϣⲥ ⲉⲃⲟⲗ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲉⲛⲧⲟⲗⲏ</ab>
46ⲁⲩⲱ ⲛⲉⲓϣⲁϫⲉ ⲡⲉ ϩⲛ ⲛⲉⲕⲙⲛⲧⲙⲛⲧⲣⲉ ⲙⲡⲉⲙⲧⲟ ⲉⲃⲟⲗ ⲛⲛⲉⲣⲱⲟⲩ ⲉⲛϯϣⲓⲡⲉ ⲁⲛ</ab>
47ⲁⲩⲱ ⲛⲉⲓⲙⲉⲗⲉⲧⲁ ⲡⲉ ϩⲛ ⲛⲉⲕⲉⲛⲧⲟⲗⲏ ⲛⲁⲓ ⲉⲛⲉⲓⲙⲉ ⲙⲙⲟⲟⲩ ⲉⲙⲁⲧⲉ</ab>
48ⲁⲓϥⲓ ⲛⲛⲁϫⲓ ⲉϩⲣⲁⲓ ⲉⲛⲉⲕⲉⲛⲧⲟⲗⲏ ⲉⲛⲧⲁⲓⲟⲩⲁϣⲟⲩ ⲁⲩⲱ ⲛⲉⲓϫⲓ ⲛϩⲣⲁⲓ ⲡⲉ ϩⲛ ⲛⲉⲕⲇⲓⲕⲁⲓⲱⲙⲁ</ab>
49ⲍ – ⲍⲁⲓ ⲁⲣⲓⲡⲙⲉⲉⲩⲉ ⲙⲡⲉⲕϣⲁϫⲉ ⲙⲡⲉⲕϩⲙϩⲁⲗ ⲉⲛⲧⲁⲓϩⲉⲗⲡⲓⲍⲉ ⲉⲣⲟϥ</ab>
50ⲡⲁⲓ ⲡⲉⲛⲧⲁϥⲥⲉⲡⲥⲱⲡⲧ ϩⲙ ⲡⲁⲑⲃⲃⲓⲟ ϫⲉ ⲁⲡⲉⲕϣⲁϫⲉ ⲧⲁⲛϩⲟⲓ</ab>
51ⲛϫⲁⲥⲓϩⲏⲧ ⲁⲩⲡⲁⲣⲁⲛⲟⲙⲉⲓ ⲉⲙⲁⲧⲉ ⲙⲡⲓⲣⲁⲕⲧ ⲉⲃⲟⲗ ⲙⲡⲉⲕⲛⲟⲙⲟⲥ</ab>
52ⲁⲓⲣⲡⲙⲉⲉⲩⲉ ⲛⲛⲉⲕϩⲁⲡ ϫⲓⲛ ⲉⲛⲉϩ ⲡϫⲟⲉⲓⲥ ⲁⲩⲱ ⲁⲓⲥⲟⲗⲥⲗ</ab>
53ⲁⲩⲙⲕⲁϩ ⲛϩⲏⲧ ⲁⲙⲁϩⲧⲉ ⲙⲙⲟⲓ ⲉⲧⲃⲉ ⲛⲣⲉϥⲣⲛⲟⲃⲉ ⲉⲧⲕⲱ ⲛⲥⲱⲟⲩ ⲙⲡⲉⲕⲛⲟⲙⲟⲥ</ab>
54ⲉⲣⲉⲛⲉⲕⲇⲓⲕⲁⲓⲱⲙⲁ ϣⲟⲟⲡ ⲛⲁⲓ ⲙⲯⲁⲗⲙⲟⲥ ϩⲛ ⲡⲁⲙⲁ ⲛϭⲟⲓⲗⲉ</ab>
55ⲁⲓⲣⲡⲙⲉⲉⲩⲉ ⲙⲡⲉⲕⲣⲁⲛ ⲛⲧⲉⲩϣⲏ ⲁⲓϩⲁⲣⲉϩ ⲉⲡⲉⲕⲛⲟⲙⲟⲥ</ab>
56ⲛⲧⲁⲡⲁⲓ ϣⲱⲡⲉ ⲛⲁⲓ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ</ab>
57ⲏ – ⲏⲑ ⲛⲧⲕ ⲧⲁⲙⲉⲣⲓⲥ ⲡϫⲟⲉⲓⲥ ⲁⲓϫⲟⲟⲥ ⲉϩⲁⲣⲉϩ ⲉⲡⲉⲕϣⲁϫⲉ</ab>
58ⲁⲓⲥⲟⲡⲥ ⲙⲡⲉⲕϩⲟ ϩⲙ ⲡⲁϩⲏⲧ ⲧⲏⲣϥ</ab>
59ⲛⲁⲛⲁⲓ ⲕⲁⲧⲁ ⲡⲉⲕϣⲁϫⲉ ϫⲉ ⲁⲓⲙⲉⲉⲩⲉ ⲉⲛⲉⲕϩⲓⲟⲟⲩⲉ ⲣⲉⲕⲧⲛⲁⲟⲩⲉⲣⲏⲧⲉ ⲉⲛⲉⲕⲙⲛⲧⲙⲛⲧⲣⲉ</ab>
60ⲁⲓⲥⲃⲧⲱⲧⲧ ⲙⲡⲓϣⲧⲟⲣⲧⲣ ⲉϩⲁⲣⲉϩ ⲉⲛⲉⲕⲉⲛⲧⲟⲗⲏ</ab>
61ⲙⲙⲣⲣⲉ ⲛⲛⲣⲉϥⲣⲛⲟⲃⲉ ⲁⲩϭⲗⲟⲙⲗⲙ ⲉⲣⲟⲓ ⲙⲡⲓⲣⲡⲱⲃϣ ⲙⲡⲉⲕⲛⲟⲙⲟⲥ</ab>
62ⲛⲉϣⲁⲓⲧⲱⲟⲩⲛ ⲛⲧⲡⲁϣⲉ ⲛⲧⲉⲩϣⲏ ⲉⲟⲩⲱⲛϩ ⲉⲃⲟⲗ ⲛⲛϣⲁϫⲉ ⲛⲧⲉⲇⲓⲕⲁⲓⲟⲥⲩⲛⲏ</ab>
63ϯⲏⲡⲉ ⲟⲩⲟⲛ ⲛⲓⲙ ⲉⲧⲣϩⲟⲧⲉ ϩⲏⲧⲕ ⲁⲩⲱ ⲉⲧϩⲁⲣⲉϩ ⲉⲛⲉⲕⲉⲛⲧⲟⲗⲏ</ab>
64ⲡⲕⲁϩ ⲙⲉϩ ⲙⲡⲉⲕⲛⲁ ⲡϫⲟⲉⲓⲥ ⲙⲁⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ</ab>
65ⲑ – ⲧⲏⲑ ⲡϫⲟⲉⲓⲥ ⲁⲕⲉⲓⲣⲉ ⲛⲟⲩⲙⲛⲧⲭⲣⲏⲥⲧⲟⲥ ⲙⲛ ⲡⲉⲕϩⲙϩⲁⲗ</ab>
66ⲡϫⲟⲉⲓⲥ ⲕⲁⲧⲁ ⲡⲉⲕϣⲁϫⲉ ⲙⲁⲧⲥⲁⲃⲟⲓ ⲉⲩⲙⲛⲧⲭⲣⲏⲥⲧⲟⲥ ⲙⲛ ⲟⲩⲥⲃⲱ ⲙⲛ ⲟⲩⲥⲟⲟⲩⲛ ϫⲉ ⲁⲓⲡⲓⲥⲧⲉⲩⲉ ⲉⲛⲉⲕⲉⲛⲧⲟⲗⲏ</ab>
67ⲁⲓⲣⲛⲟⲃⲉ ⲉⲙⲡⲁⲧⲕⲑⲃⲃⲓⲟⲉⲓ ⲉⲧⲃⲉ ⲡⲁⲓ ⲁⲓϩⲁⲣⲉϩ ⲉⲛⲉⲕϣⲁϫⲉ</ab>
68ⲛⲧⲕ ⲟⲩⲭⲣⲏⲥⲧⲟⲥ ⲙⲁⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ ϩⲛ ⲟⲩⲙⲛⲧⲭⲣⲏⲥⲧⲟⲥ</ab>
69ⲁⲡϫⲓⲛϭⲟⲛⲥ ⲛⲛⲁϫⲁⲥⲓϩⲏⲧ ⲁϣⲁⲓ ⲉϩⲣⲁⲓ ⲉϫⲱⲓ ⲁⲛⲟⲕ ⲇⲉ ϯⲛⲁϣⲓⲛⲉ ⲛⲥⲁ ⲛⲉⲕϩⲓⲟⲟⲩⲉ ϩⲙ ⲡⲁϩⲏⲧ ⲧⲏⲣϥ</ab>
70ⲁⲡⲉⲩϩⲏⲧ ⲧⲱⲕ ⲛⲑⲉ ⲛⲟⲩⲉⲣⲏⲧⲉ ⲁⲛⲟⲕ ⲇⲉ ⲁⲓⲙⲉⲗⲉⲧⲁ ⲙⲡⲉⲕⲛⲟⲙⲟⲥ</ab>
71ⲛⲁⲛⲟⲩⲥ ⲛⲁⲓ ϫⲉ ⲁⲕⲑⲃⲃⲓⲟⲉⲓ ϫⲉ ⲉⲓⲉⲉⲓⲙⲉ ⲉⲛⲉⲕⲇⲓⲕⲁⲓⲱⲙⲁ</ab>
72ⲛⲁⲛⲟⲩ ⲡⲛⲟⲙⲟⲥ ⲛⲁⲓ ⲛⲧⲉⲕⲧⲁⲡⲣⲟ ⲉϩⲟⲩⲉ ϩⲉⲛϣⲟ ⲛϩⲁⲧ ϩⲓ ⲛⲟⲩⲃ</ab>
73ⲓ – ⲓⲱⲑ ⲛⲉⲕϭⲓϫ ⲛⲉⲛⲧⲁⲩⲡⲗⲁⲥⲥⲉ ⲙⲙⲟⲓ ⲁⲩⲧⲁⲙⲓⲟⲉⲓ ⲙⲁⲧⲥⲁⲃⲟⲓ ⲧⲁⲉⲓⲙⲉ ⲉⲛⲉⲕⲉⲛⲧⲟⲗⲏ</ab>
74ⲛⲉⲧⲣϩⲟⲧⲉ ϩⲏⲧⲕ ⲛⲁⲛⲁⲩ ⲉⲣⲟⲓ ⲛⲥⲉⲉⲩⲫⲣⲁⲛⲉ ϫⲉ ⲁⲓⲛⲁϩⲧⲉ ⲉⲛⲉⲕϣⲁϫⲉ</ab>
75ⲁⲓⲉⲓⲙⲉ ⲡϫⲟⲉⲓⲥ ϫⲉ ⲟⲩⲇⲓⲕⲁⲓⲟⲥⲩⲛⲏ ⲛⲉ ⲛⲉⲕϩⲁⲡ ⲁⲩⲱ ⲛⲧⲁⲕⲑⲃⲃⲓⲟⲉⲓ ϩⲛ ⲟⲩⲙⲉ</ab>
76ⲙⲁⲣⲉⲡⲉⲕⲛⲁ ϣⲱⲡⲉ ⲉⲥⲗⲥⲱⲗⲧ ⲕⲁⲧⲁ ⲡⲉⲕϣⲁϫⲉ ⲙⲡⲉⲕϩⲙϩⲁⲗ</ab>
77ⲙⲁⲣⲉⲛⲉⲕⲙⲛⲧϣⲁⲛϩⲧⲏϥ ⲧⲁϩⲟⲓ ⲧⲁⲱⲛϩ ϫⲉ ⲡⲉⲕⲛⲟⲙⲟⲥ ⲡⲉⲧⲁⲙⲉⲗⲉⲧⲏ</ab>
78ⲙⲁⲣⲉⲛϫⲁⲥⲓϩⲏⲧ ϫⲓϣⲓⲡⲉ ϫⲉ ⲁⲩⲁⲛⲟⲙⲉⲓ ⲉⲣⲟⲓ ϩⲛ ⲟⲩϫⲓⲛϭⲟⲛⲥ ⲁⲛⲟⲕ ⲇⲉ ϯϫⲓϩⲣⲁⲓ ϩⲛ ⲛⲉⲕⲉⲛⲧⲟⲗⲏ</ab>
79ⲙⲁⲣⲉⲛⲉⲧⲣϩⲟⲧⲉ ϩⲏⲧⲕ ⲕⲟⲧⲟⲩ ⲉⲣⲟⲓ ⲙⲛ ⲛⲉⲧⲥⲟⲟⲩⲛ ⲛⲛⲉⲕϣⲡⲏⲣⲉ</ab>
80ⲙⲁⲣⲉⲡⲁϩⲏⲧ ⲟⲩⲟⲡ ϩⲛ ⲛⲉⲕⲇⲓⲕⲁⲓⲱⲙⲁ ϫⲉ ⲛⲛⲁϫⲓϣⲓⲡⲉ</ab>
81ⲓⲁ – ⲭⲁⲫ ⲁⲧⲁⲯⲩⲭⲏ ϣⲱⲥⲙ ⲛⲥⲁ ⲡⲉⲕⲟⲩϫⲁⲓ ⲁⲓⲕⲁϩⲧⲏⲓ ⲉⲡⲉⲕϣⲁϫⲉ</ab>
82ⲁⲛⲁⲃⲁⲗ ⲱϫⲛ ⲉⲩϭⲱϣⲧ ⲛⲥⲁ ⲡⲉⲕϣⲁϫⲉ ⲉⲕⲛⲁⲥⲉⲡⲥⲱⲡⲧ ϩⲛ ⲁϣ ⲛⲟⲩⲟⲉⲓϣ</ab>
83ϫⲉ ⲁⲓⲣⲑⲉ ⲛⲟⲩⲁⲥⲕⲟⲥ ϩⲛ ⲟⲩϫⲁϥ ⲙⲡⲓⲣⲡⲱⲃϣ ⲛⲛⲉⲕⲇⲓⲕⲁⲓⲱⲙⲁ</ab>
84ⲟⲩⲏⲣ ⲛⲉ ⲛⲉϩⲟⲟⲩ ⲙⲡⲉⲕϩⲙϩⲁⲗ ⲉⲕⲛⲁⲉⲓⲣⲉ ⲙⲡⲁϩⲁⲡ ⲧⲛⲁⲩ ⲉⲃⲟⲗ ϩⲛ ⲛⲉⲧⲡⲏⲧ ⲛⲥⲱⲓ</ab>
85ⲁⲙⲡⲁⲣⲁⲛⲟⲙⲟⲥ ϫⲱ ⲉⲣⲟⲓ ⲛϩⲉⲛⲙⲕⲁϩ ⲛϩⲏⲧ ⲁⲗⲗⲁ ⲛⲧⲁⲓⲁⲛⲧⲉⲑⲉ ⲙⲡⲉⲕⲛⲟⲙⲟⲥ</ab>
86ϩⲉⲛⲙⲉ ⲛⲉ ⲛⲉⲕⲉⲛⲧⲟⲗⲏ ⲧⲏⲣⲟⲩ ⲁⲩⲡⲱⲧ ⲛⲥⲱⲓ ϩⲛ ⲟⲩϫⲓⲛϭⲟⲛⲥ ⲃⲟⲏⲑⲉⲓ ⲉⲣⲟⲓ</ab>
87ⲡⲁⲣⲁ ⲟⲩⲕⲟⲩⲓ ⲁϥⲟⲧⲧ ⲉⲃⲟⲗ ϩⲙ ⲡⲕⲁϩ ⲁⲛⲟⲕ ⲇⲉ ⲙⲡⲓⲕⲱ ⲛⲥⲱⲓ ⲛⲛⲉⲕⲉⲛⲧⲟⲗⲏ</ab>
88ⲙⲁⲧⲁⲛϩⲟⲓ ⲕⲁⲧⲁ ⲡⲉⲕⲛⲁ ⲁⲩⲱ ϯⲛⲁϩⲁⲣⲉϩ ⲉⲙⲙⲛⲧⲙⲛⲧⲣⲉ ⲛⲧⲉⲕⲧⲁⲡⲣⲟ</ab>
89ⲓⲃ – ⲗⲁⲃⲇ ⲡϫⲟⲉⲓⲥ ⲡⲉⲕϣⲁϫⲉ ⲙⲏⲛ ⲉⲃⲟⲗ ϩⲛ ⲧⲡⲉ ϣⲁ ⲉⲛⲉϩ</ab>
90ⲁⲩⲱ ⲧⲉⲕⲙⲉ ϣⲁ ⲟⲩϫⲱⲙ ⲙⲛ ⲟⲩϫⲱⲙ ⲁⲕⲥⲙⲛⲥⲛⲧⲉ ⲙⲡⲕⲁϩ ⲁⲩⲱ ϥⲙⲏⲛ ⲉⲃⲟⲗ</ab>
91ⲉⲣⲉⲡⲉϩⲟⲟⲩ ⲙⲏⲛ ⲉⲃⲟⲗ ϩⲙ ⲡⲉⲕⲧⲱϣ ϫⲉ ⲛⲉⲕϩⲙϩⲁⲗ ⲧⲏⲣⲟⲩ ⲛⲉ</ab>
92ⲛⲥⲁⲃⲏⲗ ϫⲉ ⲡⲉⲕⲛⲟⲙⲟⲥ ϣⲟⲟⲡ ⲛⲁⲓ ⲙⲙⲉⲗⲉⲧⲏ ⲛⲉⲓⲛⲁⲧⲁⲕⲟ ⲡⲉ ϩⲙ ⲡⲁⲑⲃⲃⲓⲟ</ab>
93ⲛϯⲛⲁⲣⲡⲱⲃϣ ⲁⲛ ϣⲁ ⲉⲛⲉϩ ⲛⲛⲉⲕⲇⲓⲕⲁⲓⲱⲙⲁ ϫⲉ ⲛⲧⲁⲕⲧⲁⲛϩⲟⲓ ⲡϫⲟⲉⲓⲥ ⲛϩⲏⲧⲟⲩ</ab>
94ⲁⲛⲅ ⲡⲱⲕ ⲡϫⲟⲉⲓⲥ ⲙⲁⲧⲟⲩϫⲟⲓ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ</ab>
95ⲁⲛⲣⲉϥⲣⲛⲟⲃⲉ ϩⲩⲡⲟⲙⲉⲓⲛⲉ ⲉⲣⲟⲓ ⲉⲧⲁⲕⲟⲓ ⲙⲡⲟⲩⲉⲓⲙⲉ ⲉⲛⲉⲕⲙⲛⲧⲙⲛⲧⲣⲉ</ab>
96ⲁⲓⲛⲁⲩ ⲉⲡϫⲱⲕ ⲛϩⲁⲏ ⲛⲓⲙ</ab>
97ⲓⲅ – ⲙⲏⲙ ⲧⲉⲕⲉⲛⲧⲟⲗⲏ ⲟⲩⲱϣⲥ ⲉⲙⲁⲧⲉ ⲛⲑⲉ ⲉⲛⲧⲁⲓⲙⲉⲣⲉⲡⲉⲕⲣⲁⲛ ⲡϫⲟⲉⲓⲥ ⲁⲥϣⲱⲡⲉ ⲛⲁⲓ ⲙⲙⲉⲗⲉⲧⲏ ⲙⲡⲉϩⲟⲟⲩ ⲧⲏⲣϥ</ab>
98ⲁⲕⲧⲥⲁⲃⲟⲓ ⲉⲛⲉⲕⲉⲛⲧⲟⲗⲏ ⲉϩⲟⲩⲛ ⲉⲛⲁϫⲁϫⲉ ϫⲉ ⲥⲉϣⲟⲟⲡ ⲛⲁⲓ ϣⲁ ⲉⲛⲉϩ</ab>
99ⲁⲕⲧⲥⲁⲃⲟⲓ ⲉϩⲟⲩⲛ ⲉⲛⲉⲧⲧⲥⲁⲃⲟ ⲙⲙⲟⲓ ⲧⲏⲣⲟⲩ ϫⲉ ⲛⲉⲕⲙⲛⲧⲙⲛⲧⲣⲉ ⲛⲉ ⲛⲁⲙⲉⲗⲉⲧⲏ</ab>
100ϫⲉ ⲁⲓϣⲓⲛⲉ ⲛⲥⲁ ⲛⲉⲕⲉⲛⲧⲟⲗⲏ ⲁⲓⲥⲃⲟ ⲉϩⲟⲩⲉ ⲛϩⲗⲗⲟ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲙⲛⲧⲙⲛⲧⲣⲉ</ab>
101ⲁⲓⲧⲱⲕⲙ ⲛⲛⲁⲟⲩⲉⲣⲏⲧⲉ ⲉⲃⲟⲗ ϩⲛ ϩⲓⲏ ⲛⲓⲙ ⲉⲑⲟⲟⲩ ϫⲉ ⲉⲓⲉϩⲁⲣⲉϩ ⲉⲛⲉⲕϣⲁϫⲉ</ab>
102ⲙⲡⲓⲣⲁⲕⲧ ⲉⲃⲟⲗ ⲛⲛⲉⲕⲙⲛⲧⲙⲛⲧⲣⲉ ϫⲉ ⲛⲧⲟⲕ ⲁⲕⲥⲙⲛⲛⲟⲙⲟⲥ ⲛⲁⲓ</ab>
103ⲁⲛⲉⲕϣⲁϫⲉ ϩⲗⲟϭ ϩⲛ ⲧⲁϣⲟⲩⲱⲃⲉ ⲉϩⲟⲩⲉ ⲟⲩⲉⲃⲓⲱ ϩⲛ ⲣⲱⲓ</ab>
104ⲁⲓⲛⲟⲓ ⲛⲛⲉⲕⲉⲛⲧⲟⲗⲏ ⲉⲧⲃⲉ ⲡⲁⲓ ⲁⲓⲙⲉⲥⲧⲉϩⲓⲏ ⲛⲓⲙ ⲛϫⲓⲛϭⲟⲛⲥ ϫⲉ ⲛⲧⲟⲕ ⲁⲕⲥⲙⲛⲛⲟⲙⲟⲥ ⲛⲁⲓ</ab>
105ⲓⲇ – ⲛⲟⲩⲛ ⲡϩⲏⲃⲥ ⲛⲛⲁⲟⲩⲉⲣⲏⲧⲉ ⲡⲉ ⲡⲉⲕϣⲁϫⲉ ⲁⲩⲱ ⲡⲟⲩⲟⲉⲓⲛ ⲡⲉ ⲛⲛⲁϩⲓⲟⲟⲩⲉ</ab>
106ⲁⲓⲱⲣⲕ ⲁⲩⲱ ⲁⲓⲥⲙⲛⲧⲥ ⲉϩⲁⲣⲉϩ ⲉⲛϩⲁⲡ ⲛⲧⲉⲕⲇⲓⲕⲁⲓⲟⲥⲩⲛⲏ</ab>
107ⲁⲓⲑⲃⲃⲓⲟ ⲉⲙⲁⲧⲉ ⲡϫⲟⲉⲓⲥ ⲙⲁⲧⲁⲛϩⲟⲓ ⲕⲁⲧⲁ ⲡⲉⲕϣⲁϫⲉ</ab>
108ⲡϫⲟⲉⲓⲥ ⲟⲩⲉϣⲛⲉⲧϩⲛ ⲣⲱⲓ ⲁⲩⲱ ⲛⲅⲧⲥⲁⲃⲟⲓ ⲉⲛⲉⲕϩⲁⲡ</ab>
109ⲧⲁⲯⲩⲭⲏ ϩⲛ ⲛⲁϭⲓϫ ⲛⲟⲩⲟⲉⲓϣ ⲛⲓⲙ ⲁⲩⲱ ⲙⲡⲓⲣⲡⲱⲃϣ ⲙⲡⲉⲕⲛⲟⲙⲟⲥ</ab>
110ⲁⲛⲣⲉϥⲣⲛⲟⲃⲉ ⲕⲱ ⲉⲣⲟⲓ ⲛⲟⲩⲡⲁϣ ⲁⲩⲱ ⲙⲡⲓⲣⲡⲱⲃϣ ⲛⲛⲉⲕⲉⲛⲧⲟⲗⲏ</ab>
111ⲁⲓⲕⲗⲏⲣⲟⲛⲟⲙⲉⲓ ⲛⲛⲉⲕⲙⲛⲧⲙⲛⲧⲣⲉ ϣⲁ ⲉⲛⲉϩ ϫⲉ ⲛⲧⲉⲗⲏⲗ ⲛⲉ ⲙⲡⲁϩⲏⲧ</ab>
112ⲁⲓⲣⲓⲕⲉ ⲙⲡⲁϩⲏⲧ ⲉⲣⲛⲉⲕⲇⲓⲕⲁⲓⲱⲙⲁ ⲉⲩⲧⲱⲱⲃⲉ ⲉⲛⲉϩ</ab>
113ⲓⲉ – ⲥⲁⲙⲭ ⲁⲓⲙⲉⲥⲧⲉ ⲙⲡⲁⲣⲁⲛⲟⲙⲟⲥ ⲁⲓⲙⲉⲣⲉⲡⲉⲕⲛⲟⲙⲟⲥ</ab>
114ⲛⲧⲟⲕ ⲡⲉ ⲡⲁⲃⲟⲏⲑⲟⲥ ⲁⲩⲱ ⲡⲁⲣⲉϥϣⲟⲡⲧ ⲉⲣⲟϥ ⲁⲓⲛⲁϩⲧⲉ ⲉⲡⲉⲕϣⲁϫⲉ</ab>
115ⲣⲉⲕⲧⲧⲏⲩⲧⲛ ⲉⲃⲟⲗ ⲙⲙⲟⲓ ⲛⲉⲧⲣⲡⲉⲧϩⲟⲟⲩ ⲁⲩⲱ ϯⲛⲁⲙⲟⲩϣⲧ ⲛⲛⲉⲛⲧⲟⲗⲏ ⲙⲡⲁⲛⲟⲩⲧⲉ</ab>
116ϣⲟⲡⲧ ⲉⲣⲟⲕ ⲕⲁⲧⲁ ⲡⲉⲕϣⲁϫⲉ ⲧⲁⲱⲛϩ ⲙⲡⲣϯϣⲓⲡⲉ ⲛⲁⲓ ⲉⲃⲟⲗ ϩⲙ ⲡⲉϯϭⲱϣⲧ ⲉⲃⲟⲗ ϩⲏⲧϥ</ab>
117ⲃⲟⲏⲑⲉⲓ ⲉⲣⲟⲓ ⲧⲁⲟⲩϫⲁⲓ ⲁⲩⲱ ⲧⲁⲙⲉⲗⲉⲧⲁ ⲛⲛⲉⲕⲇⲓⲕⲁⲓⲱⲙⲁ ⲛⲟⲩⲟⲉⲓϣ ⲛⲓⲙ</ab>
118ⲁⲕⲥⲉϣϥⲟⲩⲟⲛ ⲛⲓⲙ ⲉⲧⲥⲁϩⲏⲩ ⲉⲃⲟⲗ ⲛⲛⲉⲕⲇⲓⲕⲁⲓⲱⲙⲁ ϫⲉ ⲟⲩϫⲓⲛϭⲟⲛⲥ ⲡⲉ ⲡⲉⲩⲙⲉⲉⲩⲉ</ab>
119ⲁⲓⲉⲡⲛⲣⲉϥⲣⲛⲟⲃⲉ ⲧⲏⲣⲟⲩ ⲙⲡⲕⲁϩ ϫⲉ ⲥⲉⲡⲁⲣⲁⲃⲁ ⲉⲧⲃⲉ ⲡⲁⲓ ⲁⲓⲙⲉⲣⲉⲛⲉⲕⲙⲛⲧⲙⲛⲧⲣⲉ ⲧⲏⲣⲟⲩ ⲛⲟⲩⲟⲉⲓϣ ⲛⲓⲙ</ab>
120ⲉϥⲧⲛⲁⲥⲁⲣⲝ ⲉⲃⲟⲗ ϩⲛ ⲧⲉⲕϩⲟⲧⲉ ⲛⲧⲁⲓⲣϩⲟⲧⲉ ⲅⲁⲣ ϩⲏⲧⲟⲩ ⲛⲛⲉⲕϩⲁⲡ</ab>
121ⲓⲋ – ⲁⲓⲛ ⲁⲕⲉⲓⲣⲉ ⲛⲟⲩϩⲁⲡ ⲙⲛ ⲟⲩⲇⲓⲕⲁⲓⲟⲥⲩⲛⲏ ⲙⲡⲣⲧⲁⲁⲧ ⲛⲛⲉⲧϫⲓ ⲙⲙⲟⲓ ⲛϭⲟⲛⲥ</ab>
122ϣⲉⲡⲡⲉⲕϩⲙϩⲁⲗ ⲉⲣⲟⲕ ⲉⲩⲁⲅⲁⲑⲟⲛ ⲙⲡⲣⲧⲣⲉ ⲛϫⲁⲥⲓϩⲏⲧ ϩⲓⲗⲁ ⲉⲣⲟⲓ</ab>
123ⲁⲛⲁⲃⲁⲗ ⲥⲱϣⲙ ⲛⲥⲁ ⲡⲉⲕⲟⲩϫⲁⲓ ⲁⲩⲱ ⲛⲥⲁ ⲡϣⲁϫⲉ ⲛⲧⲉⲕⲇⲓⲕⲁⲓⲟⲥⲩⲛⲏ</ab>
124ⲁⲣⲓⲣⲉ ⲙⲛ ⲡⲉⲕϩⲙϩⲁⲗ ⲕⲁⲧⲁ ⲡⲉⲕⲛⲁ ⲁⲩⲱ ⲛⲅⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ</ab>
125ⲁⲛⲅ ⲡⲉⲕϩⲙϩⲁⲗ ⲙⲁⲧⲥⲁⲃⲟⲓ ⲧⲁⲉⲓⲙⲉ ⲉⲛⲉⲕⲙⲛⲧⲙⲛⲧⲣⲉ</ab>
126ⲡⲉⲟⲩⲟⲉⲓϣ ⲡⲉ ⲛⲣϩⲱⲃ ⲙⲡϫⲟⲉⲓⲥ ⲙⲁⲧⲥⲁⲃⲟⲓ ⲉⲡⲉⲕⲛⲟⲙⲟⲥ ⲁⲩϫⲉⲣⲉⲡⲉⲕⲛⲟⲙⲟⲥ ⲉⲃⲟⲗ</ab>
127ⲉⲧⲃⲉ ⲡⲁⲓ ⲁⲓⲙⲉⲣⲉⲛⲉⲕⲉⲛⲧⲟⲗⲏ ⲉϩⲟⲩⲉ ⲉⲡⲛⲟⲩⲃ ⲙⲛ ⲟⲩⲧⲟⲡⲁⲇⲓⲟⲛ</ab>
128ⲁⲩⲱ ⲡⲁⲓ ϫⲉ ⲛⲉⲓⲥⲟⲩⲧⲱⲛ ϩⲛ ⲛⲉⲕⲉⲛⲧⲟⲗⲏ ⲧⲏⲣⲟⲩ ⲁⲓⲙⲉⲥⲧⲉϩⲓⲏ ⲛⲓⲙ ⲛϫⲓⲛϭⲟⲛⲥ</ab>
129ⲓⲍ – ⲫⲏ ϩⲉⲛϣⲡⲏⲣⲉ ⲛⲉ ⲛⲉⲕⲙⲛⲧⲙⲛⲧⲣⲉ ⲉⲧⲃⲉ ⲡⲁⲓ ⲁⲧⲁⲯⲩⲭⲏ ⲙⲟϣⲧⲟⲩ</ab>
130ⲡⲟⲩⲱⲛϩ ⲉⲃⲟⲗ ⲛⲛⲉⲕϣⲁϫⲉ ⲡⲉⲧⲣⲟⲩⲟⲉⲓⲛ ⲉⲣⲟⲓ ⲡⲉⲕⲛⲟⲙⲟⲥ ⲡⲉⲧⲧⲥⲁⲃⲟ ⲛⲛⲓⲕⲟⲩⲓ</ab>
131ⲁⲓⲟⲩⲱⲛ ⲛⲣⲱⲓ ⲁⲓⲥⲉⲕⲡ︤ⲛ︦ⲁ︥ ⲛⲁⲓ ⲁⲓⲉⲡⲓⲑⲩⲙⲉⲓ ⲉⲛⲉⲕⲉⲛⲧⲟⲗⲏ</ab>
132ϭⲱϣⲧ ⲉϩⲣⲁⲓ ⲉϫⲱⲓ ⲛⲅⲛⲁ ⲛⲁⲓ ⲕⲁⲧⲁ ⲡϩⲁⲡ ⲛⲛⲉⲧⲙⲉ ⲙⲡⲉⲕⲣⲁⲛ</ab>
133ⲥⲟⲩⲧⲛ ⲛⲁⲧⲁϭⲥⲉ ⲕⲁⲧⲁ ⲡⲉⲕϣⲁϫⲉ ⲁⲩⲱ ⲙⲡⲣⲧⲣⲉⲗⲁⲁⲩ ⲛⲁⲛⲟⲙⲓⲁ ⲣϫⲟⲉⲓⲥ ⲉϫⲱⲓ</ab>
134ⲥⲟⲧⲧ ⲉⲗⲁ ⲛⲣⲱⲙⲉ ⲧⲁϩⲁⲣⲉϩ ⲉⲛⲉⲕⲉⲛⲧⲟⲗⲏ</ab>
135ⲟⲩⲉⲛϩⲡⲉⲕϩⲟ ⲉⲃⲟⲗ ⲉϫⲙ ⲡⲉⲕϩⲙϩⲁⲗ ⲁⲩⲱ ⲛⲅⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ</ab>
136ⲁⲛⲁⲃⲁⲗ ⲧⲁⲩⲟ ⲉϩⲣⲁⲓ ⲛϩⲉⲛⲟⲑⲉ ⲙⲙⲟⲟⲩ ⲉⲃⲟⲗ ϫⲉ ⲙⲡⲟⲩϩⲁⲣⲉϩ ⲉⲡⲉⲕⲛⲟⲙⲟⲥ</ab>
137ⲓⲏ – ⲥⲁⲇⲏ ⲛⲧⲕ ⲟⲩⲇⲓⲕⲁⲓⲟⲥ ⲡϫⲟⲉⲓⲥ ⲁⲩⲱ ⲡⲉⲕϩⲁⲡ ⲥⲟⲩⲧⲱⲛ</ab>
138ⲁⲕϩⲱⲛ ⲛⲛⲉⲕⲙⲛⲧⲙⲛⲧⲣⲉ ⲛⲇⲓⲕⲁⲓⲟⲥⲩⲛⲏ ⲁⲩⲱ ⲙⲙⲉ ⲉⲙⲁⲧⲉ</ab>
139ⲁⲡⲕⲱϩ ⲙⲡⲉⲕⲏⲓ ⲃⲟⲗⲧ ⲉⲃⲟⲗ ϫⲉ ⲁⲛⲁϫⲓϫⲉⲉⲩ ⲣⲡⲱⲃϣ ⲛⲛⲉⲕⲉⲛⲧⲟⲗⲏ</ab>
140ⲡⲉⲕϣⲁϫⲉ ⲗⲟⲃϣ ⲉⲙⲁⲧⲉ ⲁⲩⲱ ⲡⲉⲕϩⲙϩⲁⲗ ϩⲁⲣⲉϩ ⲉⲣⲟϥ</ab>
141ⲁⲛⲅ ⲟⲩⲕⲟⲩⲓ ⲁⲛⲟⲕ ⲉⲓⲣⲡⲕⲉⲥⲟϣϥ ⲙⲡⲓⲣⲡⲱⲃϣ ⲛⲛⲉⲕⲇⲓⲕⲁⲓⲱⲙⲁ</ab>
142ⲧⲉⲕⲇⲓⲕⲁⲓⲟⲥⲩⲛⲏ ⲟⲩⲇⲓⲕⲁⲓⲟⲥⲩⲛⲏ ϣⲁ ⲉⲛⲉϩ ⲧⲉ ⲁⲩⲱ ⲟⲩⲙⲉ ⲡⲉ ⲡⲉⲕⲛⲟⲙⲟⲥ</ab>
143ⲁⲩⲑⲗⲓⲯⲓⲥ ⲙⲛ ⲟⲩⲁⲛⲁⲅⲕⲏ ϩⲉ ⲉⲣⲟⲓ ϯⲛⲁⲙⲉⲗⲉⲧⲁ ⲛⲛⲉⲕⲉⲛⲧⲟⲗⲏ</ab>
144ⲟⲩⲇⲓⲕⲁⲓⲟⲥⲩⲛⲏ ⲧⲉ ⲛⲉⲕⲙⲛⲧⲙⲛⲧⲣⲉ ϣⲁ ⲉⲛⲉϩ ⲙⲁⲧⲥⲁⲃⲟⲓ ⲧⲁⲱⲛϩ</ab>
145ⲓⲑ – ⲕⲱⲫ ⲁⲓϫⲓϣⲕⲁⲕ ⲉⲃⲟⲗ ϩⲙ ⲡⲁϩⲏⲧ ⲧⲏⲣϥ ⲥⲱⲧⲙ ⲉⲣⲟⲓ ⲛⲧⲟⲕ ⲡϫⲟⲉⲓⲥ ϯⲛⲁϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ</ab>
146ⲁⲓϫⲓϣⲕⲁⲕ ⲉⲃⲟⲗ ϫⲉ ⲙⲁⲧⲟⲩϫⲟⲓ ⲧⲁϩⲁⲣⲉϩ ⲉⲛⲉⲕⲙⲛⲧⲙⲛⲧⲣⲉ</ab>
147ⲁⲓⲣϣⲟⲣⲡ ϩⲙ ⲡⲟⲩⲟⲉⲓϣ ⲁⲓϫⲓϣⲕⲁⲕ ⲉⲃⲟⲗ ϫⲉ ⲁⲓⲕⲁϩⲧⲏⲓ ⲉⲛⲉⲕϣⲁϫⲉ</ab>
148ⲁⲛⲁⲃⲁⲗ ϣⲟⲣⲡⲟⲩ ⲉϩⲧⲟⲟⲩⲉ ⲉⲙⲉⲗⲉⲧⲁ ⲛⲛⲉⲕϣⲁϫⲉ</ab>
149ⲥⲱⲧⲙ ⲉⲡⲁϩⲣⲟⲟⲩ ⲡϫⲟⲉⲓⲥ ⲕⲁⲧⲁ ⲡⲉⲕⲛⲁ ⲙⲁⲧⲁⲛϩⲟⲓ ⲕⲁⲧⲁ ⲡⲉⲕϩⲁⲡ</ab>
150ⲁⲩϩⲱⲛ ⲉⲣⲟⲓ ⲛϭⲓ ⲛⲉⲧⲡⲏⲧ ⲛⲥⲱⲓ ϩⲛ ⲟⲩⲁⲛⲟⲙⲓⲁ ⲁⲩⲟⲩⲉ ⲇⲉ ⲉⲃⲟⲗ ⲙⲡⲉⲕⲛⲟⲙⲟⲥ</ab>
151ⲕϩⲏⲛ ⲉϩⲟⲩⲛ ⲡϫⲟⲉⲓⲥ ⲁⲩⲱ ϩⲉⲛⲙⲉ ⲛⲉ ⲛⲉⲕⲉⲛⲧⲟⲗⲏ</ab>
152ϫⲓⲛ ⲛϣⲟⲣⲡ ⲁⲓⲉⲓⲙⲉ ⲉⲃⲟⲗ ϩⲛ ⲛⲉⲕⲙⲛⲧⲙⲛⲧⲣⲉ ϫⲉ ⲁⲕⲥⲙⲛⲥⲛⲧⲉ ⲙⲙⲟⲟⲩ ϣⲁ ⲉⲛⲉϩ</ab>
153ⲕ – ⲣⲏⲥ ⲁⲛⲁⲩ ⲉⲡⲁⲑⲃⲃⲓⲟ ⲛⲅⲛⲁϩⲙⲉⲧ ϫⲉ ⲙⲡⲓⲣⲡⲱⲃϣ ⲙⲡⲉⲕⲛⲟⲙⲟⲥ</ab>
154ⲕⲣⲓⲛⲉ ⲙⲡⲁϩⲁⲡ ⲁⲩⲱ ⲛⲅⲥⲱⲧⲉ ⲙⲙⲟⲓ ⲙⲁⲧⲁⲛϩⲟⲓ ⲕⲁⲧⲁ ⲡⲉⲡϣⲁϫⲉ</ab>
155ⲡⲟⲩϫⲁⲓ ⲟⲩⲏⲩ ⲛⲛⲣⲉϥⲣⲛⲟⲃⲉ ϫⲉ ⲙⲡⲟⲩϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ</ab>
156ⲛⲁϣⲉⲛⲉⲕⲙⲛⲧϣⲁⲛϩⲧⲏϥ ⲉⲙⲁⲧⲉ ⲡϫⲟⲉⲓⲥ ⲙⲁⲧⲁⲛϩⲟⲓ ⲕⲁⲧⲁ ⲡⲉⲕϣⲁϫⲉ</ab>
157ⲛⲁϣⲉⲛⲉⲧⲡⲏⲧ ⲛⲥⲱⲓ ⲉⲧⲑⲗⲓⲃⲉ ⲙⲙⲟⲓ ⲙⲡⲓⲣⲁⲕⲧ ⲉⲃⲟⲗ ⲛⲛⲉⲕⲙⲛⲧⲙⲛⲧⲣⲉ</ab>
158ⲁⲓⲛⲁⲩ ⲉⲛⲁⲑⲏⲧ ⲁⲓⲃⲱⲗ ⲉⲃⲟⲗ ϫⲉ ⲙⲡⲟⲩϩⲁⲣⲉϩ ⲉⲛⲉⲕϣⲁϫⲉ</ab>
159ⲁⲩⲱ ϫⲉ ⲁⲓⲙⲉⲣⲉ ⲛⲉⲕⲉⲛⲧⲟⲗⲏ ⲙⲁⲧⲁⲛϩⲟⲓ ⲡϫⲟⲉⲓⲥ ϩⲙ ⲡⲉⲕⲛⲁ</ab>
160ⲧⲉϩⲟⲩⲉⲓⲧⲉ ⲛⲛⲉⲕϣⲁϫⲉ ⲧⲉ ⲧⲙⲉ ⲛϩⲁⲡ ⲧⲏⲣⲟⲩ ⲛⲧⲉⲕⲇⲓⲕⲁⲓⲟⲥⲩⲛⲏ ϣⲟⲟⲡ ϣⲁ ⲉⲛⲉϩ</ab>
161ⲕⲁ – ⲥⲉⲛ ⲁⲛⲁⲣⲭⲱⲛ ⲡⲱⲧ ⲛⲥⲱⲓ ⲉⲡϫⲓⲛϫⲏ ⲁⲩⲱ ⲁⲡⲁϩⲏⲧ ϭⲃⲃⲉ ϩⲏⲧⲟⲩ ⲛⲛⲉⲕϣⲁϫⲉ</ab>
162ϯⲛⲁⲧⲉⲗⲏⲗ ⲉϫⲙ ⲡⲉⲕϣⲁϫⲉ ⲛⲑⲉ ⲙⲡⲉⲛⲧⲁϥϭⲛ ϩⲁϩ ⲛϣⲱⲗ</ab>
163ⲁⲓⲙⲉⲥⲧⲉⲡϫⲓⲛϭⲟⲛⲥ ⲁⲩⲱ ⲁⲓϥⲟⲧϥ ⲡⲉⲕⲛⲟⲙⲟⲥ ⲇⲉ ⲁⲓⲙⲉⲣⲓⲧϥ</ab>
164ⲁⲓⲥⲙⲟⲩ ⲉⲣⲟⲕ ⲛⲥⲁϣϥ ⲛⲥⲟⲡ ⲙⲡⲉϩⲟⲟⲩ ⲉϫⲛ ⲛϩⲁⲡ ⲛⲧⲉⲕⲇⲓⲕⲁⲓⲟⲥⲩⲛⲏ</ab>
165ⲟⲩⲛ ⲟⲩⲛⲟϭ ⲛⲉⲓⲣⲏⲛⲏ ⲛⲛⲉⲧⲙⲉ ⲙⲡⲉⲕⲣⲁⲛ ⲁⲩⲱ ⲙⲛⲧⲟⲩⲥⲕⲁⲛⲇⲁⲗⲟⲛ</ab>
166ⲛⲉⲓϭⲱϣⲧ ⲉⲃⲟⲗ ϩⲏⲧϥ ⲙⲡⲉⲕⲟⲩϫⲁⲓ ⲡϫⲟⲉⲓⲥ ⲁⲩⲱ ⲁⲓⲉⲓⲣⲉ ⲛⲛⲉⲕⲉⲛⲧⲟⲗⲏ</ab>
167ⲁⲧⲁⲯⲩⲭⲏ ϩⲁⲣⲉϩ ⲉⲛⲉⲕⲙⲛⲧⲙⲛⲧⲣⲉ ⲁⲩⲱ ⲁⲓⲙⲉⲣⲓⲧⲟⲩ ⲉⲙⲁⲧⲉ</ab>
168ⲁⲓϩⲁⲣⲉϩ ⲉⲛⲉⲕⲉⲛⲧⲟⲗⲏ ⲙⲛ ⲛⲉⲕϩⲁⲡ ϫⲉ ⲛⲁϩⲓⲟⲟⲩⲉ ⲧⲏⲣⲟⲩ ⲙⲡⲉⲕⲙⲧⲟ ⲉⲃⲟⲗ ⲡϫⲟⲉⲓⲥ</ab>
169ⲕⲃ – ⲑⲁⲩ ⲙⲁⲣⲉⲡⲁⲥⲟⲡⲥ ϩⲱⲛ ⲉϩⲟⲩⲛ ⲉⲣⲟⲕ ⲡϫⲟⲉⲓⲥ ⲡϫⲟⲉⲓⲥ ⲙⲁⲧⲥⲁⲃⲟⲓ ⲕⲁⲧⲁ ⲡⲉⲕϣⲁϫⲉ</ab>
170ⲙⲁⲣⲉⲡⲁⲧⲁⲉⲓⲟ ⲉⲓ ⲉϩⲟⲩⲛ ⲙⲡⲉⲕⲙⲧⲟ ⲉⲃⲟⲗ ⲙⲁⲧⲟⲩϫⲟⲓ ⲕⲁⲧⲁ ⲡⲉⲕϣⲁϫⲉ</ab>
171ⲛⲁⲥⲡⲟⲧⲟⲩ ⲛⲁϫⲱ ⲛⲟⲩⲥⲙⲟⲩ ⲉⲕϣⲁⲛⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ</ab>
172ⲡⲁⲗⲁⲥ ⲛⲁⲧⲁⲩⲟ ⲛⲛⲉⲕϣⲁϫⲉ ϫⲉ ⲧⲇⲓⲕⲁⲓⲟⲥⲩⲛⲏ ⲛⲉ ⲛⲉⲕⲉⲛⲧⲟⲗⲏ ⲧⲏⲣⲟⲩ</ab>
173ⲙⲁⲣⲉⲧⲉⲕϭⲓϫ ϣⲱⲡⲉ ⲉⲡⲧⲟⲩϫⲟⲓ ϫⲉ ⲁⲓⲟⲩⲉϣⲛⲉⲕⲉⲛⲧⲟⲗⲏ</ab>
174ⲁⲓⲙⲉⲣⲉⲡⲉⲕⲟⲩϫⲁⲓ ⲡϫⲟⲉⲓⲥ ⲁⲩⲱ ⲡⲉⲕⲛⲟⲙⲟⲥ ⲡⲉ ⲧⲁⲙⲉⲗⲉⲧⲏ</ab>
175ⲧⲁⲯⲩⲭⲏ ⲛⲁⲱⲛϩ ⲛⲥⲥⲙⲟⲩ ⲉⲣⲟⲕ ⲁⲩⲱ ⲛⲉⲕϩⲁⲡ ⲛⲁⲃⲟⲏⲑⲉⲓ ⲉⲣⲟⲓ</ab>
176ⲁⲓⲥⲱⲣⲙ ⲛⲑⲉ ⲛⲟⲩⲉⲥⲟⲟⲩ ⲉϥⲥⲟⲣⲙ ϣⲓⲛⲉ ⲛⲥⲁ ⲡⲉⲕϩⲙϩⲁⲗ ⲁⲩⲱ ⲛⲅⲥⲱⲧⲙ ⲉⲣⲟⲓ ϫⲉ ⲙⲡⲓⲣⲡⲱⲃϣ ⲛⲛⲉⲕⲉⲛⲧⲟⲗⲏ</ab>