1ⲙⲙⲟⲛ ⲇⲉ ⲁⲗⲗⲁ ⲥⲱⲧⲙ ⲉⲛⲁϣⲁϫⲉ ⲓⲱⲃ ϫⲓⲥⲙⲏ ⲉⲧⲁϭⲓⲛϣⲁϫⲉ</ab>
2ⲉⲓⲥϩⲏⲏⲧⲉ ⲅⲁⲣ ⲁⲓⲟⲩⲏⲛ ⲛⲣⲱⲓ ⲁⲩⲱ ⲁ ⲡⲁⲗⲁⲥ ϣⲁϫⲉ</ab>
3ⲡⲁϩⲏⲧ ⲟⲩⲁⲁⲃ ϩⲛ ϩⲉⲛϭⲓⲛϣⲁϫⲉ ⲉⲣⲉ ⲧⲙⲛⲧⲣⲙⲛϩⲏⲧ ⲛⲛⲁⲥⲡⲟⲧⲟⲩ ⲛⲁⲛⲟⲉⲓⲛ ⲛⲛⲉⲑⲃⲃⲓⲏⲩ</ab>
4ⲟⲩ ⲉϥⲟⲩⲁⲁⲃ ⲡⲉⲛⲧⲁϥⲧⲁⲙⲓⲟⲓ ⲧⲉⲡⲛⲟⲏ ⲇⲉ ⲙⲡⲡⲁⲛⲧⲱⲕⲣⲁⲧⲱⲣ ⲧⲉⲧϯⲥⲃⲱ ⲛⲁⲓ.</ab>
5ⲉϣϫⲉ ⲟⲩⲛ ϣϭⲟⲙ ⲙⲙⲟⲕ ⲉⲟⲩⲱϣⲃⲧ ϩⲏⲡⲟⲙⲓⲛⲏ ⲛⲛⲁϩⲣⲁⲓ ⲁϩⲉⲣⲁⲧⲕ ⲟⲩⲃⲏⲓ ⲁⲩⲱ ⲁⲛⲟⲕ ⲟⲩⲃⲏⲕ</ab>
6ⲛⲧⲁⲩⲧⲁⲙⲉⲓⲟⲕ ⲅⲁⲣ ⲉⲃⲟⲗϩⲛ ⲟⲩⲟⲙⲉ ⲛⲟⲩⲱⲧ ⲛⲧⲁϩⲉ ϩⲱ ⲛⲧⲁⲩⲧⲁⲙⲓⲟⲛ ⲉⲃⲟⲗϩⲙ ⲡⲉⲓⲟⲙⲉ ⲛⲟⲩⲱⲧ</ab>
7ⲛⲧⲁϩⲟⲧⲉ ⲅⲁⲣ ⲛⲁϣⲧⲣⲧⲱⲣⲕ ⲁⲛ ⲁⲩⲱ ⲛⲧⲁϭⲓϫ ⲛⲁϩⲣⲟϣ ⲁⲛ ⲉϫⲱⲕ</ab>
8ⲁⲓⲥⲱⲧⲙ ⲉⲡⲉϩⲣⲟⲟⲩ ⲛⲛⲉⲕϣⲁϫⲉ</ab>
9ⲁⲓϫⲟⲟⲥ ϫⲉ ϯⲟⲩⲁⲁⲃ ⲙⲡⲉⲓⲣⲛⲟⲃⲉ ⲁⲩⲱ ⲁⲛⲅ ⲟⲩⲥⲱⲧⲡ ⲙⲡⲉⲓⲣⲁⲛⲟⲙⲓⲁ</ab>
10ⲙⲡⲉϥϭⲛⲁⲣⲓⲕⲉ ⲇⲉ ⲉⲣⲟⲓ ⲁϥⲕⲁⲁⲧ ⲇⲉ ⲛⲑⲉ ⲙⲡⲉⲧϯⲟⲩⲃⲏⲃ</ab>
11ⲁϥⲕⲁ ⲧⲁⲟⲩⲉⲣⲏⲧⲉ ⲇⲉ ϩⲙ ⲡϣⲉ ⲁϥϩⲁⲣⲉϩ ⲅⲁⲣ ⲉⲛⲁϩⲓⲟⲟⲩⲉ ⲧⲏⲣⲟⲩ</ab>
12ⲛⲁϣ ⲅⲁⲣ ⲛϩⲉ ⲕϫⲱ ⲙⲙⲟⲥ ϫⲉ ⲁⲛⲅ ⲟⲩⲇⲓⲕⲁⲓⲟⲥ ⲙⲡⲉϥⲥⲱⲧⲙ ⲉⲣⲟⲓ ⲟⲩϣⲁⲉⲛⲉϩ ⲅⲁⲣ ⲡⲉ ⲡⲉⲧϩⲓϫⲛ ⲛⲣⲱⲙⲉ.</ab>
13ⲕϫⲱ ⲇⲉ ⲙⲙⲟⲥ ϫⲉ ⲉⲧⲃⲉ ⲟⲩ ⲙⲡⲉϥⲥⲱⲧⲙ ⲉⲡⲁϩⲁⲡ ϩⲛ ϣⲁϫⲉ ⲛⲓⲙ</ab>
14ϩⲙ ⲡⲧⲣⲉ ⲡϫⲟⲉⲓⲥ ⲅⲁⲣ ϣⲁϫⲉ ⲛⲟⲩⲥⲟⲡ ⲙⲡⲙⲉϩⲥⲟⲡⲥⲛⲁⲩ</ab>
15ⲟⲩⲣⲁⲥⲟⲩ ⲇⲉ ⲏ ⲟⲩⲙⲏⲗⲏⲧⲁ ⲛϭⲱⲣϩ ⲛⲑⲉ ⲉⲧⲉⲣⲉ ⲟⲩϩⲟⲧⲉ ⲉⲥⲛⲁϣⲧ ⲛⲁϩⲉ ⲉϩⲣⲁⲓ ⲉϫⲛ ⲣⲱⲙⲉ</ab>
16ϩⲛ ⲟⲩⲉⲓⲛⲉ ⲛϩⲟⲧⲉ ⲁϥϣⲧⲣⲧⲱⲣⲟⲩ ⲛϯϩⲉ</ab>
17ⲉⲕⲧⲉ ⲡⲣⲱⲙⲉ ⲉⲃⲟⲗϩⲙ ⲡⲉϥϫⲓⲛϭⲟⲛⲥ ⲁϥⲧⲟⲩϫⲟ ⲅⲁⲣ ⲙⲡⲉϥⲥⲱⲙⲁ ⲉⲩϩⲧⲟⲡ</ab>
18ⲁϥϯⲥⲟ ⲇⲉ ⲉⲧⲉϥⲯⲩⲭⲏ ⲉⲡⲙⲟⲩ ⲉⲧⲙⲧⲣⲉϥϩⲉ ϩⲛ ⲟⲩⲡⲟⲗⲩⲙⲟⲥ</ab>
19ⲡⲁⲗⲓⲛ ⲟⲛ ⲁϥϫⲡⲓⲟϥ ϩⲙ ⲡⲗⲟϫⲗϫ ⲙⲡϣⲱⲛⲉ ⲙⲡⲉϥⲙⲁⲛⲛⲕⲟⲧⲕ</ab>
20ⲉⲙⲛϭⲟⲙ ⲙⲙⲟϥ ⲉⲟⲩⲉⲙ ϩⲣⲉ ⲛⲓⲙ</ab>
21ϣⲁⲛⲧⲉ ⲛⲉϥⲥⲁⲣⲝ ⲗⲟⲃⲗⲉϥ ⲁϥⲟⲩⲉⲛϩ ⲛⲉϥⲕⲉⲉⲥ ⲉⲃⲟⲗ ⲉⲩϣⲟⲩⲉⲓⲧ</ab>
22ⲁ ⲧⲉϥⲯⲩⲭⲏ ϩⲱⲛ ⲉϩⲟⲩⲛ ⲉⲡⲙⲟⲩ ⲁⲩⲱ ⲡⲉϥⲱⲛϩ ⲉⲁⲙⲛⲧⲉ</ab>
23ⲉⲣϣⲁⲛ ⲟⲩϣⲟ ⲛⲁⲅⲅⲉⲗⲟⲥ ⲛⲣⲉϥⲙⲟⲟⲩⲧ ϣⲱⲡⲉ ⲛⲛⲉ ⲟⲩⲁ ⲙⲙⲟⲟⲩ ⲕⲟⲛⲥϥ ⲉϥϣⲁⲛⲛⲟⲓ ⲇⲉ ϩⲙ ⲡⲉϥϩⲏⲧ ⲉⲕⲟⲧϥ ⲉⲡϫⲟⲉⲓⲥ ⲛϥϫⲱ ⲇⲉ ⲙⲡⲣⲱⲙⲉ ⲙⲡⲉϥⲁⲣⲓⲕⲉ ⲛϥⲟⲩⲱⲛϩ ⲉⲃⲟⲗ ⲛⲧⲉϥⲙⲛⲧⲁⲑⲏⲧ</ab>
24ϥⲛⲁϣⲟⲡϥ ⲉⲣⲟϥ ⲉⲧⲙϩⲉ ⲉⲡⲙⲟⲩ ⲛϥⲣ ⲡⲉϥⲥⲱⲙⲁ ⲛⲃⲣⲣⲉ ⲛⲑⲉ ⲛⲟⲩϫⲟ ⲉⲥϫⲏϩ ϥⲛⲁⲙⲟⲩϩ ⲇⲉ ⲛⲛⲉϥⲕⲉⲉⲥ ⲛⲁⲗⲧⲕⲁⲥ.</ab>
25ⲛϥⲧⲣⲉ ⲛⲉϥⲥⲁⲣⲝ ϭⲛⲟⲛ ⲛⲑⲉ ⲛⲛⲁⲛⲉⲓⲕⲟⲩⲓ ϥⲛⲁϫⲁⲕϥ ⲇⲉ ⲉⲃⲟⲗ ⲉϥⲧⲏⲕ ϩⲛ ⲛⲣⲱⲙⲉ</ab>
26ⲉϥⲛⲁϣⲗⲏⲗ ⲇⲉ ⲉⲡϫⲟⲉⲓⲥ ϥⲛⲁϫⲓⲧϥ ⲛⲧⲟⲟⲧϥ ϥⲛⲁⲃⲱⲕ ⲇⲉ ⲉϩⲟⲩⲛ ϩⲛ ⲟⲩϩⲟ ⲉϥⲣⲟⲟⲩⲧ ⲙⲛ ⲟⲩⲥⲟⲗⲥⲗ ϥⲛⲁϯ ⲇⲉ ⲛⲧⲇⲓⲕⲁⲓⲟⲥⲩⲛⲏ ⲛⲛⲣⲱⲙⲉ</ab>
27ⲧⲟⲧⲉ ⲡⲣⲱⲙⲉ ⲛⲁϭⲛⲁⲣⲓⲕⲉ ⲉⲣⲟϥ ⲟⲩⲁⲁϥ ⲉϥϫⲱ ⲙⲙⲟⲥ ϫⲉ ⲛⲑⲉ ⲛⲛⲉⲛⲧⲁⲓⲁⲁⲩ ⲁⲛ ⲛⲉ ⲛⲁⲓ ⲁⲩⲱ ⲙⲡⲉϥϩⲩⲧⲁⲍⲉ ⲙⲙⲟⲓ ⲙⲡⲙϣⲁ ⲛⲛⲁⲛⲟⲃⲉ</ab>
28
29
30ⲁⲗⲗⲁ ⲁϥⲧⲟⲩϫⲟ ⲧⲁⲯⲩⲭⲏ ⲉⲃⲟⲗϩⲙ ⲡⲙⲟⲩ ϫⲉⲕⲁⲥ ⲉⲣⲉ ⲡⲁⲱⲛϩ ⲥⲙⲟⲩ ⲉⲣⲟϥ ϩⲙ ⲡⲟⲩⲟⲉⲓⲛ</ab>
31ϫⲓⲥⲙⲏ ⲓⲱⲃ ⲛⲅⲥⲱⲧⲙ ⲉⲣⲟⲓ</ab>
32<gap reason=""/>
33<gap reason=""/>