1ⲉⲧⲉⲓ ⲇⲉ ⲁ ⲓⲱⲃ ⲟⲩⲁϩⲙⲉϥ ⲡⲉϫⲁϥ ϩⲙ ⲡⲉⲡⲣⲟϩⲟⲙⲓⲟⲛ</ab>
2ϫⲉ ⲛⲓⲙ ⲡⲉⲧⲛⲁⲕⲁⲁⲧ ⲕⲁⲧⲁ ⲛⲉⲃⲁⲧⲉ ⲛϣⲟⲣⲡ ⲛⲛⲉϩⲟⲟⲩ ⲉⲣⲉ ⲡⲛⲟⲩⲧⲉ ϩⲁⲣⲉϩ ⲉⲣⲟⲓ.</ab>
3ⲉⲛⲉⲣⲉ ⲡⲉϥϩⲃⲥ ⲙⲟⲩϩ ϩⲁϫⲱⲓ</ab>
4ⲛⲛⲉϩⲟⲟⲩ ⲉⲓⲙⲟⲟϣⲉ ϩⲙ ⲡⲉϥⲟⲩⲟⲉⲓⲛ ϩⲙ ⲡⲕⲁⲕⲉ ⲛⲛⲉϩⲟⲟⲩ ⲉⲓⲧⲙⲧⲙ ϩⲓ ⲛⲁϩⲓⲟⲟⲩⲉ ⲛⲛⲉϩⲟⲟⲩ ⲉⲣⲉ ⲡϫⲟⲉⲓⲥ ϭⲙⲡϣⲓⲛⲉ ⲙⲡⲁⲏⲓ</ab>
5ⲛⲛⲉϩⲟⲟⲩ ⲉⲓⲟϣ ⲉⲙⲁⲧⲉ ⲉⲣⲉ ⲛⲁϣⲏⲣⲉ ⲙⲡⲁⲕⲱⲧⲉ</ab>
6ⲛⲛⲉϩⲟⲟⲩ ⲉⲣⲉ ⲛⲁϩⲓⲟⲟⲩⲉ ϩⲁⲧⲉ ⲛⲥⲁⲉⲓⲣⲉ ⲁⲩⲱ ⲉⲣⲉ ⲛⲁⲧⲟⲟⲩⲉ ⲥⲱⲕ ⲙⲡⲉⲣⲱⲧⲉ</ab>
7ⲛⲛⲉϩⲟⲟⲩ ⲉϣⲁⲓⲉⲓ ⲉⲃⲟⲗ ⲉⲓϣⲟⲣⲡ ϩⲛ ⲧⲁⲡⲟⲗⲓⲥ ⲉⲛⲉⲩⲕⲱ ⲙⲡⲁⲧⲟϭⲥ ϩⲛ ⲛⲉⲡⲗⲁⲧⲓⲁ</ab>
8ⲛⲧⲉ ⲛϩⲉⲣϣⲓⲣⲉ ⲛⲁⲩ ⲉⲣⲟⲓ ⲛⲥⲉϩⲟⲡⲟⲩ ⲛⲧⲉ ⲛϩⲗⲗⲟ ⲇⲉ ⲧⲏⲣⲟⲩ ⲁϩⲉⲣⲁⲧⲟⲩ</ab>
9ⲛⲧⲉ ⲛϫⲱⲱⲣⲉ ⲕⲁⲣⲱⲟⲩ ⲉⲩϣⲁϫⲉ ⲛⲥⲉⲕⲁ ⲡⲉⲩⲧⲏⲏⲃⲉ ϩⲓⲣⲛ ⲣⲱⲟⲩ</ab>
10ⲛⲉⲧⲥⲱⲧⲙ ⲇⲉ ⲁⲩⲙⲁⲕⲁⲣⲓⲍⲉ ⲙⲙⲟⲓ</ab>
11ⲉⲣϣⲁⲛ ⲟⲩⲃⲁⲗ ⲇⲉ ⲛⲁⲩ ⲉⲣⲟⲓ ϣⲁϥⲣⲁⲕⲧϥ ⲉⲃⲟⲗ</ab>
12ⲁⲓⲧⲟⲩϫⲟ ⲅⲁⲣ ⲙⲡϩⲏⲕⲉ ⲉⲧϭⲓϫ ⲙⲡⲣⲉϥϫⲓϫ ⲛⲁϩ ⲁⲩⲱ ⲁⲓⲃⲟⲏⲑⲉⲓ ⲉⲡⲟⲣⲫⲁⲛⲟⲥ ⲉⲧⲉ ⲙⲛⲧϥ ⲃⲟⲏⲑⲟⲥ</ab>
13ⲁ ⲧⲧⲁⲡⲣⲟ ⲛⲧⲉⲭⲏⲣⲁ ⲥⲙⲟⲩ ⲉⲣⲟⲓ</ab>
14ⲁⲓϯ ⲇⲉ ϩⲓⲱⲱⲧ ⲛⲧⲇⲓⲕⲁⲓⲱⲥⲩⲛⲏ ⲁⲓϯ ⲡϩⲁⲡ ⲇⲉ ϩⲓⲱⲱⲧ ⲛⲑⲉ ⲛⲟⲩⲇⲓⲡⲗⲟⲉⲓⲥ</ab>
15ⲛⲉⲓⲟ ⲛⲃⲁⲗ ⲛⲛⲃⲗⲗⲉ ⲟⲩⲣⲏⲧⲉ ⲛⲛϭⲁⲗⲉ</ab>
16ⲁⲛⲟⲕ ⲡⲉ ⲛⲓⲱⲧ ⲛⲛϭⲱⲃ ⲁⲓϩⲟⲧϩⲉⲧ ⲛⲥⲁ ⲡϩⲁⲡ ⲉⲛⲓⲥⲟⲟⲩⲛ ⲙⲙⲟϥ ⲁⲛ</ab>
17ⲁⲓⲟⲩⲱϣⲃ ⲇⲉ ⲛⲛⲛⲁϫϩⲉ ⲛⲛⲣⲉϥϫⲓⲛϭⲟⲛⲥ ⲁⲓⲧⲱⲣⲡ ⲇⲉ ⲙⲡⲧⲱⲣⲡ ⲉⲃⲟⲗϩⲛ ⲛⲉⲩⲛⲁϫϩⲉ</ab>
18ⲁⲓϫⲟⲟⲥ ⲇⲉ ϫⲉ ⲧⲁϭⲟⲧ ⲛⲁⲣϩⲉⲗⲗⲟ ϯⲛⲁⲣ ⲟⲩⲛⲟϭ ⲇⲉ ⲛⲟⲩⲟⲉⲓϣ ⲛⲑⲉ ⲛⲟⲩϣⲗϩ ⲛⲃⲛⲛⲉ</ab>
19<gap reason=""/>
20<gap reason=""/>
21ⲁⲩⲥⲱⲧⲙ ⲉⲣⲟⲓ ⲁⲩϯϩⲧⲏⲩ ⲁⲩⲕⲁⲣⲱⲟⲩ ⲇⲉ ⲉϫⲙ ⲡⲁϣⲟϫⲛⲉ</ab>
22ⲁⲩⲱ ⲙⲡⲟⲩⲟϩⲙⲟⲩ ⲉϫⲙ ⲡⲁϣⲁϫⲉ ϣⲁⲩⲣⲁϣⲉ ⲇⲉ ⲉⲓϣⲁⲛϣⲁϫⲉ ⲛⲙⲙⲁⲩ</ab>
23ⲛⲑⲉ ⲛⲟⲩⲕⲁϩ ⲉϥⲟⲃⲉ ⲉϥϭⲱϣⲧ ⲉⲃⲟⲗ ϩⲏⲧϥ ⲙⲡϩⲱⲟⲩ ⲧⲁⲓ ⲧⲉ ⲑⲉ ⲛⲛⲁⲓ ϩⲏⲧϥ ⲙⲡⲁϣⲁϫⲉ</ab>
24ⲉⲓϣⲁⲛⲥⲱⲃⲉ ⲛⲙⲙⲁⲩ ⲛⲛⲉⲩⲛϩⲟⲩⲧⲥ ⲁⲩⲱ ⲛⲛⲉϥϩⲉ ⲉⲃⲟⲗ ⲛϭⲓ ⲡⲟⲩⲟⲉⲓⲛ ⲙⲡⲁϩⲟ</ab>
25ⲁⲓⲥⲱⲧⲡ ⲉⲧⲉⲩϩⲓⲏ ⲁⲩⲱ ⲁⲓϩⲙⲟⲟⲥ ⲉⲓⲟ ⲛⲁⲣⲭⲱⲛ ⲁⲩⲱ ⲉⲓⲟ ⲛⲑⲉ ⲛⲟⲩⲣⲣⲟ ϩⲛ ϩⲉⲛⲙⲟⲩⲉ ⲛⲁⲍⲱⲙⲉⲛⲟⲥ ⲛⲑⲉ ⲛϩⲟⲓⲛⲉ ⲉⲩⲣϩⲏⲃⲉ ⲉⲓⲉϯⲛⲟⲙⲧⲉ ⲛⲁⲩ</ab>