1ⲛⲑⲉ ⲙⲡⲟⲩⲟⲓ ⲛⲟⲩⲙⲟⲟⲩ ⲧⲁⲓ ⲧⲉ ⲑⲉ ⲉⲧⲉⲣⲉⲡϩⲏⲧ ⲙⲡⲣⲣⲟ ϩⲛⲧϭⲓϫ ⲙⲛⲟⲩⲧⲉ ⲁⲩⲱ ⲡⲙⲁ ⲉⲧϥⲟⲩⲉϣⲧⲣⲉϥϭⲱϣⲧ ⲉⲣⲟϥ ϣⲁϥⲣⲁⲕⲧϥ ⲉⲣⲟϥ</ab>
2ⲉⲣⲉⲣⲱⲙⲉ ⲛⲓⲙ ⲧⲙⲁⲓⲏⲩ ⲛⲁϥ ⲟⲩⲁⲁϥ ⲡⲛⲟⲩⲧⲉ ⲇⲉ ⲡⲉⲧⲥⲟⲟⲩⲧⲛ ⲛⲛϩⲏⲧ</ab>
3ⲉⲣⲧⲙⲉ ⲁⲩⲱ ⲉϫⲉⲧⲙⲉ ⲥⲉⲥⲟⲧⲡ ⲛⲛⲁϩⲣⲙⲡⲛⲟⲩⲧⲉ ⲛϭⲓⲙⲙⲛⲧⲙⲉ ⲉϩⲟⲩⲉⲟⲩⲥⲛⲟϥ ⲛⲑⲩⲥⲓⲁ</ab>
4ⲟⲩⲣⲱⲙⲉ ⲑⲛϫⲁⲥⲓϩⲏⲧ ⲉϫⲛⲟⲩⲥⲱϣ ⲟⲩⲛⲁϣⲧϩⲏⲧ ⲡⲉ ⲛⲟⲩⲟⲓⲛ ⲇⲉ ⲛⲛⲁⲥⲉⲃⲏⲥ ⲛⲉ ⲛⲛⲟⲃⲉ</ab>
5<gap reason=""/>
6ⲛⲉⲧϯϭⲟⲙ ⲛϩⲉⲛⲥⲟⲟⲩϩⲥ ϩⲛⲟⲩⲗⲁⲥ ⲛϣⲟⲗ ⲉϥⲡⲏⲧ ⲛⲥⲁϩⲉⲛⲡⲉⲧϣⲟⲩⲉⲓⲧ ⲁⲩⲱ ϥⲛⲏⲩ ⲉϫⲛⲙⲡⲁϣ ⲙⲡⲙⲟⲩ</ab>
7ⲡⲧⲁⲕⲟ ⲛⲁϭⲟⲓⲗⲉ ⲉⲛⲁⲥⲉⲃⲏⲥ ⲛⲥⲉⲟⲩⲱϣ ⲅⲁⲣ ⲁⲛ ⲉⲣⲧⲙⲉ</ab>
8ⲡϫⲟⲉⲓⲥ ⲛⲁϫⲟⲟⲩ ⲛⲛϩⲓⲟⲟⲩⲉ ⲉⲩϭⲟⲟⲙⲉ ⲛⲛⲉⲧϭⲟⲟⲙⲉ ⲛⲉϥϩⲃⲏⲩⲉ ⲇⲉ ⲧⲃⲃⲏⲩ ⲁⲩⲱ ⲥⲉⲥⲟⲩⲧⲱⲛ</ab>
9ⲛⲁⲛⲟⲩⲟⲩⲱϩ ϩⲛⲟⲩⲕⲗϫⲉ ⲛⲟⲩϫⲉⲛⲉⲡⲱⲣ ϩⲛⲟⲩⲇⲓⲕⲁⲓⲟⲛ ⲉϩⲟⲩⲉⲟⲩⲱϩ ϩⲛϩⲉⲛⲙⲁ ⲉⲩϫⲏϩ ⲙⲛⲟⲩⲏⲓ ⲛⲃⲑⲣⲣⲉ ϩⲛⲟⲩϣⲟⲛⲧ</ab>
10ⲙⲙⲛⲗⲁⲁⲩ ⲛⲁⲛⲁ ⲛⲧⲉⲯⲩⲭⲏ ⲙⲡⲁⲥⲉⲃⲏⲥ ⲏ ⲛⲉⲧⲛⲁⲛⲁⲩ ⲉⲣⲟⲥ</ab>
11ⲉⲣⲉⲡⲉⲧⲁⲙⲁϩⲧⲉ ϯⲟⲥⲉ ⲡⲃⲁⲗϩⲏⲧ ⲛⲁⲥⲃⲟ ⲛϩⲟⲩⲟ ⲡⲥⲟⲫⲟⲥ ⲇⲉ ⲉⲧⲉⲓⲙⲉ ⲛⲁϣⲱⲡ ⲉⲣⲟϥ ⲙⲡⲥⲟⲟⲩⲛ</ab>
12ⲡⲛⲟⲩⲧⲉ ⲛⲁⲧⲁⲕⲟ ⲛⲛϩⲏⲧ ⲛⲛⲁⲥⲉⲃⲏⲥ ⲁⲩⲱ ϣⲁϥⲥⲱϣϥ ⲛⲛⲁⲥⲉⲃⲏⲥ ϩⲛϩⲉⲛⲡⲉⲑⲟⲟⲩ</ab>
13ⲡⲉⲧϣⲧⲁⲙ ⲛⲛⲉϥⲙⲁⲁϫⲉ ⲉⲧⲙⲥⲱⲧⲙ ⲉⲩϩⲏⲕⲉ ⲡⲁⲓ ⲛⲁⲱϣ ⲉϩⲣⲁⲓ ⲉⲡⲛⲟⲩⲧⲉ ⲛϥⲧⲙⲥⲱⲧⲙ ⲉⲣⲟϥ</ab>
14ϣⲁⲣⲉⲟⲩϯ ϩⲛⲟⲩϩⲱⲡ ⲕⲧⲟ ⲉⲃⲟⲗ ⲛⲛⲟⲣⲅⲏ ⲡⲉⲧϯⲥⲟ ⲇⲉ ⲉϯⲇⲱⲣⲟⲛ ⲛⲁⲧⲟⲩⲛⲉⲥⲟⲩϭⲱⲛⲧ ⲉϥⲛⲁϣⲧ</ab>
15ⲡⲟⲩⲛⲟϥ ⲛⲛⲇⲓⲕⲁⲓⲟⲥ ⲡⲉ ⲣⲡϩⲁⲡ ⲡⲉⲧⲧⲃⲃⲏⲩ ⲇⲉ ϫⲁϩⲙ ⲛⲧⲛⲛⲛⲣⲉϥⲣⲡⲉⲑⲟⲟⲩ ⲡⲣⲱⲙⲉ ⲙⲡⲁⲣⲁⲛⲟⲙⲟⲥ ⲛⲁϩⲉ ⲉϩⲣⲁⲓ ⲉϩⲉⲛⲡⲉⲑⲟⲟⲩ</ab>
16ⲡⲣⲱⲙⲉ ⲇⲉ ⲉⲧⲥⲟⲣⲙ ϩⲛⲛⲉϩⲓⲟⲟⲩⲉ ⲛⲧⲇⲓⲕⲁⲓⲟⲥⲩⲛⲏ ϥⲛⲁϣⲱⲡⲉ ϩⲛⲧⲥⲟⲟⲩϩⲥ ⲛⲛϫⲱⲱⲣⲉ</ab>
17ⲡⲣⲱⲙⲉ ⲉⲧϣⲁⲁⲧ ⲙⲉ ⲛⲟⲩⲟⲩⲛⲟϥ ⲡⲉⲧⲙⲉ ⲇⲉ ⲛⲟⲩⲇⲱⲣⲟⲛ ⲙⲛⲟⲩⲙⲛⲧⲣⲙⲙⲁⲟ ⲉⲛⲟϫⲥ ⲉⲧⲱⲱⲙⲉ ⲟⲩⲁⲥⲉⲃⲏⲥ ⲡⲉ</ab>
18ⲙⲡⲁⲣⲁⲛⲟⲙⲟⲥ ⲥⲟϣϥ ⲛⲧⲙⲡⲇⲓⲕⲁⲓⲟⲥ</ab>
19ⲛⲁⲛⲟⲩⲟⲩⲱϩ ϩⲓⲡϫⲁⲓⲉ ⲉϩⲟⲩⲉⲟⲩⲱϩ ⲙⲛⲟⲩⲥϩⲓⲙⲉ ⲛⲣⲉϥⲙⲓϣⲉ ⲁⲩⲱ ⲛⲣⲉϥϭⲱⲛⲧ</ab>
20ⲟⲩⲛⲟⲩⲁϩⲟ ⲉϥⲥⲟⲧⲡ ⲛⲁϣⲱⲡⲉ ϩⲓⲣⲛⲧⲧⲁⲡⲣⲟ ⲛⲛⲥⲟⲫⲟⲥ ⲛⲣⲱⲙⲉ ⲇⲉ ⲛⲁⲑⲏⲧ ⲛⲁⲟⲙⲕϥ</ab>
21ⲧⲉϩⲓⲏ ⲛⲧⲇⲓⲕⲁⲓⲟⲥⲩⲛⲏ ⲙⲛⲧⲙⲛⲧⲛⲁ ⲛⲁⲧⲁϩⲉⲡⲱⲛϩ ⲙⲛⲡⲉⲟⲟⲩ ϩⲛⲟⲩⲉⲓⲣⲏⲛⲏ</ab>
22ⲁⲡⲥⲟⲫⲟⲥ ⲁⲗⲉ ⲉϫⲛⲙⲡⲟⲗⲓⲥ ⲉⲧϫⲟⲥⲉ ⲁⲩⲱ ⲁϥϣⲟⲣϣⲣ ⲙⲡϫⲓⲥⲉ ⲉⲧⲉⲣⲉⲛⲁⲥⲉⲃⲏⲥ ⲕⲱ ⲛϩⲧⲏⲩ ⲉⲣⲟϥ</ab>
23ⲡⲉⲧϩⲁⲣⲉϩ ⲣⲱϥ ⲙⲛⲡⲉϥⲗⲁⲥ ⲉϥϩⲁⲣⲉϩ ⲉⲧⲉϥⲯⲩⲭⲏ</ab>
24ⲡⲛⲁϣⲧⲉⲓⲙⲙⲉ ⲙⲛⲡⲃⲁⲃⲉⲣⲱⲙⲉ ⲡⲗⲟⲓⲙⲟⲥ ⲉⲣⲛⲧϥ ⲡⲣⲉϥⲙⲉⲥⲡⲉⲑⲟⲟⲩ ⲇⲉ ⲟⲩⲡⲁⲣⲁⲛⲟⲙⲟⲥ ⲡⲉ</ab>
25ϣⲁⲣⲉⲛⲉⲡⲓⲑⲩⲙⲓⲁ ⲙⲉⲩⲧⲡⲣⲉϥϫⲛⲁⲁⲩ ⲛⲛⲉϥⲥⲟⲩⲧⲛⲧⲟⲟⲧϥ ⲅⲁⲣ ⲉⲃⲟⲗ ⲉⲣⲗⲁⲁⲩ</ab>
26ⲡⲁⲥⲉⲃⲏⲥ ⲉⲡⲓⲑⲩⲙⲓ ⲉϩⲉⲛⲉⲡⲓⲑⲩⲙⲓⲁ ⲉⲩϩⲟⲟⲩ ⲙⲡⲉϩⲟⲟⲩ ⲧⲏⲣϥ ⲡⲇⲓⲕⲁⲓⲟⲥ ⲇⲉ ⲛⲁ ⲁⲩⲱ ϥϣⲛϩⲧⲏϥ ⲁϫⲛⲱϫⲛ</ab>
27ⲧⲃⲟⲧⲉ ⲙⲡϫⲟⲉⲓⲥ ⲧⲉ ⲧⲉⲑⲩⲥⲓⲁ ⲛⲛⲁⲥⲉⲃⲏⲥ ⲕⲁⲓ ⲅⲁⲣ ⲉⲩⲧⲁⲗⲟ ⲙⲙⲟⲟⲩ ⲉϩⲣⲁⲓ ϩⲛⲟⲩⲙⲛⲧⲁⲧϩⲁⲡ</ab>
28ⲡⲙⲛⲧⲣⲉ ⲛϭⲟⲗ ⲛⲁⲧⲁⲕⲟ ⲡⲣⲱⲙⲉ ⲇⲉ ⲛⲥⲙⲏⲧ ⲛⲁϣⲁϫⲉ ⲉϥϯϩⲧⲏϥ</ab>
29ⲡⲣⲱⲙⲉ ⲛⲁⲥⲉⲃⲏⲥ ϣⲁϥⲧⲁϩⲉⲡⲉϥϩⲟ ⲉⲣⲁⲧϥ ϩⲛⲟⲩⲙⲛⲧⲁⲧϣⲓⲡⲉ ⲡⲉⲧⲥⲟⲩⲧⲱⲛ ⲇⲉ ⲉⲓⲙⲉ ⲉⲛⲉϥϩⲓⲟⲟⲩⲉ</ab>
30ⲡⲉⲧⲉⲙⲛⲧϥⲧⲥⲟⲫⲓⲁ ⲟⲩⲇⲉ ⲙⲛⲧϥⲧⲙⲛⲧϫⲱⲱⲣⲉ ⲟⲩⲇⲉ ⲙⲛⲧϥϣⲟϫⲛⲉ ⲉⲃⲟⲗ ϩⲓⲧⲙⲡⲛⲟⲩⲧⲉ</ab>
31ⲉϣⲁⲩⲥⲃⲧⲉⲟⲩϩⲧⲟ ⲉⲩϩⲟⲟⲩ ⲑⲙⲡⲟⲗⲉⲙⲟⲥ ⲉⲣⲉⲧⲃⲟⲏⲑⲓⲁ ⲇⲉ ⲛⲧⲙⲡⲛⲟⲩⲧⲉ</ab>