1ⲁ ⲥⲱⲫⲁⲣ ⲇⲉ ⲡⲙⲓⲛⲛⲁⲓⲟⲥ ⲟⲩⲱϣⲃ ⲉϥϫⲱ ⲙⲙⲟⲥ</ab>
2ϫⲉ ⲡⲉⲧⲟ ⲛϩⲁϩ ⲛϣⲁϫⲉ ϣⲁϥⲥⲉⲧⲙ ⲡⲉⲩⲟⲩϩⲙ ⲏ ⲉⲣⲉ ⲡⲣⲉϥϣⲁϫⲉ ⲙⲉⲉⲩⲉ ϫⲉ ⲟⲩⲇⲓⲕⲁⲓⲟⲥ ⲡⲉ</ab>
3ⲛⲁⲓⲁⲧϥ ⲙⲡⲣⲱⲙⲉ ⲛϣⲁⲣⲁϩⲉ ⲙⲡⲣⲁϣⲁⲓ ϩⲛ ⲛⲉⲕϣⲁϫⲉ ⲙⲛ ⲡⲉⲧϫⲓϩⲁⲡ ⲅⲁⲣ ⲟⲩⲃⲏⲕ.</ab>
4ⲙⲡⲣϫⲟⲟⲥ ϫⲉ ϯⲟⲩⲁⲁⲃ ⲅⲁⲣ ϩⲛ ⲛⲁϩⲃⲏⲩⲉ ⲁⲩⲱ ϯⲥⲟⲧⲡ ⲙⲡⲉϥⲙⲧⲟ ⲉⲃⲟⲗ</ab>
5ⲁⲗⲗⲁ ⲉⲣⲉ ⲡϫⲟⲉⲓⲥ ⲛⲁϣⲁϫⲉ ⲛⲙⲙⲁⲕ ⲛⲁϣⲛϩⲉ.</ab>
6ⲉⲓⲧⲁ ϥⲛⲁϫⲱ ⲛⲁⲕ ⲛⲧϭⲟⲙ ⲛⲧⲥⲟⲫⲓⲁ ϫⲉ ϥⲛⲁϣⲱⲡⲉ ⲉϥⲕⲏⲃ ⲙⲡⲉⲧⲉⲓⲛⲉ ⲙⲙⲟⲕ ⲧⲟⲧⲉ ⲕⲛⲁⲉⲓⲙⲉ ϫⲉ ⲛⲉⲧⲕⲙⲡϣⲁ ⲙⲙⲟⲟⲩ ⲛⲉⲛⲧⲁⲩⲉⲓ ⲉϫⲱⲕ ϩⲓⲧⲙ ⲡϫⲟⲉⲓⲥ ⲛⲛⲟⲃⲉ ⲛⲧⲁⲕⲁⲁⲩ</ab>
7ⲙⲏ ⲕⲛⲁϭⲛ ⲣⲁⲧϥ ⲙⲡϫⲟⲉⲓⲥ ⲏ ⲕⲛⲁϣⲧⲁϩⲉ ⲁⲣⲏϫⲛⲟⲩ ⲛⲛⲉⲛⲧⲁ ⲡⲡⲁⲛⲧⲱⲕⲣⲁⲧⲱⲣ ⲧⲁⲙⲓⲟⲟⲩ</ab>
8ⲧⲡⲉ ϫⲟⲥⲉ ⲉⲕⲛⲁⲣ ⲟⲩ ⲟⲩ ⲇⲉ ⲡⲉⲧϣⲟⲕϩ ⲉⲁⲙⲛⲧⲉ ⲉⲕⲥⲟⲟⲩⲛ ⲙⲙⲟϥ</ab>
9ⲏ ⲛⲉⲧϣⲟⲓ ⲉⲡϣⲓ ⲙⲡⲕⲁϩ ⲏ ⲡⲡⲱϫϭ ⲛⲑⲁⲗⲁⲥⲥⲁ</ab>
10ⲉϥϣⲁⲛⲧⲁⲩⲟⲟⲩ ⲧⲏⲣⲟⲩ ⲉϩⲣⲁⲓ ⲛⲓⲙ ⲡⲉⲧⲛⲁϫⲟⲟⲥ ⲛⲁϥ ϫⲉ ⲛⲧⲁⲕⲣ ⲟⲩ</ab>
11ϥⲥⲟⲟⲩⲛ ⲅⲁⲣ ⲛⲧⲟϥ ⲛⲛⲉϩⲃⲏⲩⲉ ⲛⲛⲁⲛⲟⲙⲟⲥ ⲉⲁϥⲛⲁⲩ ⲇⲉ ⲉⲛⲉϩⲃⲏⲩⲉ ⲉⲧⲉⲙⲉϣϣⲉ ⲛϥⲛⲁⲟⲃϣϥ ⲁⲛ</ab>
12ⲁⲗⲗⲁ ⲉϣϫⲉ ⲉⲣⲉ ⲡⲣⲱⲙⲉ ⲛⲏⲏⲃⲉ ϩⲛ ⲛⲉϥϭⲓϫ ⲉⲣⲉ ⲡⲣⲱⲙⲉ ⲇⲉ ⲛϫⲡⲟ ⲛⲥϩⲓⲙⲉ ⲟ ⲛⲟⲩⲉⲓⲁⲛⲧⲟⲟⲩ ϩⲓ ⲡϫⲁⲓⲉ</ab>
13ⲉⲛⲉ ⲛⲧⲟⲕ ⲇⲉ ⲁⲕⲧⲃⲃⲉ ⲡⲉⲕϩⲏⲧ ⲛⲉⲕⲛⲁϫⲉⲥⲧ ⲛⲉⲕϭⲓϫ ⲉϩⲣⲁⲓ ⲉⲣⲟϥ ⲡⲉ</ab>
14ⲉϣϫⲉ ⲟⲩⲛ ⲛⲟⲃⲉ ⲗⲁⲁⲩ ϩⲛ ⲛⲉⲕϭⲓϫ ⲙⲁⲣⲉϥⲟⲩⲉ ⲙⲙⲟⲕ ⲙⲡⲣⲧⲣⲉ ϫⲓⲛϭⲟⲛⲥ ϣⲱⲡⲉ ϩⲙ ⲡⲉⲕⲙⲁⲛⲟⲩⲱϩ</ab>
15ⲧⲁⲓ ⲅⲁⲣ ⲧⲉ ⲑⲉ ⲉⲧⲉⲣⲉ ⲡⲉⲕϩⲟ ⲛⲁⲟⲩⲟⲡ ⲛⲑⲉ ⲛⲟⲩⲙⲟⲟⲩ ⲉϥⲥⲟⲧϥ ⲕⲛⲁⲕⲁⲁⲕ ⲇⲉ ⲕⲁϩⲏⲩ ⲙⲡⲧⲱⲗⲙ ⲛⲅⲧⲙⲣϩⲟⲧⲉ</ab>
16ⲁⲩⲱ ⲕⲛⲁⲣⲡⲱⲃϣ ⲛⲛⲉⲕϩⲓⲥⲉ ⲛⲑⲉ ⲛⲟⲩϩⲟⲉⲓⲙ ⲉⲁϥⲥⲁⲁⲧⲕ ⲁⲩⲱ ⲛⲅⲧⲙϣⲧⲟⲣⲧⲣ</ab>
17ⲛⲧⲉ ⲡⲉⲕϣⲗⲏⲗ ϣⲱⲡⲉ ⲛⲑⲉ ⲙⲡⲥⲟⲩⲛϩⲧⲟⲟⲩⲉ ⲛⲧⲉ ⲡⲱⲛϩ ϣⲁ ⲛⲁⲕ ⲙⲡⲛⲁⲩ ⲙⲙⲉⲉⲣⲉ</ab>
18ⲕⲛⲁⲕⲁϩⲧⲏⲕ ⲡⲉ ϫⲉ ⲟⲩⲛⲧⲁⲕ ⲙⲙⲁⲩ ⲛⲟⲩϩⲉⲗⲡⲓⲥ ⲉⲃⲟⲗ ⲇⲉ ϩⲛ ⲛⲉⲕⲗⲉϩ ⲙⲛ ⲛⲉⲕⲣⲟⲟⲩϣ ϯⲣⲏⲛⲏ ⲛⲁⲟⲩⲱⲛϩ ⲛⲁⲕ ⲉⲃⲟⲗ</ab>
19ⲕⲛⲁϩⲣⲟⲕ ⲅⲁⲣ ⲛϥⲧⲙϣⲱⲡⲉ ⲛϭⲓ ⲡⲉⲧϯⲟⲩⲃⲏⲕ ⲟⲩⲛ ϩⲁϩ ⲇⲉ ⲛⲁⲕⲧⲟⲟⲩ ⲛⲥⲉⲥⲡⲥⲱⲡⲕ</ab>
20ⲡⲟⲩϫⲁⲓ ⲇⲉ ⲛⲁⲃⲱⲕ ⲛϥⲕⲁⲁⲩ ⲧⲉⲩϩⲉⲗⲡⲓⲥ ⲅⲁⲣ ⲡⲉ ⲡⲧⲁⲕⲟ ⲛⲃⲁⲗ ⲇⲉ ⲛⲛⲁⲥⲉⲃⲏⲥ ⲛⲁⲃⲱⲗ ⲉⲃⲟⲗ</ab>