1
2… ϩⲁⲧⲏⲓ ⲁⲛⲟⲕ ⲁⲓϫⲓⲧϥ ⲁⲩⲱ ⲧⲉϥⲙⲁⲁⲩ ⲡⲉϫⲁⲥ ϫⲉ ⲡⲁϣⲏⲣⲉ ϥⲥⲙⲁⲙⲁⲁⲧ ⲛⲧⲟⲟⲧϥ ⲙⲡϫⲟⲉⲓⲥ</ab>
3ⲁⲩⲱ ⲁϥϯⲙⲛⲧⲟⲩⲉ ⲛϣⲉ ⲛϩⲁⲧ ⲛⲧⲉϥⲙⲁⲁⲩ ⲡⲉϫⲉⲧⲉϥⲙⲁⲁⲩ ϫⲉ ϩⲛ ⲟⲩⲧⲃⲃⲟ ⲁⲓⲧⲃⲃⲟ ⲙⲡϩⲁⲧ ⲙⲡϫⲟⲉⲓⲥ ⲉⲃⲟⲗ ϩⲛ ⲧⲁϭⲓϫ ⲉⲧⲣⲁⲧⲁⲙⲓⲟ ⲙⲡⲁϣⲏⲣⲉ ⲛⲟⲩⲅⲗⲩⲡⲧⲟⲛ ⲙⲛ ⲟⲩⲭⲱⲛⲉⲩⲧⲟⲛ ⲁⲩⲱ ⲧⲉⲛⲟⲩ ϯⲛⲁⲧⲁⲁϥ ⲛⲁⲕ</ab>
4ⲁϥϯⲡϩⲁⲧ ⲛⲧⲉϥⲙⲁⲁⲩ ⲁⲩⲱ ⲧⲉϥⲙⲁⲁⲩ ⲁⲥϫⲓ ⲛϣⲏⲧ ⲛϩⲁⲧ ⲛϩⲣϣⲏⲣⲉ ⲁⲥⲧⲁⲁⲩ ⲙⲡⲣⲉϥⲣϩⲁⲧ ⲁϥⲧⲁⲙⲓⲟ ⲛⲟⲩⲭⲱⲛⲉⲩⲧⲟⲛ ⲙⲛ ⲟⲩⲅⲗⲩⲡⲧⲟⲛ ⲁϥⲱϣ ⲡⲉ ϩⲙ ⲡⲏⲓ ⲙⲙⲓⲭⲁ</ab>
5ⲁⲩⲱ ⲡⲣⲱⲙⲉ ⲙⲓⲭⲁ ⲛⲉϥⲟ ⲛⲁϥ ⲛⲟⲩⲏⲏⲃ ⲙⲡⲛⲟⲩⲧⲉ ⲁⲩⲱ ⲁϥⲧⲁⲙⲓⲟ ⲛⲟⲩⲉⲫⲟⲩⲇ ⲙⲛ ⲟⲩⲑⲉⲣⲁⲫⲓⲙ ⲁⲩⲱ ⲟⲩⲁ ⲉⲃⲟⲗ ϩⲛ ⲛⲉϥϣⲏⲣⲉ ⲁϥϩⲉⲛⲅⲧⲉϥϭⲓϫ ⲁϥϣⲱⲡⲉ ⲛⲁϥ ⲛⲟⲩⲏⲏⲃ</ab>
6ϩⲛ ⲛⲉϩⲟⲟⲩ ⲇⲉ ⲉⲧⲙⲙⲁⲩ ⲉⲛⲉⲙⲛⲣⲣⲟ ϩⲙ ⲡⲓⲥⲣⲁⲏⲗ ⲡⲣⲱⲙⲉ ⲛⲉϥⲉⲓⲣⲉ ⲙⲡⲉⲧⲥⲟⲩⲧⲱⲛ ⲛⲛⲁϩⲣⲁϥ</ab>
7ⲁⲩⲱ ⲁϥϣⲱⲡⲉ ⲛϭⲓ ⲟⲩϣⲏⲣⲉ ϣⲏⲙ ⲉⲃⲟⲗ ϩⲛ ⲃⲏⲑⲗⲉⲉⲙ ⲛⲧⲉⲓⲟⲩⲇⲁ ⲁⲩⲱ ⲛⲧⲟϥ ⲟⲩⲗⲉⲩⲉⲓⲧⲏⲥ ⲡⲉ ⲉϥⲟⲩⲏϩⲙⲙⲁⲩ</ab>
8ⲁⲩⲱ ⲁϥⲃⲱⲕ ⲛϭⲓ ⲡⲣⲱⲙⲉ ⲡⲉ ⲉⲃⲟⲗ ϩⲛ ⲃⲏⲑⲗⲉⲉⲙ ⲧⲡⲟⲗⲓⲥ ⲛⲓⲟⲩⲇⲁ ⲉⲧⲣⲉϥϭⲟⲓⲗⲉ ⲉⲡⲙⲁ ⲉⲧϥⲛⲁϩⲉ ⲉⲣⲟϥ ⲁϥⲉⲓ ϣⲁϩⲣⲁⲓ ⲉⲡⲧⲟⲟⲩ ⲛⲉⲫⲣⲁⲓⲙ ⲉⲧⲣⲉϥϭⲟⲓⲗⲉ ⲉⲡⲏⲓ ⲙⲙⲓⲭⲁ ⲉⲧⲣⲉϥⲥⲟⲩⲧⲛⲧⲉϥϩⲓⲏ</ab>
9ⲡⲉϫⲉⲙⲓⲭⲁ ⲛⲁϥ ϫⲉ ⲉⲕⲛⲏⲩ ⲧⲱⲛ ⲡⲉϫⲁϥ ⲛⲁϥ ϫⲉ ⲁⲛⲅⲟⲩⲗⲉⲩⲉⲓⲧⲏⲥ ⲉⲃⲟⲗ ϩⲛ ⲃⲏⲑⲗⲉⲉⲙ ⲛⲧⲉⲓⲟⲩⲇⲁ ⲁⲩⲱ ⲁⲛⲟⲕ ⲉⲓⲙⲟⲟϣⲉ ⲉϭⲟⲓⲗⲉ ⲉⲡⲙⲁ ⲉϯⲛⲁϩⲉ ⲉⲣⲟϥ</ab>
10ⲡⲉϫⲉⲙⲓⲭⲁ ⲛⲁϥ ϫⲉ ϭⲱ ϩⲁⲧⲏⲓ ⲛⲅϣⲱⲡⲉ ⲛⲁⲓ ⲉⲩⲉⲓⲱⲧ ⲁⲩⲱ ⲉⲩⲟⲩⲏⲏⲃ ⲁⲩⲱ ⲁⲛⲟⲕ ϯⲛⲁϯ ⲛⲁⲕ ⲙⲙⲏⲧ ⲛϩⲁⲧ ⲙⲙⲏⲛⲉ ⲙⲛ ⲟⲩⲥⲧⲟⲗⲏ ⲛϩⲟⲓⲧⲉ ⲙⲛ ⲛⲉⲧⲕⲛⲁϫⲓⲧⲟⲩ ⲉⲣⲟⲕ ⲉⲡⲉⲕⲱⲛϩ</ab>
11ⲁⲩⲱ ⲡⲗⲉⲩⲉⲓⲧⲏⲥ ⲁϥⲃⲱⲕ ⲁϥⲧⲱϣ ⲉϭⲟⲓⲗⲉ ⲉⲡⲣⲱⲙⲉ ⲁⲡϣⲏⲣⲉ ϣⲏⲙ ϭⲱ ϩⲁⲧⲏϥ ⲛⲑⲉ ⲛⲟⲩⲁ ⲛⲛⲉϥϣⲏⲣⲉ</ab>
12ⲁⲩⲱ ⲙⲓⲭⲁ ⲁϥⲧⲃⲃⲉⲧϭⲓϫ ⲙⲡⲗⲉⲩⲉⲓⲧⲏⲥ ⲁϥϣⲱⲡⲉ ⲛϭⲓ ⲡϩⲣϣⲓⲣⲉ ⲉⲩⲟⲩⲏⲏⲃ ⲁϥϭⲱ ϩⲙ ⲡⲏⲓ ⲙⲙⲓⲭⲁ</ab>
13ⲡⲉϫⲉⲙⲓⲭⲁ ϫⲉ ⲧⲉⲛⲟⲩ ⲉⲓⲉⲓⲙⲉ ϫⲉ ⲡϫⲟⲉⲓⲥ ϥⲛⲁⲣⲡⲡⲉⲧⲛⲁⲛⲟⲩϥ ⲛⲁⲓ ⲉⲃⲟⲗ ϫⲉ ⲟⲩⲗⲉⲩⲉⲓⲧⲏⲥ ⲁϥϣⲱⲡⲉ ⲛⲁⲓ ⲉⲩⲟⲩⲏⲏⲃ</ab>