1ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ϯⲛⲁϫⲱ ⲉⲣⲟⲕ ⲡϫⲟⲉⲓⲥ ⲛⲟⲩⲛⲁ ⲙⲛ ⲟⲩϩⲁⲡ</ab>
2ϯⲛⲁⲯⲁⲗⲗⲉⲓ ⲧⲁⲉⲓⲙⲉ ϩⲛ ⲧⲉϩⲓⲏ ⲛⲛⲉⲧⲟⲩⲁⲁⲃ ϫⲉ ⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲛⲏⲩ ϣⲁⲣⲟⲓ ⲧⲛⲁⲩ ⲛⲉⲓⲙⲟⲟϣⲉ ϩⲛ ⲧⲙⲛⲧⲃⲁⲗϩⲏⲧ ⲙⲡⲁϩⲏⲧ ϩⲛ ⲧⲙⲏⲧⲉ ⲙⲡⲁⲏⲓ</ab>
3ⲙⲡⲓⲕⲱ ⲛⲛⲁϩⲣⲁⲓ ⲛⲟⲩϩⲱⲃ ⲙⲡⲁⲣⲁⲛⲟⲙⲟⲛ ⲛⲉⲧⲉⲓⲣⲉ ⲙⲛ ⲡⲁⲣⲁⲃⲁⲥⲓⲥ ⲁⲓⲙⲉⲥⲧⲱⲟⲩ ⲙⲡⲉϩⲏⲧ ⲉϥϭⲟⲟⲙⲉ ⲧⲱϭⲉ ⲉⲣⲟⲓ</ab>
4ϩⲙ ⲡⲧⲣⲉⲡⲡⲟⲛⲏⲣⲟⲥ ⲣⲁⲕⲧϥ ⲉⲃⲟⲗ ⲙⲙⲟⲓ ⲙⲡⲓⲉⲓⲙⲉ</ab>
5ⲁⲓⲛⲟⲩϫⲉ ⲉⲃⲟⲗ ⲙⲡⲉⲧⲕⲁⲧⲁⲗⲁⲗⲉⲓ ⲛϫⲓⲟⲩⲉ ⲛⲥⲁ ⲡⲉⲧϩⲓⲧⲟⲩⲱϥ ⲙⲡⲓⲟⲩⲱⲙ ⲙⲛ ⲟⲩϫⲁⲥⲓⲃⲁⲗ ⲙⲛ ⲟⲩϩⲏⲧ ⲛⲁⲧⲥⲉⲓ</ab>
6ⲉⲣⲉⲛⲁⲃⲁⲗ ϭⲱϣⲧ ⲉϫⲛ ⲛⲉⲧⲟⲩⲁⲁⲃ ⲙⲡⲕⲁϩ ⲉⲧⲣⲉⲩϩⲙⲟⲟⲥ ϩⲁⲧⲏⲓ ⲡⲉⲧⲙⲟⲟϣⲉ ϩⲛ ⲧⲉϩⲓⲏ ⲛⲛⲉⲧⲟⲩⲁⲁⲃ ⲡⲉ ⲛⲉϥϣⲙϣⲉ ⲛⲁⲓ</ab>
7ⲡⲉⲧⲉⲓⲣⲉ ⲛⲧⲙⲛⲧϫⲁⲥⲓϩⲏⲧ ⲛⲉϥⲟⲩⲏϩ ⲁⲛ ⲡⲉ ϩⲛ ⲧⲙⲏⲧⲉ ⲙⲡⲁⲏⲓ ⲡⲉⲧϣⲁϫⲉ ϩⲛ ⲟⲩϫⲓⲛϭⲟⲛⲥ ⲛⲉⲙⲉⲓⲥⲟⲩⲧⲱⲛϥ ⲙⲡⲉⲙⲧⲟ ⲉⲃⲟⲗ ⲛⲛⲁⲃⲁⲗ</ab>
8ⲙⲡⲛⲁⲩ ⲛϣⲱⲣⲡ ⲁⲓⲙⲟⲩⲟⲩⲧ ⲛⲛⲣⲉϥⲣⲛⲟⲃⲉ ⲧⲏⲣⲟⲩ ⲙⲡⲕⲁϩ ⲉⲧⲣⲁϥⲱⲧⲉ ⲉⲃⲟⲗ ϩⲛ ⲧⲡⲟⲗⲓⲥ ⲙⲡϫⲟⲉⲓⲥ ⲛⲛⲉⲧⲉⲓⲣⲉ ⲧⲏⲣⲟⲩ ⲛⲧⲁⲛⲟⲙⲓⲁ</ab>