1ⲁⲣⲓⲡⲙⲉⲉⲩⲉ ⲡϫⲟⲉⲓⲥ ϫⲉ ⲟⲩ ⲡⲉⲛⲧⲁϥϣⲱⲡⲉ ⲙⲙⲟⲛ ⲛⲅϭⲱϣⲧ ⲛⲅⲛⲁⲩ ⲉⲡⲉⲛⲛⲟϭⲛⲉϭ</ab>
2ⲁⲧⲉⲛⲕⲗⲏⲣⲟⲛⲟⲙⲓⲁ ⲕⲧⲟⲥ ⲛϩⲉⲛϣⲙⲙⲟ ⲁⲛⲉⲛⲏⲓ ⲣⲛⲁ ϩⲉⲛϣⲙⲙⲟ</ab>
3ⲁⲛϣⲱⲡⲉ ⲛⲟⲣⲫⲁⲛⲟⲥ ⲉⲙⲛⲓⲱⲧ ϣⲟⲟⲡ ⲛⲁⲛ ⲁⲛⲉⲛⲙⲁⲁⲩ ⲣⲑⲉ ⲛϩⲉⲛⲭⲏⲣⲁ</ab>
4ϩⲛ ⲛⲉⲛϩⲟⲟⲩ ⲡⲉⲛⲙⲟⲟⲩ ⲉⲛⲥⲱ ⲙⲙⲟϥ ϩⲁ ϩⲟⲙⲧ ⲛⲉⲛϣⲉ ϩⲁ ϣⲃⲉⲓⲱ</ab>
5ⲁⲩⲉⲓ ⲉϫⲛ ⲡⲉⲛⲙⲁⲕϩ ⲁⲩⲡⲱⲧ ⲛⲥⲱⲛ ⲁⲛϩⲓⲥⲉ ⲙⲡⲛⲙⲧⲟⲛ</ab>
6ⲁⲕⲏⲙⲉ ϯ ⲧⲟⲟⲧϥ ⲛⲁⲥⲥⲟⲩⲣ ⲉⲩⲥⲉⲓ ⲛⲟⲉⲓⲕ</ab>
7ⲛⲉⲛⲉⲓⲟⲧⲉ ⲁⲩⲣⲛⲟⲃⲉ ⲁⲩⲱ ⲛⲥⲉϣⲟⲟⲡ ⲁⲛ ⲁⲛⲟⲛ ⲇⲉ ⲁⲛϥⲓ ϩⲁ ⲛⲉⲩⲁⲛⲟⲙⲓⲁ</ab>
8ⲁϩⲉⲛϩⲙϩⲁⲗ ⲣϫⲟⲉⲓⲥ ⲉⲣⲟⲛ ⲙⲙⲛ ⲡⲉⲧⲥⲱⲧⲉ ⲙⲙⲟⲛ ⲉⲃⲟⲗ ϩⲛ ⲛⲉⲩϭⲓϫ</ab>
9ϩⲛ ⲛⲉⲛⲯⲩⲭⲏ ⲧⲛⲛⲁϫⲓ ⲉϩⲟⲩⲛ ⲙⲡⲉⲛⲟⲉⲓⲕ ⲙⲡⲉⲙⲧⲟ ⲉⲃⲟⲗ ⲛⲧⲥⲏϥⲉ ⲙⲡϫⲁⲉⲓⲉ</ab>
10ⲁⲡⲉⲛϣⲁⲁⲣ ⲕⲙⲟⲙ ⲛⲑⲉ ⲛⲟⲩⲧⲣⲓⲣ ⲁⲩⲥⲟⲕⲟⲩ ⲉⲡⲉⲥⲏⲧ ϩⲓ ⲟⲩⲥⲟⲡ ⲙⲡⲉⲙⲧⲟ ⲉⲃⲟⲗ ⲛⲛϩⲁⲧⲏⲩ ⲙⲫⲉⲃⲱⲱⲛ</ab>
11ⲛⲉϩⲓⲟⲙⲉ ⲉⲧϩⲛⲥⲓⲱⲛ ⲁⲩⲑⲃⲃⲓⲟⲟⲩ ⲁⲩⲑⲃⲃⲓⲟ ⲛⲙⲡⲁⲣⲑⲉⲛⲟⲥ ϩⲛ ⲙⲡⲟⲗⲓⲥ ⲛⲓⲟⲩⲇⲁ</ab>
12ⲛⲁⲣⲭⲱⲛ ⲁⲩⲉⲓϣⲉ ⲙⲙⲟⲟⲩ ⲉϩⲣⲁⲓ ϩⲛ ⲛⲉⲩϭⲓϫ ⲙⲡⲟⲩϯⲉⲟⲟⲩ ⲛⲛⲉⲡⲣⲉⲥⲃⲩⲧⲉⲣⲟⲥ</ab>
13ⲛⲥⲱⲧⲡ ⲁⲩϩⲙⲟⲟⲥ ⲁⲩⲣⲓⲙⲉ ⲁⲩⲛⲟⲩⲧ ϩⲙ ⲡⲙⲁ ⲛⲛⲟⲩⲧ ⲁⲩⲱ ⲛϩⲣϣⲓⲣⲉ ⲁⲩⲣϭⲱⲃ ϩⲛ ϩⲉⲛⲥⲁϣ ⲛϣⲉ</ab>
14ⲛϩⲗⲗⲟ ⲁⲩⲗⲟ ϩⲓⲣⲛ ⲙⲡⲩⲗⲏ ⲁⲛⲥⲱⲧⲡ ⲗⲟ ⲉⲩϫⲱ ⲛⲛⲉⲩⲯⲁⲗⲙⲟⲥ</ab>
15ⲁϥⲱϫⲛ ⲛϭⲓ ⲡⲣⲁϣⲉ ⲙⲡⲉⲛϩⲏⲧ ⲁⲡⲉⲛⲭⲟⲣⲟⲥ ⲕⲧⲟϥ ⲉⲩϩⲏⲃⲉ</ab>
16ⲁϥϩⲉ ⲛϭⲓ ⲡⲉⲕⲗⲟⲙ ⲛⲧⲉⲛⲁⲡⲉ ⲟⲩⲟⲉⲓ ⲛⲁⲛ ϫⲉ ⲁⲛⲣⲛⲟⲃⲉ</ab>
17ⲉⲧⲃⲉ ⲡⲁⲓ ⲁⲡⲉⲛϩⲏⲧ ϣⲱⲡⲉ ⲉϥⲙⲟⲕϩ ⲉⲧⲃⲉ ⲡⲁⲓ ⲁⲛⲉⲛⲃⲁⲗ ⲣⲕⲁⲕⲉ</ab>
18ⲉϫⲙ ⲡⲧⲟⲟⲩ ⲛⲥⲓⲱⲛ ϫⲉ ⲁϥⲧⲁⲕⲟ ⲁⲛⲃⲁϣⲟⲣ ⲙⲟⲟϣⲉ ϩⲓϫⲱϥ</ab>
19ⲛⲧⲟⲕ ⲇⲉ ⲡϫⲟⲉⲓⲥ ⲕϣⲟⲟⲡ ϣⲁ ⲉⲛⲉϩ ⲡⲉⲕⲑⲣⲟⲛⲟⲥ ϣⲟⲟⲡ ϣⲁ ϩⲉⲛⲅⲉⲛⲉⲁ ⲙⲛ ϩⲉⲛⲅⲉⲛⲉⲁ</ab>
20ⲉⲧⲃⲉ ⲟⲩ ⲕⲛⲁⲣⲡⲉⲛⲱⲃϣ ⲉⲩⲑⲃⲃⲓⲟ ⲛⲁⲛ ⲉⲕⲛⲁⲕⲁⲁⲛ ⲛⲥⲱⲕ ⲉϩⲉⲛϩⲟⲟⲩ ⲉⲛⲁϣⲱⲟⲩ</ab>
21ⲕⲧⲟⲛ ϣⲁⲣⲟⲕ ⲡϫⲟⲉⲓⲥ ⲁⲩⲱ ⲧⲛⲛⲁⲕⲧⲟⲛ ⲛⲅⲣⲛⲉⲛϩⲟⲟⲩ ⲃⲃⲣⲣⲉ ⲛⲑⲉ ⲛϣⲟⲣⲡ</ab>
22ϫⲉ ϩⲛ ⲟⲩⲕⲱ ⲛⲥⲱⲕ ⲁⲕⲕⲁⲁⲛ ⲛⲥⲱⲕ ⲁⲩⲱ ⲁⲕϭⲱⲛⲧ ⲉⲣⲟⲛ ⲉⲙⲁⲧⲉ</ab>