1ⲁⲩⲱ ⲡⲁⲓ ⲡⲉ ⲡⲛⲟⲙⲟⲥ ⲙⲡⲟⲓⲗⲉ ⲉⲧⲟⲩⲛⲁⲉⲛⲧϥ ϩⲁ ⲛⲟⲃⲉ ⲛⲉⲧⲟⲩⲁⲁⲃ ⲛⲧⲉ ⲛⲉⲧⲟⲩⲁⲁⲃ ⲛⲉ</ab>
2ϩⲙ ⲡⲙⲁ ⲉⲧⲟⲩⲛⲁϣⲱⲱⲧ ⲛϩⲏⲧϥ ⲙⲡϩⲟⲗⲟⲕⲁⲩⲧⲱⲙⲁ ⲉⲩⲉϣⲱⲱⲧ ⲙⲡⲟⲓⲗⲉ ⲛⲧⲙⲛⲧⲁⲧⲥⲟⲟⲩⲛ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲡⲉϥⲥⲛⲟϥ ⲉϥⲉⲡⲟⲟⲛⲉϥ ϩⲁⲧⲛ ⲧⲃⲁⲥⲓⲥ ⲙⲡⲉⲑⲩⲥⲓⲁⲥⲧⲏⲣⲓⲟⲛ ⲉϥⲕⲱⲧⲉ</ab>
3ⲁⲩⲱ ⲡⲃⲱ ⲧⲏⲣϥ ⲉϥⲉⲧⲁⲗⲟϥ ⲉϩⲣⲁⲓ ⲉϫⲱϥ ⲧϯⲡⲉ ⲁⲩⲱ ⲡⲱⲧ ⲧⲏⲣϥ ⲉⲧϩⲓϫⲛⲛⲁⲡϩⲟⲩⲛ</ab>
4ⲁⲩⲱ ⲡⲥⲟⲉⲓϣ ⲛϭⲗⲱⲧ ⲙⲛ ⲡⲱⲧ ⲉⲧϩⲓϫⲱⲟⲩ ⲡⲉⲧϩⲓϫⲛⲙⲙⲉⲣⲟⲥ ⲁⲩⲱ ⲡⲗⲟⲃⲟⲥ ⲏ ⲧⲉⲕⲗⲁⲛⲧⲁ ⲉⲧϩⲓϫⲛⲡϩⲏⲡⲁⲣ ⲁⲩⲱ ⲛⲉϥϭⲗⲟⲟⲧⲉ ⲉϥⲉϥⲓⲧⲟⲩ ⲙⲙⲁⲩ</ab>
5ⲛⲧⲉⲡⲟⲩⲏⲏⲃ ⲧⲁⲗⲟⲟⲩ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲉⲩϭⲗⲓⲗ ⲙⲡϫⲟⲉⲓⲥ ⲉⲧⲃⲉ ⲛⲟⲃⲉ</ab>
6ϩⲟⲟⲩⲧ ⲛⲓⲙ ⲉⲃⲟⲗ ϩⲛ ⲛⲟⲩⲏⲏⲃ ⲉⲩⲉⲟⲩⲱⲙ ⲙⲙⲟⲟⲩ ⲛⲉⲧⲟⲩⲁⲁⲃ ⲛⲧⲉ ⲛⲉⲧⲟⲩⲁⲁⲃ ⲛⲉ</ab>
7ⲛⲑⲉ ⲙⲡⲉϭⲗⲓⲗ ⲙⲡⲛⲟⲃⲉ ⲧⲁⲓ ⲧⲉ ⲑⲉ ϩⲱⲱϥ ⲙⲡⲉϭⲗⲓⲗ ⲛⲧⲙⲛⲧⲁⲧⲥⲟⲟⲩⲛ ⲉⲣⲉⲟⲩⲛⲟⲙⲟⲥ ⲛⲟⲩⲱⲧ ϣⲱⲡⲉ ⲛⲁⲩ ⲡⲟⲩⲏⲏⲃ ⲉⲧⲛⲁⲥⲟⲡⲥ ⲛϩⲏⲧϥ ⲉϥⲉϣⲱⲡⲉ ⲛⲁϥ</ab>
8ⲁⲩⲱ ⲡⲟⲩⲏⲏⲃ ⲉⲧⲛⲁⲉⲓⲛⲉ ⲙⲡⲉϭⲗⲓⲗ ⲙⲡⲣⲱⲙⲉ ⲡϣⲁⲁⲣ ⲛⲑⲟⲗⲟⲕⲁⲩⲧⲱⲙⲁ ⲡⲉⲧⲉϥⲛⲁⲧⲁⲗⲟⲥ ⲉϩⲣⲁⲓ ⲉϥⲉϣⲱⲡⲉ ⲛⲁϥ</ab>
9ⲁⲩⲱ ⲑⲩⲥⲓⲁ ⲛⲓⲙ ⲉⲧⲟⲩⲛⲁⲧⲟϭⲥ ϩⲛ ⲟⲩⲧⲣⲓⲣ ⲁⲩⲱ ⲑⲩⲥⲓⲁ ⲛⲓⲙ ⲉⲧⲟⲩⲛⲁⲧⲁⲙⲓⲟⲥ ϩⲛ ⲟⲩⲉⲥⲭⲁⲣⲁ ⲏ ϩⲛ ⲟⲩⲗⲁⲕⲛⲧ ⲡⲟⲩⲏⲏⲃ ⲉⲧⲛⲁⲧⲁⲗⲟⲥ ⲉϩⲣⲁⲓ ⲉⲥⲉϣⲱⲡⲉ ⲛⲁϥ</ab>
10ⲁⲩⲱ ⲑⲩⲥⲓⲁ ⲛⲓⲙ ⲉⲥⲧⲁⲙⲓⲏⲩ ϩⲓ ⲛⲉϩ ⲁⲩⲱ ⲛⲉⲧⲉⲛⲥⲉⲧⲁⲙⲓⲏ ⲁⲛ ϩⲓ ⲛⲉϩ ⲉⲩⲉϣⲱⲡⲉ ⲛⲛⲉⲛϣⲏⲣⲉ ⲧⲏⲣⲟⲩ ⲛⲁⲁⲣⲱⲛ ⲛⲟⲩϣⲱϣ ⲙⲡⲟⲩⲁ ⲡⲟⲩⲁ</ab>
11ⲡⲁⲓ ⲡⲉ ⲡⲛⲟⲙⲟⲥ ⲛⲧⲉⲑⲩⲥⲓⲁ ⲛⲟⲩϫⲁⲓ ⲉⲧⲟⲩⲛⲁⲉⲛⲧⲥ ⲙⲡϫⲟⲉⲓⲥ</ab>
12ⲉϥϣⲁⲛⲉⲛⲧⲥ ⲙⲉⲛ ⲉⲧⲃⲉ ⲟⲩⲥⲙⲟⲩ ⲉϥⲉⲉⲓⲛⲉ ⲟⲛ ⲉϫⲛ ⲧⲉⲑⲩⲥⲓⲁ ⲙⲡⲉⲥⲙⲟⲩ ⲛϩⲉⲛⲟⲉⲓⲕ ⲛⲥⲁⲙⲓⲧ ⲉⲩⲟⲩⲟϣⲙ ϩⲓ ⲛⲉϩ ⲁⲩⲱ ϩⲉⲛⲗⲁⲅⲁⲛⲟⲛ ⲛⲁⲑⲁⲃ ⲉⲩⲧⲁϩⲥ ⲛⲛⲉϩ ⲁⲩⲱ ⲟⲩⲥⲁⲙⲓⲧ ⲉϥⲟⲩⲟϣⲙ ϩⲓ ⲛⲉϩ</ab>
13ⲉϥⲉⲉⲓⲛⲉ ⲙⲡⲉϥⲇⲱⲣⲟⲛ ⲉϫⲛ ϩⲉⲛⲟⲉⲓⲕ ⲛⲁⲑⲁⲃ ⲉϫⲛ ⲟⲩⲑⲩⲥⲓⲁ ⲛⲥⲙⲟⲩ ⲙⲡⲉϥⲟⲩϫⲁⲓ</ab>
14ⲁⲩⲱ ⲉϥⲉⲉⲓⲛⲉ ⲛⲟⲩⲁⲫⲁⲓⲣⲉⲙⲁ ⲙⲡϫⲟⲉⲓⲥ ⲉⲃⲟⲗ ϩⲛ ⲛⲉϥⲇⲱⲣⲟⲛ ⲧⲏⲣⲟⲩ ⲛϥⲧⲁⲁϥ ⲙⲡⲟⲩⲏⲏⲃ ⲡⲉⲧⲛⲁⲡⲱϩⲧ ⲙⲡⲉⲥⲛⲟϥ ⲛⲧⲉⲑⲩⲥⲓⲁ ⲙⲡⲟⲩϫⲁⲓ ⲉⲧⲣⲉϥϣⲱⲡⲉ ⲛⲁϥ</ab>
15ⲁⲩⲱ ⲛⲁϥ ⲛⲧⲉⲑⲩⲥⲓⲁ ⲙⲡⲉⲥⲙⲟⲩ ⲙⲡⲟⲩϫⲁⲓ ⲉⲩⲉϣⲱⲡⲉ ⲛⲁϥ ⲁⲩⲱ ϩⲙ ⲡⲉϩⲟⲟⲩ ⲉⲧⲉϥⲛⲁⲧⲁⲁⲩ ⲛⲧⲁⲉⲓⲟ ⲉⲩⲉⲟⲩⲟⲙⲟⲩ ⲛⲛⲉⲩⲕⲱ ⲉⲡⲁϩⲟⲩ ⲛϩⲏⲧϥ ϣⲁ ⲡⲛⲁⲩ ⲛϩⲧⲟⲟⲩⲉ</ab>
16ⲕⲁⲛ ⲉϣⲱⲡⲉ ⲟⲩⲉⲩⲭⲏ ⲧⲉ ⲏ ϩⲁ ⲡⲉϥⲟⲩⲱϣ ⲉϥⲉⲧⲁⲁⲥ ⲡⲉϥⲇⲱⲣⲟⲛ ⲉϥⲛⲁⲧⲁⲗⲟϥ ⲉϩⲣⲁⲓ ⲛⲟⲩⲑⲩⲥⲓⲁ ϩⲙ ⲡⲉϩⲟⲟⲩ ⲉⲧϥⲛⲁⲉⲓⲛⲉ ⲛⲧⲉϥⲑⲩⲥⲓⲁ ⲉⲩⲉⲟⲩⲱⲙ ⲙⲙⲟⲥ</ab>
17ⲁⲩⲱ ⲡⲉⲛⲧⲁϥⲥⲉⲉⲡⲉ ⲉⲃⲟⲗ ϩⲛ ⲛⲁϥ ⲛⲧⲉⲑⲩⲥⲓⲁ ϣⲁ ⲡⲙⲉϩϣⲟⲙⲛⲧ ⲛϩⲟⲟⲩ ⲉⲩⲉⲣⲟⲕϩϥ ϩⲛ ⲟⲩⲥⲁⲧⲉ</ab>
18ϩⲛ ⲟⲩⲱⲙ ⲇⲉ ⲉϥϣⲁⲛⲟⲩⲱⲙ ⲉⲃⲟⲗ ϩⲛ ⲛⲁϥ ϩⲙ ⲡⲙⲉϩϣⲟⲙⲛⲧ ⲛϩⲟⲟⲩ ⲛⲛⲉⲩϣⲟⲡⲥ ⲛⲥϣⲏⲡ ⲁⲛ ⲙⲡⲉⲧⲛⲁⲡⲣⲟⲥⲫⲉⲣⲉⲓ ⲙⲙⲟⲥ ⲛⲛⲉⲩⲟⲡⲥ ⲉⲣⲟϥ ⲟⲩϫⲱϩⲙ ⲛⲁϥ ⲧⲉ ⲧⲉⲯⲩⲭⲏ ⲇⲉ ⲉⲧⲛⲁⲟⲩⲱⲙ ⲉⲃⲟⲗ ⲛϩⲏⲧϥ ⲥⲛⲁϫⲓ ⲙⲡⲉⲥⲛⲟⲃⲉ</ab>
19ⲁⲩⲱ ϩⲉⲛⲁϥ ⲉⲩϣⲁⲛϫⲱϩ ⲉⲉⲛⲕⲁ ⲛⲓⲙ ⲉϥϫⲁϩⲙ ⲛⲛⲉⲩⲟⲩⲟⲙⲟⲩ ⲉⲩⲉⲣⲟⲕϩⲟⲩ ϩⲛ ⲟⲩⲥⲁⲧⲉ ⲟⲩⲟⲛ ⲛⲓⲙ ⲉϥⲧⲃⲃⲏⲩ ⲉϥⲉⲟⲩⲉⲙⲁϥ</ab>
20ⲧⲉⲯⲩⲭⲏ ⲇⲉ ⲉⲧⲛⲁⲟⲩⲱⲙ ⲉⲃⲟⲗ ϩⲛ ⲛⲁϥ ⲛⲧⲉⲑⲩⲥⲓⲁ ⲙⲡⲟⲩϫⲁⲓ ⲉⲧⲉⲡⲁⲡϫⲟⲉⲓⲥ ⲡⲉ ⲉⲣⲉⲧⲉϥⲁⲕⲁⲑⲁⲣⲥⲓⲁ ⲇⲉ ϩⲓϫⲱϥ ⲉⲥⲉⲧⲁⲕⲟ ⲛϭⲓ ⲧⲉⲯⲩⲭⲏ ⲉⲧⲙⲙⲁⲩ ⲉⲃⲟⲗ ϩⲙ ⲡⲉⲥⲗⲁⲟⲥ</ab>
21ⲁⲩⲱ ⲧⲉⲯⲩⲭⲏ ⲉⲧⲛⲁϫⲱϩ ⲉϩⲱⲃ ⲛⲓⲙ ⲉⲧϫⲁϩⲙ ⲉⲃⲟⲗ ϩⲛ ⲟⲩⲁⲕⲁⲑⲁⲣⲥⲓⲁ ⲛⲣⲱⲙⲉ ⲏ ⲉⲃⲟⲗ ϩⲛ ⲛⲧⲃⲛⲟⲟⲩⲉ ⲉⲧϫⲁϩⲙ ⲏ ⲉⲃⲟⲗ ϩⲛ ⲃⲟⲧⲉ ⲛⲓⲙ ⲉϥϫⲁϩⲙ ⲁⲩⲱ ⲛⲥⲟⲩⲱⲙ ⲉⲃⲟⲗ ϩⲛ ⲛⲁϥ ⲛⲧⲉⲑⲩⲥⲓⲁ ⲙⲡⲟⲩϫⲁⲓ ⲉⲧⲁⲡϫⲟⲉⲓⲥ ⲧⲉ ⲁⲩⲱ ⲉⲣⲉⲧⲉϥⲁⲕⲁⲑⲁⲣⲥⲓⲁ ϩⲓϫⲱϥ ⲉⲣⲉⲧⲉⲯⲩⲭⲏ ⲉⲧⲙⲙⲁⲩ ⲧⲁⲕⲟ ⲉⲃⲟⲗ ϩⲙ ⲡⲉⲥⲗⲁⲟⲥ</ab>
22ⲁⲩⲱ ⲡϫⲟⲉⲓⲥ ⲁϥϣⲁϫⲉ ⲙⲛ ⲙⲱⲩⲥⲏⲥ ⲁϥϫⲱ ⲙⲙⲟⲥ ⲛⲁϥ</ab>
23ϫⲉ ϣⲁϫⲉ ⲙⲛ ⲛϣⲏⲣⲉ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ⲛⲁⲩ ϫⲉ ⲱⲧ ⲛⲓⲙ ⲛⲛⲉϩⲟⲟⲩ ⲙⲛ ⲛⲉⲥⲟⲟⲩ ⲙⲛ ⲛⲃⲁⲁⲙⲡⲉ ⲛⲛⲉⲧⲛⲟⲩⲟⲙⲟⲩ</ab>
24ⲁⲩⲱ ⲡⲱⲧ ⲛⲟⲩⲧⲃⲛⲏ ⲉⲁϥⲙⲟⲩ ⲁⲩⲱ ⲉⲁⲑⲏⲣⲓⲟⲛ ⲁⲁϥ ⲛⲁⲕⲱ ⲉⲩⲉⲧⲁⲙⲓⲟϥ ⲉϩⲱⲃ ⲛⲓⲙ ⲁⲩⲱ ϩⲛ ⲟⲩⲟⲩⲱⲙ ⲛⲛⲉⲩⲟⲩⲟⲙϥ</ab>
25ⲟⲩⲟⲛ ⲛⲓⲙ ⲉⲧⲛⲁⲟⲩⲱⲙ ⲛⲟⲩⲱⲧ ⲉⲃⲟⲗ ϩⲛ ⲛⲧⲃⲛⲟⲟⲩⲉ ⲉⲧⲉⲧⲛⲁⲉⲓⲛⲉ ⲉⲃⲟⲗ ⲛϩⲏⲧⲟⲩ ⲛⲟⲩϭⲗⲓⲗ ⲙⲡϫⲟⲉⲓⲥ ⲉⲥⲉⲧⲁⲕⲟ ⲛϭⲓ ⲧⲉⲯⲩⲭⲏ ⲉⲧⲙⲙⲁⲩ ⲉⲃⲟⲗ ϩⲙ ⲡⲉⲥⲗⲁⲟⲥ</ab>
26ⲛⲛⲉⲧⲛⲟⲩⲉⲙ ⲗⲁⲁⲩ ⲛⲥⲛⲟϥ ϩⲛ ⲛⲛⲉⲧⲛⲙⲁ ⲛϣⲱⲡⲉ ⲧⲏⲣⲟⲩ ⲉⲃⲟⲗ ϩⲛ ⲛϩⲁⲗⲁⲧⲉ ⲙⲛ ⲛⲧⲃⲛⲟⲟⲩⲉ</ab>
27ⲯⲩⲭⲏ ⲛⲓⲙ ⲉⲧⲛⲁⲟⲩⲉⲙ ⲗⲁⲁⲩ ⲛⲥⲛⲟϥ ⲉⲣⲉⲧⲉⲯⲩⲭⲏ ⲉⲧⲙⲙⲁⲩ ⲧⲁⲕⲟ ⲉⲃⲟⲗ ϩⲙ ⲡⲉⲥⲗⲁⲟⲥ</ab>
28ⲁⲩⲱ ⲡϫⲟⲉⲓⲥ ⲁϥϣⲁϫⲉ ⲙⲛ ⲙⲱⲩⲥⲏⲥ ⲉϥϫⲱ ⲙⲙⲟⲥ ⲛⲁϥ</ab>
29ϫⲉ ϣⲁϫⲉ ⲙⲛ ⲛϣⲏⲣⲉ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ⲛⲁⲩ ϫⲉ ⲡⲉⲧⲛⲁⲉⲓⲛⲉ ⲛⲟⲩⲑⲩⲥⲓⲁ ⲛⲟⲩϫⲁⲓ ⲙⲡϫⲟⲉⲓⲥ ⲉϥⲉⲉⲓⲛⲉ ⲙⲡⲉϥⲇⲱⲣⲟⲛ ⲙⲡϫⲟⲉⲓⲥ ⲉⲃⲟⲗ ϩⲛ ⲧⲉⲑⲩⲥⲓⲁ ⲙⲡⲟⲩϫⲁⲓ</ab>
30ⲛⲉϥϭⲓϫ ⲉⲩⲉⲉⲓⲛⲉ ⲛⲛⲉϭⲗⲓⲗ ⲙⲡϫⲟⲉⲓⲥ ⲡⲱⲧ ⲉⲧϩⲓϫⲙⲡⲉⲥⲧⲏⲑⲩⲛⲓⲟⲛ ⲁⲩⲱ ⲡⲗⲟⲃⲟⲥ ⲏ ⲧⲉⲕⲗⲁⲛⲇⲁ ⲉⲧϩⲓϫⲙⲡϩⲏⲡⲁⲣ ⲉϥⲉⲡⲣⲟⲥⲫⲉⲣⲉⲓ ⲙⲙⲟⲟⲩ ϩⲱⲥⲧⲉ ⲉⲧⲁⲗⲟⲟⲩ ⲉϩⲣⲁⲓ ⲛⲧⲁⲉⲓⲟ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ</ab>
31ⲁⲩⲱ ⲡⲟⲩⲏⲏⲃ ⲉϥⲉⲧⲁⲗⲟ ⲉϩⲣⲁⲓ ⲙⲡⲱⲧ ⲉⲧϩⲓϫⲙⲡⲉⲥⲧⲏⲑⲩⲛⲓⲟⲛ ⲁⲩⲱ ⲡⲉⲥⲧⲏⲑⲩⲛⲓⲟⲛ ⲉϥⲉϣⲱⲡⲉ ⲛⲁⲁⲣⲱⲛ ⲙⲛ ⲛⲉϥϣⲏⲣⲉ</ab>
32ⲁⲩⲱ ⲡⲉϭⲃⲟⲓ ⲛⲟⲩⲛⲁⲙ ⲉⲧⲉⲧⲛⲉϥⲓⲧϥ ⲛⲧⲉⲧⲛⲧⲁⲁϥ ⲙⲡⲟⲩⲏⲏⲃ ⲉⲃⲟⲗ ϩⲛ ⲛⲉⲑⲩⲥⲓⲁ ⲙⲡⲉⲧⲛⲟⲩϫⲁⲓ</ab>
33ⲡⲉⲧⲛⲁⲡⲣⲟⲥⲫⲉⲣⲉⲓ ⲙⲡⲉⲥⲛⲟϥ ⲙⲡⲟⲩϫⲁⲓ ⲙⲛ ⲡⲱⲧ ⲉⲃⲟⲗ ϩⲛ ⲛϣⲏⲣⲉ ⲛⲁⲁⲣⲱⲛ ⲡⲉϭⲃⲟⲓ ⲛⲟⲩⲛⲁⲙ ⲉϥⲉϣⲱⲡⲉ ⲛⲁϥ ⲙⲙⲉⲣⲓⲥ</ab>
34ⲡⲉⲥⲧⲏⲑⲩⲛⲓⲟⲛ ⲅⲁⲣ ⲙⲡⲧⲁⲗⲟ ⲉϩⲣⲁⲓ ⲁⲩⲱ ⲡⲉϭⲃⲟⲓ ⲙⲡⲁⲫⲁⲓⲣⲉⲙⲁ ⲁⲓϫⲓⲧϥ ⲛⲧⲟⲟⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲉⲃⲟⲗ ϩⲛ ⲛⲉⲑⲩⲥⲓⲁ ⲙⲡⲉⲧⲛⲟⲩϫⲁⲓ ⲁⲓⲧⲁⲁⲩ ⲛⲁⲁⲣⲱⲛ ⲡⲟⲩⲏⲏⲃ ⲙⲛ ⲛⲉϥϣⲏⲣⲉ ⲉⲩⲛⲟⲙⲓⲙⲟⲛ ϣⲁ ⲉⲛⲉϩ ⲛⲧⲟⲟⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ</ab>
35ⲧⲁⲓ ⲧⲉ ⲧⲉⲕⲣⲓⲥⲓⲥ ⲛⲁⲁⲣⲱⲛ ⲁⲩⲱ ⲧⲉⲕⲣⲓⲥⲓⲥ ⲛⲛⲉϥϣⲏⲣⲉ ⲉⲃⲟⲗ ϩⲛ ⲛⲉϭⲗⲓⲗ ⲙⲡϫⲟⲉⲓⲥ ϩⲙ ⲡⲉϩⲟⲟⲩ ⲉⲧⲉⲧⲛⲉⲉⲛⲧⲟⲩ ⲉϣⲙϣⲉ ⲙⲡϫⲟⲉⲓⲥ</ab>
36ⲕⲁⲧⲁ ⲑⲉ ⲛⲧⲁⲡϫⲟⲉⲓⲥ ⲟⲩⲉϩⲥⲁϩⲛⲉ ⲉϯ ⲛⲁⲩ ϩⲙ ⲡⲉϩⲟⲟⲩ ⲛⲧⲁϥⲧⲁϩⲥⲟⲩ ⲛⲧⲟⲟⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲛⲟⲩⲛⲟⲙⲓⲙⲟⲛ ϣⲁ ⲉⲛⲉϩ ⲉⲛⲉⲧⲛⲅⲉⲛⲁⲓⲁ</ab>
37ⲡⲁⲓ ⲡⲉ ⲡⲛⲟⲙⲟⲥ ⲛⲛⲉϭⲗⲓⲗ ⲙⲛ ⲛⲉⲑⲩⲥⲓⲁ ϩⲁ ⲛⲟⲃⲉ ⲙⲛ ⲧⲉⲑⲩⲥⲓⲁ ⲛⲧⲙⲛⲧⲁⲧⲥⲟⲟⲩⲛ ⲙⲛ ⲧⲉⲑⲩⲥⲓⲁ ⲙⲡⲧⲃⲃⲟ ⲁⲩⲱ ⲧⲉⲑⲩⲥⲓⲁ ⲙⲡⲟⲩϫⲁⲓ</ab>
38ⲕⲁⲧⲁ ⲑⲉ ⲛⲧⲁⲡϫⲟⲉⲓⲥ ϩⲱⲛ ⲉⲧⲟⲟⲧϥ ⲙⲙⲱⲩⲥⲏⲥ ϩⲙ ⲡⲧⲟⲟⲩ ⲛⲥⲓⲛⲁ ϩⲙ ⲡⲉϩⲟⲟⲩ ⲛⲧⲁϥϩⲱⲛ ⲉⲧⲟⲟⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲉⲧⲣⲉⲩⲧⲁⲗⲟ ⲉϩⲣⲁⲓ ⲛⲛⲉⲩⲇⲱⲣⲟⲛ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ϩⲛ ⲧⲉⲣⲏⲙⲟⲥ ⲛⲥⲓⲛⲁ</ab>