1ϣⲁⲣⲉⲡⲁⲥⲉⲃⲏⲥ ⲡⲱⲧ ⲉⲙⲛⲡⲉⲧⲡⲏⲧ ⲛⲥⲱϥ ⲉⲣⲉⲡⲇⲓⲕⲁⲓⲟⲥ ⲇⲉ ⲧⲁϫⲣⲏⲩ ⲛⲑⲉ ⲛⲛⲓⲙⲟⲩⲓ</ab>
2ϣⲁⲣⲉϩⲉⲛϩⲁⲡ ⲛⲉϩⲥⲉ ⲉⲧⲃⲉⲛⲛⲟⲃⲉ ⲛⲛⲁⲥⲉⲃⲏⲥ ⲡⲣⲱⲙⲉ ⲇⲉ ⲛⲥⲁⲃⲉ ⲛⲁⲱϣⲙ ⲛⲛⲟⲣⲅⲏ</ab>
3ϣⲁⲣⲉⲡⲉⲧⲧⲏⲕ ϩⲛⲧⲉϥⲙⲛⲧϣⲁϥⲧⲉ ϩⲓⲗⲁ ⲉⲩϩⲏⲕⲉ ⲛⲑⲉ ⲛⲟⲩϩⲱⲟⲩ ⲉϥⲟϣ ⲉⲛϥⲣⲛⲟϥⲣⲉ ⲁⲛ</ab>
4ⲧⲁⲓ ⲧⲉ ⲑⲉ ⲛⲛⲉⲧⲕⲱ ⲛⲥⲱⲟⲩ ⲙⲡⲛⲟⲙⲟⲥ ⲉⲩⲧⲁⲓⲟ ⲛⲙⲛⲧϣⲁϥⲧⲉ ⲛⲉⲧⲙⲉ ⲇⲉ ⲙⲡⲛⲟⲙⲟⲥ ⲉⲩⲕⲧⲟ ⲉⲣⲟⲟⲩ ⲛⲟⲩⲥⲟⲃⲧ</ab>
5ⲛⲣⲱⲙⲉ ⲉⲑⲟⲟⲩ ⲛⲁⲛⲟⲓ ⲁⲛ ⲛⲟⲩϩⲁⲡ ⲛⲉⲧϣⲓⲛⲉ ⲇⲉ ⲛⲥⲁⲡϫⲟⲉⲓⲥ ⲛⲁⲛⲟⲓ ϩⲛⲁⲅⲁⲑⲟⲛ ⲛⲓⲙ</ab>
6ⲛⲁⲛⲟⲩⲟⲩϩⲏⲕⲉ ⲉϥⲙⲟⲟϣⲉ ϩⲛⲧⲉϥⲙⲛⲧⲙⲉ ⲉϩⲟⲩⲉⲟⲩⲣⲙⲙⲁⲟ ⲛⲣⲉϥϫⲓϭⲟⲗ</ab>
7ϣⲁⲣⲉⲡϣⲏⲣⲉ ⲛⲥⲁⲃⲉ ϩⲁⲣⲉϩ ⲉⲡⲛⲟⲙⲟⲥ ⲡⲉⲧϣⲟⲟⲡ ⲇⲉ ϩⲛⲟⲩⲙⲛⲧϣⲛⲁ ⲉϥϯϣⲓⲡⲉ ⲙⲡⲉϥⲉⲓⲱⲧ</ab>
8ⲡⲉⲧⲧⲁϣⲟ ⲛⲧⲉϥⲙⲛⲧⲣⲙⲙⲁⲟ ϩⲛⲟⲩϫⲓⲙⲏⲥⲉ ⲛⲉⲧⲛⲁ ⲛⲛϩⲏⲕⲉ ⲛⲉⲧⲛⲁⲧⲥⲓⲟⲟⲩ ⲙⲙⲟⲥ</ab>
9ⲡⲉⲧⲛⲁⲣⲓⲕⲉ ⲉⲃⲟⲗ ⲙⲡⲉϥⲙⲁⲁϫⲉ ⲉⲧⲙⲥⲱⲧⲙ ⲉⲡⲛⲟⲙⲟⲥ ⲡⲉϣⲗⲏⲗ ⲙⲡⲁⲓ ⲃⲏⲧ</ab>
10ⲡⲉⲧⲥⲱⲣⲙ ⲛⲛⲉⲧⲥⲟⲩⲧⲱⲛ ϩⲛⲟⲩϩⲓⲏ ⲉⲥϩⲟⲟⲩ ⲉϥⲛⲁϩⲉ ⲛⲧⲟϥ ⲉϩⲣⲁⲓ ⲉϩⲉⲛⲡⲉⲑⲟⲟⲩ ⲛⲉⲧⲟⲩⲁⲁⲃ ⲇⲉ ⲛⲁⲡⲱϣ ⲉϫⲱⲟⲩ ⲛⲙⲡⲉⲧⲛⲁⲛⲟⲩⲟⲩ</ab>
11ⲡⲣⲱⲙⲉ ⲛⲣⲙⲙⲁⲟ ⲟ ⲛⲥⲁⲃⲉ ⲛⲁϥ ⲟⲩⲁⲁϥ ⲡϩⲏⲕⲉ ⲇⲉ ⲛⲥⲁⲃⲉ ⲛⲁϭⲛⲁⲣⲓⲕⲉ ⲉⲣⲟϥ</ab>
12ϣⲁⲣⲉⲟⲩⲛⲟϭ ⲛⲉⲟⲟⲩ ϣⲱⲡⲉ ⲉⲧⲃⲉⲧⲃⲟⲏⲑⲓⲁ ⲛⲛⲇⲓⲕⲁⲓⲟⲥ ϣⲁⲣⲉⲛⲣⲱⲙⲉ ⲇⲉ ⲧⲁⲕⲟ ϩⲛⲙⲙⲁ ⲛⲛⲁⲥⲉⲃⲏⲥ</ab>
13ⲡⲉⲧϩⲱⲃⲥ ⲇⲉ ⲛⲧⲉϥⲙⲛⲧϣⲁϥⲧⲉ ⲛⲁⲥⲟⲟⲩⲧⲛ ⲁⲛ ⲡⲉⲧϫⲱ ⲇⲉ ⲙⲙⲟⲥ ⲁⲩⲱ ⲉⲧϫⲡⲓⲟ ⲥⲉⲛⲁⲙⲉⲣⲓⲧϥ</ab>
14ⲛⲁⲓⲁⲧϥ ⲙⲡⲣⲱⲙⲉ ⲉⲧϯⲥⲟ ⲉⲟⲩⲟⲛ ⲛⲓⲙ ⲉⲧⲃⲉⲑⲟⲧⲉ ⲡⲛⲁϣⲧϩⲏⲧ ⲇⲉ ⲛⲧⲟϥ ⲛⲁϩⲉ ⲉϩⲣⲁⲓ ⲉϩⲉⲛⲡⲉⲑⲟⲟⲩ</ab>
15ⲟⲩⲙⲟⲩⲓ ⲡⲉ ⲉϥϩⲕⲁⲉⲓⲧ ⲁⲩⲱ ⲟⲩⲱⲛϣ ⲉϥⲟⲃⲉ ⲡⲉ ⲟⲩϩⲏⲕⲉ ⲉϥⲛⲁⲣϫⲟⲉⲓⲥ ⲉⲩⲙⲏⲏϣⲉ ⲛϩⲏⲕⲉ</ab>
16ⲟⲩⲣⲣⲟ ⲉϥϣⲁⲁⲧ ⲛⲭⲣⲏⲙⲁ ⲟⲩⲛⲟϭ ⲛⲣⲉϥϫⲓⲛϭⲟⲛⲥ ⲡⲉ ⲛⲉⲧⲙⲟⲥⲧⲉ ⲇⲉ ⲛϫⲓⲛϭⲟⲛⲥ ⲛⲁⲱⲛϩ ϩⲛⲟⲩⲛⲟϭ ⲛⲟⲩⲟⲉⲓϣ</ab>
17ⲡⲉⲧⲛⲁϣⲡⲧⲱⲣⲉ ⲛⲟⲩⲣⲱⲙⲉ ⲉϥϩⲛⲟⲩⲗⲟⲓϭⲉ ⲛϩⲱⲧⲃ ϥⲛⲁⲡⲱⲧ ⲁⲩⲱ ⲛϥⲧⲁϫⲣⲏⲩ ⲁⲛ ⲡⲉⲧⲙⲟⲟϣⲉ ⲇⲓⲕⲁⲓⲱⲥ ⲥⲉⲛⲁⲃⲟⲏⲑⲓ ⲉⲣⲟϥ</ab>
18ⲡⲉⲧⲙⲟⲟϣⲉ ⲇⲉ ϩⲓϩⲉⲛϩⲓⲟⲟⲩⲉ ⲉⲩϭⲟⲟⲙⲉ ⲛⲁϭⲗⲟⲙⲗⲙ</ab>
19ⲡⲉⲧⲣϩⲱⲃ ⲉⲡⲉϥⲕⲁϩ ⲛⲁⲥⲉⲓ ⲛⲟⲉⲓⲕ ⲡⲉⲧⲡⲏⲧ ⲇⲉ ⲛⲥⲁⲟⲩⲱⲥϥ ⲛⲁⲥⲉⲓⲧⲙⲛⲧϩⲏⲕⲉ</ab>
20ⲡⲣⲱⲙⲉ ⲛⲥⲁⲃⲉ ⲛⲁϫⲓⲥⲙⲟⲩ ⲉⲙⲁⲧⲉ ⲡⲣⲉϥⲣⲡⲉⲑⲟⲟⲩ ⲇⲉ ⲛⲁⲣⲃⲟⲗ ⲁⲛ ⲉⲡⲉⲑⲟⲟⲩ</ab>
21ⲡⲉⲧϣⲓⲡⲉ ϩⲏⲧⲟⲩ ⲛⲛϩⲟ ⲛⲛⲣⲉϥϫⲓⲛϭⲟⲛⲥ ⲛⲁⲥⲟⲟⲩⲧⲛ ⲁⲛ ⲡⲁⲓ ⲅⲁⲣ ⲛⲧⲉⲓⲙⲓⲛⲉ ⲛⲁϯⲟⲩⲣⲱⲙⲉ ϩⲁⲟⲩⲟⲉⲓⲕ</ab>
22ϣⲁϥϭⲉⲡⲏ ⲉⲣⲣⲙⲙⲁⲟ ⲛϭⲓⲟⲩⲣⲱⲙⲉ ⲛⲉⲓⲉⲣⲃⲟⲟⲛⲉ ⲁⲩⲱ ⲛϥⲥⲟⲟⲩⲛ ⲁⲛ ϫⲉ ⲟⲩⲛⲁⲏⲧ ⲡⲉⲧⲛⲁⲣϫⲟⲉⲓⲥ ⲉϫⲱϥ ⲡⲉⲧⲧⲁϣⲟ ⲛⲧⲉϥⲙⲛⲧⲣⲙⲙⲁⲟ ϩⲛⲟⲩϫⲓⲙⲏⲥⲉ ⲉϥⲛⲁⲥⲟⲟⲩϩⲥ ⲉϩⲟⲩⲛ ⲙⲡⲉⲧⲛⲁ ⲛⲛϩⲏⲕⲉ</ab>
23ⲡⲉⲧϫⲡⲓⲟ ⲛⲟⲩⲣⲱⲙⲉ ϩⲛⲛⲉϩⲓⲟⲟⲩⲉ ϥⲛⲁϭⲛϩⲙⲟⲧ ⲉϩⲟⲩⲉⲡⲉⲧϯϩⲙⲟⲧ ϩⲙⲡⲉϥⲗⲁⲥ</ab>
24ⲡⲉⲧϫⲓ ⲙⲡⲉϥⲉⲓⲱⲧ ⲛϭⲟⲛⲥ ⲙⲛⲧⲉϥⲙⲁⲁⲩ ⲉϥⲙⲉⲉⲩⲉ ϫⲉ ⲛϯⲣⲛⲟⲃⲉ ⲁⲛ ⲟⲩⲕⲟⲓⲛⲱⲛⲟⲥ ⲡⲉ ⲡⲁⲓ ⲛⲟⲩⲣⲱⲙⲉ ⲛⲁⲥⲉⲃⲏⲥ</ab>
25ϣⲁⲣⲉⲟⲩⲣⲱⲙⲉ ⲛⲁⲧⲥⲉⲓ ⲕⲣⲓⲛⲉ ⲉⲓⲕⲏ ⲡⲉⲧⲕⲱ ⲇⲉ ⲛϩⲏⲧϥ ⲉⲡϫⲟⲉⲓⲥ ⲛⲁϣⲱⲡⲉ ϩⲛⲟⲩϩⲁⲣⲉϩ</ab>
26ⲡⲉⲧⲕⲱ ⲛϩⲧⲏϥ ⲉⲩⲙⲛⲧⲛⲁϣⲧϩⲏⲧ ⲡⲁⲓ ⲟⲩⲁⲑⲏⲧ ⲡⲉ ⲡⲉⲧⲙⲟⲟϣⲉ ⲇⲉ ϩⲛⲟⲩⲥⲟⲫⲓⲁ ⲛⲁⲟⲩϫⲁⲓ</ab>
27ⲡⲉⲧϯ ⲛⲛϩⲏⲕⲉ ⲛⲁϭⲣⲱϩ ⲁⲛ ⲡⲉⲧⲕⲧⲟ ⲇⲉ ⲛⲛⲉϥⲃⲁⲗ ⲉⲃⲟⲗ ⲙⲙⲟⲟⲩ ⲛⲁϣⲱⲱⲧ ⲉⲙⲁⲧⲉ</ab>
28ϣⲁⲣⲉⲛⲇⲓⲕⲁⲓⲟⲥ ϩⲟϫϩϫ ϩⲛⲙⲁ ⲛⲛⲁⲥⲉⲃⲏⲥ ϣⲁⲩⲁϣⲁⲓ ⲇⲉ ϩⲙⲡⲧⲁⲕⲟ ⲛⲛⲉⲧⲙⲙⲁⲩ</ab>
29<gap reason=""/>
30<gap reason=""/>