1ⲁ ⲥⲱⲫⲁⲣ ⲇⲉ ⲡⲙⲓⲛⲛⲁⲓⲟⲥ ⲟⲩⲱϣⲃ ⲡⲉϫⲁϥ</ab>
2ϫⲉ ⲛⲉⲓⲙⲉⲉⲩⲉ ⲁⲛ ⲡⲉ ϫⲉ ⲕⲛⲁϫⲉ ⲛⲁⲓ ⲁⲩⲱ ⲛⲧⲉⲧⲛⲥⲟⲟⲩⲛ ⲁⲛ ⲉϩⲟⲩⲉ ⲉⲣⲟⲓ</ab>
3ϯⲥⲱⲧⲙ ⲉⲧⲉⲥⲃⲱ ⲙⲡⲁϫⲡⲓⲟ ⲁⲩⲱ ⲟⲩⲛ ⲟⲩ ⲙⲙⲛⲧⲣⲙⲛϩⲏⲧ ⲛⲁⲟⲩⲱϣⲃ ⲛⲁⲓ</ab>
4ⲙⲏ ⲁⲕⲥⲟⲩⲛ ⲛⲁⲓ ϫⲓ ⲛⲧⲁⲩⲕⲁ ⲣⲱⲙⲉ ϩⲓϫⲙ ⲡⲕⲁϩ</ab>
5ⲡⲟⲩⲛⲟϥ ⲅⲁⲣ ⲛⲛⲁⲥⲉⲃⲏⲥ ⲡⲉ ⲟⲩϩⲧⲟⲡ ⲛϣⲏⲣⲉ ⲡⲣⲁϣⲉ ⲇⲉ ⲛⲙⲡⲁⲣⲁⲛⲟⲙⲟⲥ ⲡⲉ ⲡⲧⲁⲕⲟ</ab>
6ⲉⲣϣⲁⲛ ⲛⲉϥⲇⲱⲣⲟⲛ ⲃⲱⲕ ⲉϩⲣⲁⲓ ⲉⲧⲡⲉ ⲁⲩⲱ ⲛⲧⲉ ⲧⲉϥⲑⲩⲥⲓⲁ ⲡⲱϩ ϣⲁ ⲛⲉⲕⲗⲟⲟⲗⲉ</ab>
7ϩⲟⲧⲁⲛ ⲉϥϣⲁⲛⲙⲉⲉⲩⲉ ϫⲉ ⲁⲓⲧⲁϫⲣⲟ ⲧⲟⲧⲉ ϥⲛⲁⲧⲁⲕⲟ ϣⲁⲃⲟⲗ ⲛⲉⲧⲥⲟⲟⲩⲛ ⲇⲉ ⲙⲙⲟϥ ⲥⲉⲛⲁϫⲟⲟⲥ ϫⲉ ϥⲧⲱⲛ</ab>
8ⲁⲩⲱ ⲛⲉϥⲁϩⲉⲣⲁⲧϥ ⲛⲑⲉ ⲛⲟⲩⲣⲁⲥⲟⲩ ⲉⲁⲥⲟⲩⲉⲓⲛⲉ ⲁϥⲡⲱⲧ ⲇⲉ ⲛⲑⲉ ⲛⲛⲉϣⲁⲩⲡⲟⲟⲣⲟⲩ ⲛⲧⲉⲩϣⲏ</ab>
9
10ⲉⲣⲉ ⲛⲉⲑⲃⲃⲓⲏⲩ ⲉⲣⲟϥ ⲧⲁⲕⲉ ⲛⲉϥϣⲏⲣⲉ ⲁⲩⲱ ⲉⲣⲉ ⲛⲉϥϭⲓϫ ⲧⲙϩⲉ ϩⲉⲛϣⲥⲛϩⲏⲧ</ab>
11
12
13
14ⲁⲩⲱ ⲛⲛⲉϥϭⲙϭⲟⲙ ⲉⲃⲟⲉⲑⲓ ⲉⲣⲟϥ</ab>
15ϥⲛⲁⲕⲁⲃⲁⲗ ⲛⲧⲙⲛⲧⲣⲙⲙⲁⲟ ⲛⲧⲁϥⲥⲟⲟⲩϩⲥ ⲛϩⲏⲧϥ ϩⲛ ⲟⲩϫⲓⲛϭⲟⲛⲥ ⲉⲣⲉ ⲟⲩⲁⲅⲅⲉⲗⲟⲥ ⲥⲟⲕϥ ⲉⲃⲟⲗϩⲙ ⲡⲉϥⲏⲓ</ab>
16ⲉⲣⲉ ⲟⲩⲗⲁⲥ ⲛϩⲟϥ ⲙⲟⲟⲩⲧϥ</ab>
17ⲛⲛⲉϥⲛⲁⲩ ⲛϩⲱⲣ ⲛⲛⲉϥⲟϩⲉ ⲟⲩⲇⲉ ⲡⲙⲁ ⲙⲡⲉϥⲃⲓⲱ ⲙⲡⲥⲁⲓⲣⲉ</ab>
18ⲁϥϩⲓⲥⲉ ⲉϩⲉⲛϫⲓⲛϫⲏ ⲙⲛ ϩⲉⲛⲡⲉⲧϣⲟⲩⲉⲓⲧ ⲉⲩⲙⲛⲧⲣⲙⲙⲁⲟ ⲉⲛϥⲛⲁⲟⲩⲱⲙ ⲛϩⲏⲧⲥ ⲁⲛ ⲛⲑⲉ ⲛⲟⲩⲡϫⲱ ⲉⲙⲉⲩⲉϣⲟⲩⲉϭⲟⲩⲱϭϥ ⲟⲩⲇⲉ ⲙⲉⲩⲉϣⲟⲙⲕϥ</ab>
19ⲁϥⲧⲁⲕⲟ ⲅⲁⲣ ⲛϩⲁϩ ⲛⲏⲓ ⲛϭⲱⲃ ⲁϥⲧⲱⲣⲡ ⲇⲉ ⲛⲟⲩⲙⲁⲛϣⲱⲡⲉ ⲁⲩⲱ ⲙⲡⲉϥⲧⲁϩⲟϥ ⲉⲣⲁⲧϥ</ab>
20ⲙⲛ ⲟⲩϫⲁⲓ ⲇⲉ ⲛⲁϣⲱⲡⲉ ⲛⲛⲉϥϩⲩⲡⲁⲣⲭⲱⲛⲧⲁ</ab>
21ⲉⲧⲃⲉ ⲡⲁⲓ ⲛⲉϥⲁⲅⲁⲑⲟⲛ ⲛⲁϯⲟⲩⲱ ⲁⲛ</ab>
22ⲉϥϣⲁⲛⲙⲉⲉⲩⲉ ϫⲉ ⲁⲓϫⲱⲕ ⲉⲃⲟⲗ ϥⲛⲁⲑⲗⲓⲃⲉ ⲁⲛⲁⲅⲕⲉ ⲇⲉ ⲛⲓⲙ ⲛⲏⲩ ⲉϫⲱϥ.</ab>
23ⲉⲩⲉⲧⲛⲛⲟⲟⲩ ⲉϫⲱϥ ⲙⲡϭⲱⲛⲧ ⲛⲧⲉϥⲟⲣⲅⲏ ⲉⲩⲉⲉⲓⲛⲉ ⲇⲉ ⲉϫⲱϥ ⲛϩⲉⲛϣⲥⲛϩⲏⲧ</ab>
24ⲁⲩⲱ ⲛⲛⲉϥⲣⲃⲟⲗ ⲉⲧⲟⲟⲧϥ ⲛⲧⲥⲏϥⲉ ⲉⲣⲉ ⲟⲩⲥⲟⲧⲉ ⲙⲡⲉⲛⲓⲡⲉ ϫⲟⲧϥ</ab>
25ⲁⲩⲱ ⲉⲣⲉ ⲡⲥⲟⲧⲉ ϫⲉⲧ ⲡⲉϥⲥⲱⲙⲁ ⲛⲛⲉ ⲛⲥⲓⲟⲩ ⲙⲟⲟϣⲉ ϩⲙ ⲡⲉϥⲏⲓ</ab>
26ⲉⲣⲉ ⲕⲁⲕⲉ ⲇⲉ ⲛⲓⲙ ϣⲱⲡⲉ ⲛⲁϥ ⲉⲣⲉ ⲟⲩⲕⲱϩⲧ ⲇⲉ ⲟⲩⲟⲙⲉϥ ⲉⲙⲉϥⲱϣⲙ ⲉⲣⲉ ⲟⲩϣⲙⲙⲟ ⲇⲉ ⲙⲉⲕϩ ⲡⲉϥⲏⲓ.</ab>
27ⲉⲣⲉ ⲧⲡⲉ ⲇⲉ ϭⲱⲗⲡ ⲉⲃⲟⲗ ⲛⲛⲉϥⲁⲛⲟⲙⲓⲁ ⲉⲣⲉ ⲡⲕⲁϩ ⲇⲉ ⲧⲱⲟⲩⲛ ⲉϫⲱϥ</ab>
28ⲉⲣⲉ ⲡⲧⲁⲕⲟ ⲇⲉ ⲃⲗ ⲡⲉϥⲏⲓ ⲉⲃⲟⲗ ϣⲁⲃⲟⲗ ⲉⲣⲉ ⲟⲩϩⲟⲟⲩ ⲛⲟⲣⲅⲏ ⲛⲏⲩ ⲉϫⲱϥ</ab>
29ⲧⲁⲓ ⲧⲉ ⲧⲙⲉⲣⲓⲥ ⲙⲡⲣⲱⲙⲉ ⲛⲁⲥⲉⲃⲏⲥ ⲉⲃⲟⲗϩⲓⲧⲙ ⲡϫⲟⲉⲓⲥ ⲁⲩⲱ ⲡⲉϫⲡⲟ ⲛⲛⲉϥϩⲩⲡⲁⲣⲭⲱⲛⲧⲁ ⲉⲃⲟⲗϩⲓⲧⲙ ⲡⲓⲥⲕⲟⲡⲟⲥ</ab>