1ⲁⲩⲱ ⲁⲡϫⲟⲉⲓⲥ ⲙⲟⲩⲧⲉ ⲉⲙⲱⲩⲥⲏⲥ ⲁϥϣⲁϫⲉ ⲛⲙⲙⲁϥ ⲉⲃⲟⲗ ϩⲛ ⲧⲉⲥⲕⲏⲛⲏ ⲙⲡⲙⲁⲣⲧⲩⲣⲓⲟⲛ ⲉϥϫⲱ ⲙⲙⲟⲥ</ab>
2ϫⲉ ϣⲁϫⲉ ⲙⲛ ⲛϣⲏⲣⲉ ⲙⲡⲓⲥⲣⲁⲏⲗ ⲛⲅϫⲟⲟⲥ ⲛⲁⲩ ϫⲉ ⲟⲩⲣⲱⲙⲉ ⲉⲃⲟⲗ ⲛϩⲏⲧⲧⲏⲩⲧⲛ ⲉϥϣⲁⲛⲉⲓⲛⲉ ⲛϩⲉⲛⲇⲱⲣⲟⲛ ⲉⲧⲁⲗⲟⲟⲩ ⲉϩⲣⲁⲓ ⲙⲡϫⲟⲉⲓⲥ ⲉⲃⲟⲗ ϩⲛ ⲛⲧⲃⲛⲟⲟⲩⲉ ⲉⲧⲉⲧⲉⲛⲉⲓⲛⲉ ⲛⲛⲉⲧⲉⲛⲇⲱⲣⲟⲛ ϩⲛ ⲛⲉⲧⲉⲛⲉϩⲟⲟⲩ ⲁⲩⲱ ⲉⲃⲟⲗ ϩⲛ ⲛⲉⲧⲉⲛⲉⲥⲟⲟⲩ</ab>
3ⲉϣⲱⲡⲉ ⲉϥϣⲁⲛⲉⲓⲛⲉ ⲙⲡⲉϥⲇⲱⲣⲟⲛ ⲛϩⲟⲗⲟⲕⲁⲩⲧⲱⲙⲁ ⲉⲃⲟⲗ ϩⲛ ⲛⲉϩⲟⲟⲩ ⲉϥⲉⲉⲛⲧϥ ⲉⲩϩⲟⲟⲩⲧ ⲡⲉ ⲉⲙⲛϫⲃⲓⲛ ⲛϩⲏⲧϥ ϩⲁⲧⲛ ⲛⲣⲟ ⲛⲧⲉⲥⲕⲏⲛⲏ ⲙⲡⲙⲁⲣⲧⲩⲣⲓⲟⲛ ⲛϥⲉⲓⲛⲉ ⲙⲡⲉⲧⲥⲟⲧⲡ ⲛⲁϩⲣⲁϥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ</ab>
4ⲁⲩⲱ ⲉϥⲧⲁⲗⲉⲧⲟⲟⲧϥ ⲉϫⲛ ⲧⲁⲡⲉ ⲙⲡⲉϭⲗⲓⲗ ⲉϥⲛⲁⲧⲁⲗⲟϥ ⲉϩⲣⲁⲓ ⲛϥⲥⲟⲡⲥ ⲛⲧⲟⲟⲧϥ ⲉⲧⲣⲉⲩⲧⲱⲃϩ ⲉϫⲱϥ</ab>
5ⲁⲩⲱ ⲉⲩⲉϣⲱⲱⲧ ⲙⲙⲟϥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲛⲥⲉⲉⲓ ⲛϭⲓ ⲛϣⲏⲣⲉ ⲛⲁⲁⲣⲱⲛ ⲛⲟⲩⲏⲏⲃ ⲛⲥⲉⲡⲱϩⲧ ⲙⲡⲉϥⲥⲛⲟϥ ϩⲁⲧⲙ ⲡϥⲉⲑⲩⲥⲓⲁⲥⲧⲏⲣⲓⲟⲛ ⲡⲁⲓ ⲉⲧⲙⲡⲉⲙⲧⲟ ⲉⲃⲟⲗ ⲛⲧⲉⲥⲕⲏⲛⲏ ⲙⲡⲙⲁⲣⲧⲩⲣⲓⲟⲛ</ab>
6
7ⲁⲩⲱ ⲛϣⲏⲣⲉ ⲛⲁⲁⲣⲱⲛ ⲉⲧⲉⲛⲟⲩⲏⲏⲃ ⲛⲉ ⲉⲩⲉⲧⲁⲗⲉⲕⲱϩⲧ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲁⲩⲱ ⲉⲩⲉϩⲉⲣϭϣⲉ ⲉϫⲙ ⲡⲕⲱϩⲧ</ab>
8ⲁⲩⲱ ⲉⲣⲉⲛϣⲏⲣⲉ ⲛⲁⲁⲣⲱⲛ ⲛⲟⲩⲏⲏⲃ ⲧⲁⲗⲉⲙⲙⲉⲗⲟⲥ ⲉϫⲛ ⲧⲁⲡⲉ ⲁⲩⲱ ⲡⲱⲧ ⲉϫⲛ ⲛϣⲉ ⲉⲧϩⲓϫⲛⲡⲕⲱϩⲧ ⲙⲡⲉⲑⲩⲥⲓⲁⲥⲧⲏⲣⲓⲟⲛ</ab>
9ⲛⲉⲧⲙⲡⲉϥϩⲟⲩⲛ ⲇⲉ ⲙⲛ ⲛⲉϥⲟⲩⲉⲣⲏⲧⲉ ⲉⲩⲉⲉⲓⲁⲁⲩ ⲉⲃⲟⲗ ϩⲛ ⲟⲩⲙⲟⲟⲩ ⲁⲩⲱ ⲉⲣⲉⲡⲟⲩⲏⲏⲃ ⲧⲁⲗⲟⲟⲩ ⲧⲏⲣⲟⲩ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲉⲩϩⲟⲗⲟⲕⲁⲩⲧⲱⲙⲁ ⲡⲉ ⲛⲑⲩⲥⲓⲁ ⲙⲙⲁϩ ⲙⲡϫⲟⲉⲓⲥ</ab>
10ⲉϣⲱⲡⲉ ⲇⲉ ⲡⲉϥⲇⲱⲣⲟⲛ ⲉϥⲛⲁⲉⲓⲛⲉ ⲙⲙⲟϥ ⲉⲃⲟⲗ ϩⲛ ⲛⲉϥⲉⲥⲟⲟⲩ ⲙⲡϫⲟⲉⲓⲥ ⲉⲁⲁϥ ⲛϩⲟⲗⲟⲕⲁⲩⲧⲱⲙⲁ ⲉϥⲉⲉⲓⲛⲉ ⲙⲙⲟϥ ⲟⲩϩⲟⲟⲩⲧ ⲡⲉ ⲉⲙⲛϫⲃⲓⲛ ⲛϩⲏⲧϥ ⲉⲃⲟⲗ ϩⲛ ⲛⲉϩⲓⲉⲓⲃ ⲙⲛ ⲛⲃⲁⲁⲙⲡⲉ ⲁⲩⲱ ⲉϥⲉⲧⲁⲗⲉⲧⲟⲟⲧϥ ⲉϫⲛ ⲧⲉϥⲁⲡⲉ</ab>
11ⲛⲥⲉϣⲱⲱⲧ ⲙⲙⲟϥ ⲛⲥⲁ ⲥⲡⲓⲣ ⲙⲡⲉⲑⲩⲥⲓⲁⲥⲧⲏⲣⲓⲟⲛ ⲉⲡⲥⲁ ⲛⲉⲙϩⲓⲧ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲁⲩⲱ ⲛϣⲏⲣⲉ ⲛⲁⲁⲣⲱⲛ ⲛⲟⲩⲏⲏⲃ ⲉⲩⲉⲡⲱϩⲧ ⲙⲡⲉϥⲥⲛⲟϥ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲉϥⲕⲱⲧⲉ</ab>
12ⲁⲩⲱ ⲉⲩⲉⲛⲁϩϥ ⲉⲃⲟⲗ ⲕⲁⲧⲁ ⲙⲉⲗⲟⲥ ⲛⲧⲉⲛⲟⲩⲏⲏⲃ ϥⲓ ⲛⲧⲁⲡⲉ ⲙⲛ ⲡⲱⲧ ⲛⲥⲉϩⲟⲣϫⲟⲩ ⲉϫⲛ ⲛϣⲉ ⲉⲧϩⲓϫⲙⲡⲕⲱϩⲧ ⲉⲧϩⲓϫⲙⲡⲉⲑⲩⲥⲓⲁⲥⲧⲏⲣⲓⲟⲛ</ab>
13ⲁⲩⲱ ⲛⲉⲧⲉⲙⲡⲉϥϩⲟⲩⲛ ⲙⲛ ⲛⲉϥⲟⲩⲉⲣⲏⲧⲉ ⲉⲩⲉⲉⲓⲁⲁⲩ ⲉⲃⲟⲗ ϩⲛ ⲟⲩⲙⲟⲟⲩ ⲁⲩⲱ ⲉⲣⲉⲡⲟⲩⲏⲏⲃ ϫⲓⲧⲟⲩ ⲧⲏⲣⲟⲩ ⲛϥⲧⲁⲗⲟⲟⲩ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲟⲩϩⲟⲗⲟⲕⲁⲩⲧⲱⲙⲁ ⲡⲉ ⲛⲑⲩⲥⲓⲁ ⲛⲥϯⲛⲟⲩϥⲉ ⲙⲙⲁϩ ⲙⲡϫⲟⲉⲓⲥ</ab>
14ⲉⲕϣⲁⲛⲉⲓⲛⲉ ⲇⲉ ⲛⲟⲩⲇⲱⲣⲟⲛ ⲉⲃⲟⲗ ϩⲛ ⲛϩⲁⲗⲁⲧⲉ ⲉⲁⲁϥ ⲛϩⲟⲗⲟⲕⲁⲩⲧⲱⲙⲁ ⲙⲡϫⲟⲉⲓⲥ ⲉϥⲉϫⲓ ⲙⲡⲉϥⲇⲱⲣⲟⲛ ⲉⲃⲟⲗ ϩⲛ ⲛⲉϭⲣⲙⲡϣⲁⲛ ⲏ ⲉⲃⲟⲗ ϩⲛ ⲛⲉϭⲣⲟⲟⲙⲡⲉ</ab>
15ⲁⲩⲱ ⲉⲣⲉⲡⲟⲩⲏⲏⲃ ⲉⲓⲛⲉ ⲙⲙⲟϥ ⲉⲡⲥⲁ ⲙⲡⲉⲑⲩⲥⲓⲁⲥⲧⲏⲣⲓⲟⲛ ⲛϥϭⲛϭⲛⲧⲉϥⲁⲡⲉ ⲛⲧⲉⲛⲟⲩⲏⲏⲃ ⲧⲁⲗⲟϥ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲁⲩⲱ ⲉϥⲉϫⲗϫⲗⲡⲉϥⲥⲛⲟϥ ⲉϫⲛ ⲧⲃⲁⲥⲓⲥ ⲙⲡⲉⲑⲩⲥⲓⲁⲥⲧⲏⲣⲓⲟⲛ</ab>
16ⲁⲩⲱ ⲉϥⲉϥⲓ ⲙⲙⲁⲩ ⲙⲡⲉϥϣⲱⲡϣ ⲙⲛ ⲛⲉϥⲧⲛϩ ⲛϥⲛⲟϫⲟⲩ ϩⲁⲧⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲕⲁⲧⲁ ⲉⲣⲣⲁ ϣⲁϩⲣⲁⲓ ⲉⲡⲙⲁ ⲙⲡⲕⲉⲣⲙⲏⲥ</ab>
17ⲁⲩⲱ ⲉϥⲉϩⲟⲣⲃⲉϥ ⲉⲃⲟⲗ ϩⲛ ⲛⲉϥⲧⲛϩ ⲛϥⲧⲙⲡⲟϣϥ ⲛⲧⲉⲡⲟⲩⲏⲏⲃ ⲧⲁⲗⲟϥ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲉϫⲛ ⲛϣⲉ ⲉⲧϩⲓϫⲛⲧⲥⲁⲧⲉ ⲟⲩϩⲟⲗⲟⲕⲁⲩⲧⲱⲙⲁ ⲡⲉ ⲛⲑⲩⲥⲓⲁ ⲛⲥϯⲛⲟⲩϥⲉ ⲙⲙⲁϩ ⲙⲡϫⲟⲉⲓⲥ</ab>