1ⲡⲁϣⲏⲣⲉ ϩⲁⲣⲉϩ ⲉⲛⲁϣⲁϫⲉ ⲁⲩⲱ ϩⲉⲡⲛⲁⲉⲛⲧⲟⲗⲏ ϩⲁⲧⲏⲕ ⲙⲁⲧⲁⲓⲉⲡⲛⲟⲩⲧⲉ ⲧⲁⲣⲉⲕϭⲙϭⲟⲙ ⲁⲩⲱ ⲙⲡⲣⲣϩⲟⲧⲉ ϩⲏⲧϥ ⲛⲕⲉⲟⲩⲁ ⲛⲃⲗⲗⲁϥ</ab>
2ϩⲁⲣⲉϩ ⲇⲉ ⲉⲛⲁⲉⲛⲧⲟⲗⲏ ⲛⲧⲁⲣⲉⲕⲱⲛϩ ϯ ⲛⲛⲁϣⲁϫⲉ ⲉⲛⲉⲕⲧⲏⲏⲃⲉ ⲛⲑⲉ ⲛϩⲉⲛⲕⲉⲕⲉ ⲛⲃⲁⲗ</ab>
3ⲥϩⲁⲓⲥⲟⲩ ⲇⲉ ⲉϫⲙⲡⲡⲱϫϭ ⲙⲡⲉⲕϩⲏⲧ</ab>
4ⲁϫⲓⲥ ⲛⲧⲥⲟⲫⲓⲁ ϫⲉ ⲧⲉⲕⲥⲱⲛⲉ ⲧⲉ ⲁⲩⲱ ϫⲉ ⲧⲉⲕⲣⲱⲙⲉ ⲧⲉ ⲧⲙⲛⲧⲣⲙⲛϩⲏⲧ ϫⲡⲟⲥ ⲇⲉ ⲛⲁⲕ</ab>
5ⲉⲥⲉϩⲁⲣⲉϩ ⲉⲣⲟⲕ ⲉⲩⲥϩⲓⲙⲉ ⲉⲛⲧⲱⲕ ⲁⲛ ⲁⲩⲱ ⲉⲥϩⲟⲟⲩ ⲉⲥϣⲁⲛϣⲁϫⲉ ϩⲛϩⲉⲛϣⲁϫⲉ ⲛϩⲙⲟⲧ</ab>
6ⲉⲥϭⲱϣⲧ ⲅⲁⲣ ⲉⲃⲟⲗ ϩⲙⲡϣⲟⲩϣⲧ ⲙⲡⲉⲥⲏⲓ ⲉⲛϩⲓⲣ</ab>
7ⲡϩⲣϣⲓⲣⲉ ⲉⲧⲥⲛⲁⲛⲁⲩ ⲉⲣⲟϥ ⲛⲁⲑⲏⲧ ⲉϥϣⲁⲁⲧ ⲛⲥⲃⲱ</ab>
8ⲉϥⲙⲟⲟϣⲉ ϩⲁⲧⲛⲛⲕⲗϫⲉ ⲛⲛϩⲓⲣ ⲙⲡⲉⲥⲏⲓ</ab>
9ⲉϥϣⲁϫⲉ ϩⲙⲡⲕⲁⲕⲉ ⲙⲡⲛⲁⲩ ⲛⲣⲟⲩϩⲉ ⲉⲣⲉⲡⲙⲁ ϩⲟⲣⲕ ⲉⲣⲟⲩϩⲉ ϩⲉⲛⲟⲩⲕⲁⲕⲉ</ab>
10ϣⲁⲣⲉⲧⲉⲥϩⲓⲙⲉ ⲧⲱⲙⲛⲧ ⲉⲣⲟϥ ϩⲛⲟⲩⲥⲙⲟⲧ ⲙⲡⲟⲣⲛⲏ ⲧⲁⲓ ⲉϣⲁⲥⲧⲣⲉⲡϩⲏⲧ ⲛⲛϣⲏⲣⲉ ϣⲏⲙ ϫⲓϥⲟϭⲥ</ab>
11ⲥⲁⲥⲱⲟⲩ ⲇⲉ ⲁⲩⲱ ⲟⲩϣⲛⲁ ⲧⲉ ⲙⲉⲣⲉⲛⲉⲥⲟⲩⲉⲣⲏⲧⲉ ⲇⲉ ϭⲱ ϩⲙⲡⲉⲥⲏⲓ</ab>
12ϣⲁⲥⲣⲟⲩⲟⲉⲓϣ ⲅⲁⲣ ⲉⲥⲕⲱⲧⲉ ϩⲓⲃⲟⲗ ⲟⲩⲟⲩⲟⲉⲓϣ ⲇⲉ ⲉⲥϭⲟⲣϭ ϩⲁⲧⲛⲛⲕⲗϫⲉ ⲛⲓⲙ ϩⲛⲛⲉⲡⲗⲁⲧⲓⲁ</ab>
13ⲙⲛⲛⲥⲱⲥ ϣⲁⲥⲁⲙⲁϩⲧⲉ ⲙⲙⲟϥ ⲛⲥϯⲡⲓ ⲉⲣⲱϥ ϩⲛⲟⲩϩⲟ ⲇⲉ ⲛⲁⲧϣⲓⲡⲉ ϣⲁⲥϫⲟⲟⲥ ⲛⲁϥ</ab>
14ϫⲉ ⲟⲩⲑⲩⲥⲓⲁ ⲛⲉⲓⲣⲏⲛⲏⲕⲏ ⲛⲁⲓ ⲡⲉ ⲡⲟⲟⲩ ϯⲛⲁϯ ⲛⲛⲁⲉⲣⲁⲧⲉ</ab>
15ⲉⲧⲃⲉⲡⲁⲓ ⲁⲓⲉⲓ ⲉⲃⲟⲗ ⲉⲧⲱⲙⲛⲧ ⲉⲣⲟⲕ ⲉⲓⲟⲩⲉϣⲡⲉⲕϩⲟ ⲁⲓϩⲉ ⲉⲣⲟϥ</ab>
16ⲁⲓⲥⲱⲙⲛⲧ ⲙⲡⲁϭⲗⲟϭ ϩⲛϩⲉⲛⲕⲉⲣⲉⲁ ⲁⲓⲡⲟⲣϣϥ ⲇⲉ ⲛⲁⲙⲫⲓⲧⲁⲡⲟⲥ ⲛⲧⲉⲕⲏⲙⲉ</ab>
17ⲁⲓⲛⲟⲩϫϭ ⲙⲡⲁϭⲗⲟϭ ϩⲛⲟⲩⲕⲣⲟⲕⲟⲥ ⲁⲩⲱ ⲡⲁⲏⲓ ϩⲛⲟⲩⲕⲓⲛⲁⲙⲱⲙⲟⲛ</ab>
18ⲁⲙⲟⲩ ⲛⲧⲛⲙⲧⲟⲛ ⲙⲙⲟⲛ ϩⲛⲟⲩⲙⲛⲧϣⲃⲏⲣ ϣⲁϩⲧⲟⲟⲩⲉ ⲁⲙⲟⲩ ⲛⲧⲛϩⲱⲗϭ ϩⲛⲟⲩⲙⲉ</ab>
19ⲙⲡⲁϩⲁⲓ ⲅⲁⲣ ϩⲙⲡⲁⲏⲓ ⲁⲛ ⲁϥⲃⲱⲕ ⲉⲩϩⲓⲏ ⲉⲥⲟⲩⲏⲩ</ab>
20ⲉⲣⲉⲟⲩⲧⲱⲱⲙⲉ ϩⲛⲛⲉϥϭⲓϫ ϩⲓⲧⲛⲟⲩⲙⲏⲏϣⲉ ⲛϩⲟⲟⲩ ⲉϥⲛⲁⲕⲟⲧϥ ⲉⲡⲉϥⲏⲓ</ab>
21ⲁⲥⲡⲗⲁⲛⲁ ⲇⲉ ⲙⲙⲟϥ ϩⲛⲟⲩⲛⲟϭ ⲛϩⲟⲙⲓⲗⲓⲁ ⲛϣⲁϫⲉ ⲁⲥⲙⲟⲣϥ ⲇⲉ ⲛϩⲉⲛⲛϩⲁϭⲉ ⲛⲉ ⲉⲃⲟⲗ ϩⲛⲛⲉⲥⲥⲡⲟⲧⲟⲩ ⲁⲥⲑⲓⲟϥ ⲉⲃⲟⲗ</ab>
22ⲛⲧⲟϥ ⲇⲉ ⲁϥⲟⲩⲁϩϥ ⲛⲥⲱⲥ ⲉϥϣⲧⲣⲧⲱⲣ ⲛⲑⲉ ⲛⲟⲩⲙⲁⲥⲉ ⲉⲩⲛⲁⲛⲧϥ ⲉⲡⲉϥⲙⲁⲛⲕⲟⲛⲥϥ ⲁⲩⲱ ⲛⲑⲉ ⲛⲟⲩⲟⲩϩⲟⲣ ⲉϥϭⲉⲡⲏ ⲉⲧⲁⲁϥ ⲉⲡⲉⲕⲗⲁⲗ</ab>
23ⲏ ⲛⲑⲉ ⲛⲟⲩⲉⲓⲟⲩⲗ ⲉⲁⲩϣⲟⲟϭⲉϥ ⲛⲟⲩⲥⲟⲧⲉ ⲉⲡⲉϥϩⲏⲡⲁⲣ ϥϭⲉⲡⲏ ⲇⲉ ⲛⲑⲉ ⲛⲟⲩϩⲁⲗⲏⲧ ⲉⲩⲡⲁϣ ⲛϥⲥⲟⲟⲩⲛ ⲁⲛ ϫⲉ ⲡⲙⲁ ⲙⲡⲉϥⲧⲏⲩ ⲡⲉ</ab>
24ⲧⲉⲛⲟⲩ ϭⲉ ⲡⲁϣⲏⲣⲉ ⲥⲱⲧⲙ ⲉⲣⲟⲓ ⲛⲅϯϩⲧⲏⲕ ⲉⲛϣⲁϫⲉ ⲛⲣⲱⲓ</ab>
25ⲙⲡⲣⲧⲣⲉⲡⲉⲕϩⲏⲧ ⲣⲓⲕⲉ ⲉⲛⲉⲥϩⲓⲟⲟⲩⲉ</ab>
26ⲁⲥⲕⲛⲥⲟⲩⲙⲏⲏϣⲉ ⲅⲁⲣ ⲁⲥⲧⲁⲩⲟⲟⲩ ⲉϩⲣⲁⲓ ⲁⲩⲱ ϩⲉⲛⲁⲧⲏⲡⲉ ⲛⲉ ⲛⲧⲁⲥϩⲟⲧⲃⲟⲩ</ab>
27ⲉⲣⲉⲛⲉⲥϩⲓⲟⲟⲩⲉ ⲃⲏⲕ ⲉⲛⲏⲓ ⲛⲁⲙⲛⲧⲉ ⲉⲩⲃⲏⲕ ⲇⲉ ⲉⲡⲉⲥⲏⲧ ⲉⲛⲧⲁⲙⲓⲟⲛ ⲙⲡⲙⲟⲩ</ab>
28<gap reason=""/>